Hiburu 8:5 - BAṈARA KO VAIRU AMA LEVELEVEO

⁵ Ni koa siama iruruputo seke erekako ta ke ereka ko aukale ko evako quli ko laumuna pala. Omadeuvo ko ereima Mosese kasi voko taku keru jari, vo oka zari keru ereko ko tepe pade lealea kama zaekale, vo Baṉara eri kiove keru vokasi, “Ṉota uria ereko eve koa tepe pade, kiadama koko lomaloma sate ni koko ereere kale ko aṉa kasa aṉa ikema sopu kale,” ka kiovema.

Hiburu 8:5 교차 참조

Matiu 2:12

Nio seta keta vaitake ke peuru kale edoloma keve kude ako vo Baṉara ta o kaqarimake se uloi kale tu pui ke vaito Herodi kasi sole.

Iruruputo 7:44

“Animeko taite poso ta Baṉara ko tepe pade samu lealea kama zaekale ko kasa ko ikema ko vo Baṉara ta se sase inio kio. Baṉara ta o bazuevake vo Mosese tu o ereko koa tepe pade, koa ereere Baṉara kasa ova ikema kale.

Kolosi 2:17

Soama tabu poso ta koko kilo ama quli ko suirikako, melai Karisito inio koko tuveano.

Hiburu 10:1

Mosese ko Bazu ta omadeuvo kama pado mamola koko kasekako koa uri ama quli Karisito o kati kuevako, kota pui ko ṉavi koa tuvevo ama quli Karisito o kati kuevako. So sole se siama madu ta upo ke kati ijaeka ereko koa omadeu keve siqato kiadama sabere ma sabere poso. Koa siqato ko ereko ta maba pui ko korotima se maba poso tu seta ke zio Baṉara ko sipole sidopu amu voko tanama kale.

Hiburu 11:7

Oqu kale inio Noa ta o viqake Baṉara ko balauvato sama pesio, so keru vo ovai bazueke keru ko nioqololo koko kilo ama ko vo pui vima sase opa kevema. Vota o zorivake vo Baṉara ni o erevake kala matula vaka sai vo ni voko saidi ke pakiovikoi. So sole vota kasa o ikake vo Baṉara ko titizimo sea so keru ama peuru ma peuru kale ama maba madu seko ruqe ama kalo kale avo, melai vo Noa ta o koe vo Baṉara ko sidopu, vota oqu sala sole.

Hiburu 12:25

So sole meta balauvomo tu pui tava lupao viqo vo o pesiani mekasi. Ako sea maba poso se lulavo keta va lupaovini viqo vo okai pesiovini komia peuru ma peuru kale ko balauvimema bazu ta pui kepa taka soqoi. Sokale avo inio anime me viqani mela vo aukale azo o pesiani ta meda ka lupaovou viqo voko pesio, ta maba pui meba taka soqoilou.

Hiburu 13:10

Animeta kama pado edoloma siqasiqa samela, vo Jisu o erekema. Se siama madu ke nabuluputani se Jiu amu ko ilusato ko zaekale ta pui ke male tu kekai zomano kovo kama kena animeko sara kale ko evako siqasiqa.

Hiburu 9:9

Kiadama ko quli ta mamola pala ko kasa ko mela ikako anime vo Karisito ko iruruputo. Kota kasa ko ika anime kasi ko katizato ni biaṉa kale siqasiqa ereko Baṉara kasi ta pui ko male tu kasa va iko vo maba ko voko sarueko ta kota va akoiva.

Kelokelozato 15:5

Koko tova inio aṉata a veake vo Jelepade veukaveuka kala aukale, o ṉavi Baṉara o evakoi zala tepe pade sala.