Hiburu 6:10 - BAṈARA KO VAIRU AMA LEVELEVEO

¹⁰ Ako vo Baṉara ta matu sidopu ala kiadamu kasi. Vota pui ukaka opa ikou meko iruruputo ni ko meme buratikema roquano meko tauvemo kale lula ni erisaṉa vo Baṉara ko qoqono voko ṉikale.

Hiburu 6:10 교차 참조

Matiu 10:42

Meta uria kai nianiimo komi quli, vo o kativo ala kama kapa saroro ju pala kala zara kala, ako vota aṉavo lulupato ko maba sole, ta vo Baṉara inio reketekete saṉa o ivou voa maba,” kiolake vo Jisu.

Matiu 20:7

Nio seta ke vati tiorikake ni eri kikelake, ‘Puliala o ṉelai zaria tu eṉeta ṉe iruruputo sole,’ kikelake, so sole vota o soroemake tu kepa iruruputo koa vaini kiaro kale.

Matiu 25:17

Omadeuvo jari voa nabulu vo o kativeni omuqa vuro takula vota mata o koake kama omuqa vuro takula.

Maka 9:41

Ni tuvevo avole aṉata a bazuemela me, ni kala ta o katimelou me omadeu kapa ju pala ako meta aṉako disaipeli mela sole, ta vo Baṉara inio reketekete saṉa o ivou voa maba,” kiolake.

Jone 13:20

Tuvevo avole aṉata eri kiala mekasi, vo o baroekimani se aṉa a joroemani ta o baroekila aṉa, ni vo o baroekilani aṉa ta o baroekiva vo o soroeleni aṉa,” kiolake vo Jisu.

Iruruputo 10:31

ni eri kiolala, ‘Koniliasi! Baṉara ta ota ṉa viqala ṉoko vararaito ni vota ota ṉa keala ṉoko puaropuaro sama iruruputo se ozaoza kamu kasi.

Iruruputo 10:4

Nio vota o toiritoirivake voa mateana ni voko ṉalo sate vota eri kiolake, “Loma ikio, tanala?” kiolake. Nio vo mateana ta o vati tiorikake vo ni eri kiolake, “Vo Baṉara ta oka zoleiva ṉoko vararaito ni ṉoko tauvezato sama iruruputo, ni vota o kerukerueṉa ṉo.

Iruruputo 11:29

Ni seke tuvevo putani ta ke vatoekake tu seta ke padoekou ko seleni omaomadeu ke navinavi ko bokao kale tu seta ke soroeko ni ke tauvemo seko lotu baerebaere poso se Jiudia peuru poso kale ke evani.

Romu 12:13

Meta puarikomo meko kama ma kama se olaquamu vo Baṉara ko maba madu kale amu kasi, ni ma veukomo meko pade se pakepakeo maba madu.

2 Koriniti 9:1

Pui koko maba male ikio tu aṉata a dova rikieko mata mekasi koa tauvezato ko kio ni kalo koko soroilo ama vo Baṉara ko maba madu kasi se Jiudia peuru poso kale ke evani ozaoza kamu kasi.

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Qelesia 6:10

Ni so keru anime meqai roveovo ama taku kale animeta me dauvemou kiadama maba madu ni me dauvemou matuvole se kevai oquani vo Jisu Karisito.

Kolosi 3:17

Kiadama quli meme erekako ni me qasekako quli meta erekomo vo Lekasa Jisu Karisito ko ṉikale kude, so keru meme rauraeva keru vo Baṉara vo animevo Mama vo Jisu kale kude.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

1 Timoti 6:18

Bazuema se tu seta kemai tauveko edolomu seko batiro, tu seko zolemo ama ta seko uri ama kalo ko elo, ni kekai zoleilo seko mati puaro se edoloma maba poso.

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

Hiburu 10:32

Meta kerukeruekomo lulama taku so keru me kuleto meqai nianiiovi keru vo Jisu vai oqu. Koa taku meme doraeke keru ko matuma tapata melai meta me bataite ni me bizate tapata kale.

Hiburu 13:16

Pui ukaka iko meko uri ereko edolomu kasi, ni meko tauvekinio, ako ko ikio koa siqasiqa vo Baṉara ko zolevako sole.

1 Jone 1:9

Melai animeta meqai eraeraovou animeko sarueko vo Baṉara kasi, nio vota ota mela akoekou. Vota kerula kala sole animeta me rovea vai keru vo, ta vota o mela erekou sidopu ama quli: vota bulebule o imelou kiadama animeko sarueko me erekako kale azo.