Hiburu 4:13 - BAṈARA KO VAIRU AMA LEVELEVEO

¹³ Pulia quli ta ko rovea tava daipailo vo Baṉara, kiadama quli peuru ma peuru ko ereima ta kasale voko keazato kale. Animea kiada mela ta me lojolou voko kuleto ni animeta meqai eraeraovou kiadama quli ko lula anime me erekako quli.

Hiburu 4:13 교차 참조

Matiu 6:4

Ni koa kalo kale ta me ṉavi me qiada inio meqai nianiiovou meko puaro. Ni mevo Mama vo o keani meko moiza kalo kale ama puaro ta reketekete saṉa o imelou me.”

Jone 2:24

Melai o ṉavi Jisu ta pui okai keruake seko tuvevo puto, ako vota o uria paqumumake kiadama maba poso sole.

Jone 21:17

Ni zouke ama pado taku kale Jisu ta so kiolake vokasi, “Saimone, Jone vo meqora ṉa, ṉota ṉo roquela aṉa kio?” kiolake. Sai nio Pita ta duki ota evake ako Jisu ta ovai kuimaekake ko zouke taku “Ṉota ṉo roquela aṉa, kio?” sole, sole vota eri kiolake, “Lekasa, ṉota ṉoqai nianiia kiadama quli, ni ṉota ṉoqai nianiia aṉako tuvevoa roqueṉo ṉo kio!” kiolake. Ni Jisu ta eri va kiolake vo, “Ṉota niaeka aṉako sipi poso.

Jone 4:16

Nio Jisu ta o bazuekake koa rekoreko, “Ola tu pa odieva ṉovo lasive ni ṉo vati kilou koi,” kiolake.

Iruruputo 17:31

Vota lula o takumuke koa ṉaniu vo o sidopua titizikou keru ko pado ama peuru ma peuru, ni vota lula o pitoeve voa maba vo o ereko ala koa titizato. Ni Baṉara ta lula kasa o ike voko pitoevo vo kiadama maba poso kasi voa maba ko mata saevivo kale voukale azo!” kiolake.

Romu 2:16

So inio ko kalo avo vo Baṉara ko matuma ṉaniu kale so keru vo o titizikou keru kiadama mutamuta kama kerukeru poso. Ni ko ikio koa Uri ama Bazu aṉa aqai bazutako, Jisu Karisito azo a qoema.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

2 Koriniti 5:10

Ako animea kiada mela ta kasa me elou vo Karisito ko tanama kale, vo o titizatou keru, tu kalakala me ṉavi ta meda ka kovou animeko miduku kale ama iruruputo ko tabara. Animeta meda ka kovou ko uri ama iruruputo ko malezikako reketekete ni meda ka kovou ko ruqe ama iruruputo ko malezikako vaitotola.

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.