Hiburu 9:11 - BAṈARA KO VAIRU AMA LEVELEVEO

¹¹ Melai komia taku vo Karisito ta lula Ṉisa Siama okai eva ko uri ama quli ko lula ko baroako. Vota lula okai amaqea koa qulepo ama ni korotoma tepe pade. Koa tepe pade ta pui maba madu kepa erekema ni kota pui komia peuru ma peuru ko kama kena.

Hiburu 9:11 교차 참조

Matiu 11:3

ni nioqata eri kiqolake, “Jisu, ṉota bazueṉela eṉe, ṉo inio voa maba ṉa Jone o kaseveni vo eri va kioveni, mainio kala opa kilou va kioveni, kio? Ma eṉeta mata ṉe darevou kala edolola?” kiqolake.

Matiu 2:6

‘Me Betelihema peuru kalea mela, Jiudia rana mu mela, meko peuru ta maba qulepo ama koa kuleto ama Jiudia peuru poso kale azo, ako mekasi azo inio o puratou kala lekasa, vo kuleto oma elo ala aṉako qoqono se Izireli amu.’ ”

Maka 14:58

ni eri kikelake, “Eri nio kiolani nea maba, ‘Aṉata a biresukou komia maba ko erekema Jelepade ni zouke ṉaniu kale inio a baikou orumuko koa Jelepade maba pui kopa kai roveovo ama orumuko,’ nio kiolani,” kikelake.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 4:25

Ni koa rekoreko ta eri kikolake vokasi, “Aṉata avai nianiia vo Baṉara o soroevo ala Pakio ta ota kilou. So keru vo o kilou keru vota kasa o ikou kiadama quli anime kasi,” kikolake.

Iruruputo 7:48

Melai vo matu Raura kala Baṉara ta pui se maba madu ke erekema pade poso kale inio o evani. Vo poropita Aisea kiovevo jari,

2 Koriniti 4:18

Ako eṉeta pui ṉeqai lilitani ṉela ko kasale ama quli koko keazaivako vilu kale, melai ko pui ko keazaivako quli kio. Ako koko keazaivako quli vilu kale ta puju ama taku kale pala ko evako, melai ko pui ko keazaivako quli ta noqola ko elou.

2 Koriniti 5:1

Ako eṉeko tupu komia miduku kale ama ta omadeuvo kama tepe pade ko eṉe puju ama taku kale ṉeqai evako jari. Ni eṉeta ṉeqai nianiia komia tepe pade eṉe ṉeqai evako ko rotiziovou keru ta vo Baṉara ta o katiṉelou eṉe ko paito pide ama saevo ko tupu o ṉavi o ereko ama, ni kota eṉeko noqola kama pade jari aukale ama peuru kale.

Kolosi 2:11

Meko omadeu vati elo kale vo ta meta lula me qoa meko auvana kale ama mamola. Karisito inio lula soa mamola puemelo o eva voko rupasimelo kale me sarueko ko pizato kale azo. Koa mamola ta omadeuvo se Jiu amu ke erekako moveilo ko mamola jari, ko seke erekako seko tupu kale ama, melai koa mamola meko ta pui maba o erekako melai Karisito o erekako ikio.

Hiburu 10:1

Mosese ko Bazu ta omadeuvo kama pado mamola koko kasekako koa uri ama quli Karisito o kati kuevako, kota pui ko ṉavi koa tuvevo ama quli Karisito o kati kuevako. So sole se siama madu ta upo ke kati ijaeka ereko koa omadeu keve siqato kiadama sabere ma sabere poso. Koa siqato ko ereko ta maba pui ko korotima se maba poso tu seta ke zio Baṉara ko sipole sidopu amu voko tanama kale.

Hiburu 12:27

Koa pesio poso vo o kasekema “mata kama pado taku kale,” kikolako ta ko melai bazue ta, vo Baṉara ta o ṉamukou kiadama quli koko roveako vezokato, koa kiadama quli vo Baṉara o erekema miduku kale, tu ko aukale ama quli pui ko roveako vezokato ta kobeta elou.

Hiburu 13:14

Ako komia peuru ma peuru kale ta pui animeko ṉisa peuru sole animeta meqa zaria baro koa noqola kama peuru aukale ama sai anime me eloa koi.

Hiburu 2:17

So sole vota lula anime voko visi poso mela jari ota eva kiadama keve kale, tu animevo kerula kala ni baise ala Ṉisa Siama o elo voko va nabuluputo kale vo Baṉara, tu se maba madu ko sarueko poso ta kota ma akoilo.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

Hiburu 4:15

Animevo Ṉisa Siama ta o rovea lainike animeko lekuleku poso ko upotuqu, ako vota anime jaria maba o eveni sole, so sole vota o toraeke kiadama quli koko zolizolievema quli, omadeuvo anime me doraekako jari, melai vota pui opa sarueke.

Hiburu 7:1

Voa Melekizedeki ta Selema peuru kale lekasa o eveni ni Matu Raura kala Baṉara vo siama. So keru Ebarahami obeta vaita keru pazokinio kale azo opa ruvurime keru ariku lekasa, so keru inio Melekizedeki ta opa toraevake vo, ni vota o maurumauruevake vo,

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

2 Jone 1:7

Matu kubo lipalipa kama nianiiekato ko maba madu ta iniseana komia peuru ma peuru kale. Ni seta eri kikela, vo Jisu Karisito ta pui maba opa eve ni pui opa kuevi miduku kale koa voko maba elo kale kikela. Vo so kiolani ta lipalipa kala nianiiekato ko maba ni vo inio vo Karisito vo kana.