Hiburu 7:22 - BAṈARA KO VAIRU AMA LEVELEVEO

²² Ako koa kejo kale Jisu ta tuvevo saṉa ni vinavina o ika ko leveleveo ni vokale kude animeta meqai nianiia ta kota kokai paloasa ko lulama leveleveo.

Hiburu 7:22 교차 참조

Matiu 26:28

komi ta ko mamola pueka aṉako dara, koko rereovo ama tu ko pakiemo kubo maba poso tu vo Baṉara ta ota ma akoekou seko sarueko, ni komia aṉako vou kio ko vinaeko ama vo Baṉara ko leveleveo maba poso kasi.

Maka 14:24

Nio Jisu ta mata eri kiolake sekasi, “Komia kapa vaini sama ta ko mamola pueka aṉako dara, koko rereovo ama tu ko pakiemo kubo maba poso, ni komia aṉako vou kio ko vinaeko ama vo Baṉara ko leveleveo maba poso kasi.

Luke 22:20

Ni koa omadeuvo jari, koa vuato ko tova inio vota o katimake ko kapa vaini ko ju sama, ni eri kiolake, “Komia kapa vaini ko ju sama ta ko mamola pueka aṉako dara, koko rereovo ama tu ko pakiemelo me, ni komia aṉako vou kio ko vinaeko ama vo Baṉara ko vairu ama leveleveo maba poso kasi.

1 Koriniti 11:25

Ni so jari mata, koa vuato ko tova vota o katimake ko kapa vaini ko ju sama, ni so kiolake, “Komia kapa vaini ko ju sama ta ko mamola pueka vo Baṉara ko vairu ama leveleveo, ko pizato saṉa ko evako aṉako dara kale. Kiada keru meme nozuekou keru ko, meta erekomo aṉako kerukeruelo kaqe,” kiolake.

Hiburu 12:24

Meta lula meda baroa vo Jisu kasi vo o pizatikeni ko vairu ama leveleveo vo Baṉara o erekema maba poso kasi. Voko dara ikio koko pirupusaima, ko kasa ko ikako akoekato sama roquano tu anime kaqe, koko taka qulepako vo Ebolo ko dara vaitotola sama.

Hiburu 13:20

Baṉara ta o saevive vo Lekasa Jisu voukale azo, vo raura kala anime o melati vailani omadeuvo sipi o kati vailani maba jari. Vota o saevive vo koa dara ko pizato kale, koko vinaekema koa leveleveo, vo o erekema anime kasi tu kota noqola pizato ko elou.

Hiburu 7:23

Ka pado edolovo Jisu ko ta sea kubo lulama siama madu Livai ko vikuvikula kale amu ta pui noqola kepa eve ti seta pui kepa kai noqoi ereko ko siama iruruputo.

Hiburu 8:13

Baṉara ko kai pesio kale koa vairu ama leveleveo vota tana o ikake koa kuleto ama pado leveleveo; ni ko quli lula tana ko evako ni lula lekuleku ama ta taukavole kota muluatou.