Hiburu 7:11 - BAṈARA KO VAIRU AMA LEVELEVEO

¹¹ Livai madu ko siama elo ko taku keru inio se Izireli amu ta ke koake ko Mosese ko Bazu. Melai sea siama madu ko iruruputo ta pui nio ko male, so sole kala pado siama ta o puratake, vo inio vo Jisu Melekizedeki ko keve o luluekeni, pui Eroni ko keve.

Hiburu 7:11 교차 참조

Qelesia 2:21

Aṉata pui aba zaraekou koa roquano sama iruruputo vo Baṉara ko, ako koa lulama Bazu Mosese o katimelema ta pizato sama tu sidopu ko imelo anime vo Baṉara ko kelokelozato kale tea, vo Karisito ta puliako kaqe inio opa vou.”

Qelesia 4:3

Ni anime melai so inio lula animeta se meqora poso jari. Puliako Karisito kilo animeta mabaku jari me evake animeko vai nabuluputo kale vo Baṉara piza kama bazu poso ko lulueko kale.

Qelesia 4:9

Melai erisaṉa inio meta mevai uria nianiia vo tuvevo ala Baṉara, ma esa matu uri tu eri kiavou, voa tuvevo ala Baṉara ta o melai nianiia me. So sole loma kaqe inio meta mata me vaita koa lekuleku ama ni utube ama bazu kale ko meme luluekema jari ama koko paloasako taku kale? Meqai zaria tu mata mabaku me elo?

Hiburu 5:10

nio Baṉara ta o pitoevake vo tu vota ṉisa siama o elo, omadeuvo vo Melekizedeki voa siama jari.

Hiburu 5:6

Ni vota mata eri kiolake kama Tabu ama Riki kale, “Ṉota kala noqola kala siama ṉo elou, omadeuvo Melekizedeki siama jari.”

Hiburu 6:20

Jisu o kiada inio lula o amaqeovini sai anime kaqe, ni noqola kala ṉisa siama o eveni, Melekizedeki jari.

Hiburu 7:10

Ako Ebarahami o toraeve keru vo Melekizedeki ta pui nio o alilake vo Livai melai vota obeta evake vovo taite Ebarahami ko dara kale.

Hiburu 7:12

Ako so keru kuleto ama siama iruruputo ko besieke keru ko vairu ama siama iruruputo inio bazu melai mata soa besizio ko evake.

Hiburu 7:13

Ni so jari vo animevo Lekasa Jisu vo aṉa avai bazutani ta edoloma toutou kale ala, ako vota Jiuda toutou kale ala ni puliala inio koa toutou kale ala siama opa eveni.

Hiburu 7:15

Animeta meqai nianiia komi quli, ako vo edolola siama ta o purate sole, Melekizedeki jari ala.

Hiburu 7:21

Melai Jisu siama o evake, so keru inio Baṉara ta kejo saṉa o ikake voko pesio ni eri kiolake, “Aṉata lula kejo a iṉa tu ṉota noqola siama ṉo elou, ni aṉako vatolo ta pui kopa besiziovou,” kiolake.

Hiburu 8:7

Kuleto ama leveleveo ta maba korokoroti ama tea, puliama ikio ka zario omuqama leveleveo.

Hiburu 9:6

Koa lomaloma poso ko inainailo ko tova, se siama madu ta ke amaqea koa kuleto ama lose kale ni seta ke ereka seko koidi poso kiadama ṉaniu,