Hiburu 4:10 - BAṈARA KO VAIRU AMA LEVELEVEO

¹⁰ Ako vo o koani ko mamazo vo Baṉara o kasekema ta o mamazou voko iruruputo kale azo, omadeuvo vo Baṉara o mamaze voko iruruputo kale azo jari.

Hiburu 4:10 교차 참조

Jone 19:30

Ni Jisu ta o kuzuekake koa vaini ko ju ni sai nio vota eri kiolake, “Kota okota kiadama iruruputo!” kiolake. Ni vota o loqunikake voko lezu ni ko vaevake voko auvana.

Hiburu 1:3

Vo inio o puratikeni vo Baṉara ko ṉaṉaidara ko zararamana ni vo inio vo Baṉara ko maba ereere o eveni, ni voko piza kama pesio ta ko kati taliovou ko peuru ma peuru. Vota o vovi tu o puratiko maba madu ko sarueko poso ko akoekato. Koko tova, vota o papuake raura kama zaekale Baṉara ko palo rana vasia rana aukale, tu o lekasa puo, vo Raura kala ni Piza kala kasi.

Hiburu 10:12

Melai Karisito inio o erekeni omadeu pado siqasiqa pizato sama ko noqola ṉamuko ko evako se maba poso ko sarueko poso. Sai kazo inio vota o papuake Baṉara ko palo rana vasia rana ni lekasa o evake.

Hiburu 4:9

So sole koa pesio kale animeta meqai nianiia ta vo Baṉara ko maba madu ko mamazo ta ikoana, omadeuvo vo Baṉara o mamaze jari koa sikeurama ṉaniu kale.

Kelokelozato 14:13

Ni mata a viqake kama pado kora ko kuevako aukale azo ko eri kikolako, “Rikieka ko eri kio: Maurumauru amu inio seke vouvani se erisaṉa azo ke vouvani se omadeu ke vati evani vo Lekasa Jisu!” Ni Tabu ala Auvana ta eri kiola, “Tuvevo avole maurumauru amu inio. Keta zoleilou inio seke mamazani seko matuma iruruputo kale azo, ako seta ke kovou seko nabuluputo ko reketekete sole,” kiolake.

Kelokelozato 6:11

Ni vo Baṉara ta o katimake sea kiadamu ko rosia tapo sabosabo, ni vota o bazuemake tu silo pala taruano inio ke elou, ti kobeta okotou seko lolo poso vo Baṉara ko nabulu poso ko ataataiti, se mainio ke vouvaemo amu.