Hiburu 9:14 - BAṈARA KO VAIRU AMA LEVELEVEO

¹⁴ Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Hiburu 9:14 교차 참조

Matiu 12:28

Ako aṉata pui vo Setani inio o katila ko pizato inio a rerika ko ziolo poso sole, melai vo Baṉara vo Auvana kale inio, ni kokale nio meta me duvevo puekou ta vo Baṉara ko lekasa puo ta lula ko melai baroa.

Matiu 16:16

Ni vo Saimone Pita ta o vati tiorikake ni eri kiolake, “Ṉota vo Baṉara o pitoeṉeni Pakio ṉa vo saevola Baṉara vo meqora ṉa,” kiolake.

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Matiu 7:11

Meta ruqea mela melai meta meqai zaria katimo ko uri ama quli meko meqora poso. Mevo aukale ala Mama ta o melai paloasa me, sole me rovea tuvevo pueko ta vota o katimou ko matu uri ama quli seke pasekani vokasi!

Luke 12:24

Meta kemo ko okale ama biaṉabiaṉa poso, seta pui ke papaka kama rui ni pui ke sabereputa, ni puliama varivaripato ko pade samu sai seke padoekakoi ko sailao, melai vo Baṉara inio o niaekani koa biaṉabiaṉa poso. Meta meda ka matu qulepa ko biaṉabiaṉa poso, so sole pui ukaka opa imelou me!

Luke 12:28

Ni koa sisusisu poso ta ko eva seulele valuvalu matu puju ama taku kale, ni koko tova inio maba poso ta ke saqaeka ni ke risaeka uza kale. Melai vo Baṉara ta matu ileilea zaloniko o eve koa seulele sisusisu kale. Meta pui me duvevo puekou ta vo Baṉara ta o saboemelou me sabosabo kale, omadeuvo vota o zalonika jari ko seulele sisusisu kale, ta meko oqu ta matu silo ama ikio!

Luke 4:18

“Vo Baṉara vo Tabu ala Auvana ta aṉa tona, ako vota lula o pitoele aṉa tu aṉata aqai bazubazutou ko Uri ama Bazu se ozaoza kamu kasi. Vota lula o soroele aṉa tu aqai bazutou ko rupasio se piripiri amu kasi, tu se leqa kamu ta ke keazatou ni ke rupasio seke niumaniumaivani,

Jone 3:34

Vo Baṉara ta o soroeve vo ni vota okai bazubazute vo Baṉara ko bazubazu, ako vo Baṉara ta ovai avozike vo vovo pado ala Tabu ala Auvana sole.

Iruruputo 1:2

ti kobeta baroi koa ṉaniu vo Baṉara o koivievo keru vo aukale. Puliako vo koilo aukale ta vo Tabu ala Auvana ko pizato kale vota o katimake ko bazu sea maba poso vo o pitoemeni tu voko apositolo madu ke elo.

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 14:15

“Noi sole inio meta me ereka eri ama quli? Ako eqeta maba qela inio me jaria qela! Eqeta qe kuevani qela inio koi tu kasekole vo Jisu ko Uri ama Bazu, tu meta me lilizio koa utube ama quli kasi azo vo tuvevo ala ni saevola Baṉara kasi vo o erekeni ko au, miduku, ivere ni kiadama quli sai ko evako quli.

Iruruputo 15:9

Vota pui edolovoa puariko opa eve anime kasi ni sekasi, ni vota ota ma akoekake seko sarueko poso ako seta ke tuvevo putake sole.

Romu 1:20

Vo Baṉara ta pui opa keazai maba ko vilu kale, melai ko peuru ma peuru ko erei keru azo inio voko noqola kama pizato ni voko Baṉara elo ta kasa ko evake voko iruruputo kale; so sole sea maba poso ta pui keta ka rovea zolio kiadama seko ruqe ama iruruputo.

Romu 1:4

melai vo Tabu ala Auvana ko pizato kale, Baṉara ta kasa o ivake vo Jisu ta vota Baṉara vo Meqora inio, vo o saevive keru vo voukale azo voko pizato kale.

Romu 11:12

Se Jiu amu ko bikoirato kale ta ko puratake vo Baṉara ko matuma mauruto peuru ma peuru kale, ni se Jiu amu kekai suatema matuma mauruto ta ke koe se pui Jiu amu. So sole animeta me qerukeruekou koa matu ti matuma mauruto ko purato ama animea kiada mela kasi so keru vo Baṉara o pakiemou keru se Jiu amu!

Romu 11:24

Me pui Jiu amu mela inio omadeuvo koko lopaima piru ama olive ore ko kata jaria mela ni vairua qotupo ko evema mabamaba kama olive ore topi. So ta pulia quli ko kavani nio, melai Baṉara inio o roveovi ereko. Melai se Jiu amu ta omadeuvo koa mabamaba kama ore jari amu; ni kota matu olu vo Baṉara kasi tu vota mata o tova nasoekou koko lopaima kata poso ko ṉaviko ore topi.

Romu 6:13

Meko pado ama saevo ta pui katiko ko sarueko tu koa sarueko ta kokai iruruputo ruqe ama kerukeru ni kalo kale. Melai meta katiziomo me ṉavi vo Baṉara kasi ako meta mata me jaevani mela sole voukale azo, ni meta katikomo meko pado ama saevo tu kai iruruputomo ko vo Baṉara ko sidopu ama kerukeru ni kalo kale.

Romu 6:22

Melai erisaṉa meta lula meda rupasia sarueko kale azo ni meta vo Baṉara ko mabaku mela inio. Ni meta tabu meda eva meko saevo kale vokasi, ni koko reketekete ta noqola kama saevo.

1 Koriniti 15:45

Ako eri nio ko Tabu ama Riki kikolani sole, “Vo kuleto ala maba Adami ta o ereivake ni saevola maba o evake.” Melai vo tovatovala Adami, vo inio vo Jisu, voa auvana vo o katimani ko vairu ama saevo.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

2 Koriniti 6:16

Ni vo Baṉara ko Jelepade kale ke ilusatani ta mata beku poso ke ilusikani nio, kio? Ako anime inio vo saevola Baṉara ko Jelepade mela! O ṉavi Baṉara kiovevo jari, “Aṉata a erekou aṉako zae a ṉaviko maba poso kasi ni aṉata a loilou se sate; Aṉata sevo Baṉara a elou, ni seta aṉako maba madu ke elou.”

Qelesia 2:19

Ako aṉata a vaeke kai oqu Mosese ko Bazu aṉa abe kai saeve keru koa Bazu. Ni koa Mosese ko Bazu ikio kolai nianiiekike aṉa tu pui aqai keru ko ṉavi koa Bazu, so sole aṉata a vovi jari koa Bazu ko rana kale. So inio aṉata mata a jaeva aṉako vai oqu vo Baṉara kale. Ako aṉata Karisito sase korosi topi ke vouvaeleni jaria lala sole,

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

1 Tesalonaika 1:9

Kiadama sea maba poso ta ke kaseka meko ṉeamuṉelo eṉe so keru eṉe ṉe joipimele keru me, ni meko ṉamuko meko beku poso tu mevai nabuluputou vo tuvevo ala ni saevola Baṉara,

1 Timoti 1:17

Me ilusivou ni ṉaṉaidara puevou vo noqola kala ni paito pide ala ni mutamuta kale ala Aikovakova, vo omadeu pado Baṉara latau ṉaniu ni ka ṉaniu! Emeni.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.

Hiburu 10:10

Ako Karisito ta o ereke Baṉara oka zariovima quli tu vota o ereko, ni voko tupu ta siqasiqa ko evake omadeu taku ko malezikako kiadama taku tu animeta bulebule me elo.

Hiburu 10:12

Melai Karisito inio o erekeni omadeu pado siqasiqa pizato sama ko noqola ṉamuko ko evako se maba poso ko sarueko poso. Sai kazo inio vota o papuake Baṉara ko palo rana vasia rana ni lekasa o evake.

Hiburu 10:2

Ako seke ilusivani vo Baṉara ta tuvevo avole lula bulebule ke eva seko sarueko poso kale azo tea, seta pui nio kepa lainikou seko sarueko, ni kiadama siqato poso melai kota epezo inio.

Hiburu 10:22

So sole animeta me qilou vo Baṉara ko sipole ni mevai oquvou vo Jisu Karisito ni me qativou animeko pado ama bulo, ako vo Jisu ko dara ikio bulebule ko ikema animeko pado ama bulo poso, tu meqai nianiio ta vo Baṉara ta lula o akoeka animeko sarueko, ni lula bulebule o imela anime kio.

Hiburu 11:21

Oqu kale inio Jekopi ta mauru o ikake vo Josepa ko lasive meqora kidi sipole o vou kiola keru. Vota o zukaidake voko daṉa topi ni vota o ilusivake vo Baṉara.

Hiburu 13:12

Sokale avo inio Jisu ta soa vou o eve Jerusalema peuru ko kupekupe tu vota o ṉaviko tabu ama maba poso o imelo anime, voko dara kale.

Hiburu 3:12

A lolo poso, meta balauvomo tu puliala me azo ta o ṉeamukou ko ruqe ama bulo ni pui tuvevo puto, koko lilimelo ama me vo tuvevo ala Baṉara kasi azo.

Hiburu 6:1

So sole animeta me zuato koa nianiiekato, ko muqaro ko imelo ama anime auvana kale, tu pui me noqoeko pala ko kuleto ama quli lotu ko. Koa kuleto ama quli lotu ko ta pui me dova tanieko zakaremu pueko, ko eri ama: ko lilizio utu ama iruruputo ko ereko kale azo, koko melati ziovo ama auvana kale ama voukale; vo Baṉara vai oqu,

Hiburu 7:16

Vota siama o eve, pui siama ko imo ko bazu kale, melai noqola kama saevo ko pizato kale.

Hiburu 7:27

Vo Jisu ta pui o erekani ko siqasiqa kiadama ṉaniu sea ṉisa siama madu jari, o ṉaviko sarueko ko siqasiqa kuleto Saita, ni koko tova ta mata sea maba poso ko. Vota pui so o kavani, ako vota sarueko pide ala sole. Melai vota o ereke omadeu siqasiqa o ṉaviko tupu kale, omadeu pado taku ko malezikako kiadama taku.

Hiburu 9:12

So keru vo Karisito okai amaqeovi keru omadeu pado taku kale ko malezikako kiadama taku koa Matu Tabu ama Zae ta pui opa borike ko bulumakau ni qouti ko dara tu o ereko kama pado siqasiqa, melai vota o borike o ṉaviko dara ni kokale animeta me qoe ko noqola kama pakio animeko sarueko poso kale azo.

Hiburu 9:26

Kubo taku okai amaqeovi tea, vota ota tolailo inio kubo taku kale peuru ma peuru ko erei keru azo. Melai koko ereima kale vota kasa o eve omadeu taku ko kiada ko malezikako kiadama taku komia tovatovama taku kale, tu vota siqasiqa o elo o ṉavi, tu vota noqola zauteko o elou maba poso ko sarueko poso.

Hiburu 9:7

melai vo Ṉisa Siama o kiada inio o amaqea koa tepe pade ko poro kale ama Matu Tabu ama Zaekale omadeu taku omadeu sabere kale. Vota pui o utu amaqea sai, melai vota o borika biaṉa ko meqora ko dara tu vota o kativo vo Baṉara, o ṉaviko sarueko ko siqasiqa kaqe, ni vota o kati ola ko biaṉa ko dara vo Baṉara okai akoekato maba poso ko sarueko, ko se pui kai nianiio kale ke erekema sarueko poso ni pui sarueko pa ka kikevema.

Hiburu 9:9

Kiadama ko quli ta mamola pala ko kasa ko mela ikako anime vo Karisito ko iruruputo. Kota kasa ko ika anime kasi ko katizato ni biaṉa kale siqasiqa ereko Baṉara kasi ta pui ko male tu kasa va iko vo maba ko voko sarueko ta kota va akoiva.

1 Pita 1:19

Melai Baṉara ta o tabarimele me vo Karisito ko qulepo ama dara kale, voa siqasiqa Sipi ko Meqora jaria bulebule ala ni remedemede pide ala kale.

1 Pita 2:22

Ako vota puliama sarueko sala ni pui o lipalipatani sole.

1 Pita 2:24

Ako o ṉavi Karisito inio o mela borike animeko sarueko poso voko tolailo ni voukale korosi topi. Vota o ereke ko quli tu animeta me vaekou sarueko sama saevo ni me daniekou kai saevo ko sidopu. Ako voko tabi kale inio meta me urike sole tupu ni auvana kale.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Pita 4:2

So sole vairutu azo, meko miduku kale ama saevo kale meta odiziomo vo Baṉara ko vatolo kale, melai pui me ṉaviko zario kale, koko odiemelako ruqe kasi.

1 Jone 1:7

Vo Baṉara ta zakaremu kale o evani nio. Ni animeta me elou zakaremu kale, nio animeta omadeu lolopareo me elou animeko vai nianiio kale vo. Ni animeta me elou zakaremu kale inio vo Jisu Karisito, Baṉara vo Meqora ko dara ta bulebule ko imelou kiadama animeko sarueko kale azo.

1 Jone 3:5

Ni meta meqai nianiia ta Karisito ta o kuevi tu o ṉamuko ko sarueko ni vota sarueko pide ala.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo