Hiburu 3:6 - BAṈARA KO VAIRU AMA LEVELEVEO

⁶ Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

Hiburu 3:6 교차 참조

Matiu 10:22

kiadama maba poso ta ke melai kaikuapou, ako meta aṉa me luluelani mela sole. Melai vo o pizato ala, ti obeta barolo ala koa taku ko paitopaito kale, vo inio o pakiovou.

Matiu 16:18

“So sole aṉata a bazueṉa ṉo, Pita, ṉoko ṉi ko kio ni kalo ta lado ikio, ni omadeuvo kala ta o orumuka voko pade lado ko vola topi, so jari nio aṉata a orumukou aṉako lotu ṉo topi, ni vou melai pui kopa niumaekou.

Matiu 24:13

Melai vo o pizato ala, ti obeta barolo ala koa taku ko paitopaito kale, vo inio o pakiovou.

Romu 11:22

Kokale inio animeta me qea vo Baṉara ko roquemo se maba madu ni voko tapata imo se. Vota tapata o ima seke vaevani vo, melai voko roquano ta me tona—meqai noqoilou koa roquano tea. Melai meta pui me noqoilou tea, me melai meda kobuilou.

Romu 12:12

Meta zoleimo meko kai keru kale ko kilo ama saevo, ni kaitiziomo meko tapata keru, ni vararaitomo kiada keru.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

Romu 5:2

Vota lula o odiemela anime oqu kale vo Baṉara ko pakiezato sama roquano kasi, sai anime me evakoi. Sokale avo inio animeta meqa zoleiva ko animeko piza kama keru, tu kai zomano vo Baṉara ko ṉaṉaidara!

1 Koriniti 3:16

Meta pui nio me baqumuka ko me inio vo Baṉara ko Jelepade mela ni ko Baṉara ko Auvana ta ko melai loiva me, kio?

1 Koriniti 6:19

Meta pui meqai nianiia ta meta vo Tabu ala Auvana ko Jelepade mela inio, vo o evani meko bulo kale ni vo Baṉara o katimeleni me kio? Pui meko mela inio ko me, melai vo Baṉara ko mela.

2 Koriniti 6:16

Ni vo Baṉara ko Jelepade kale ke ilusatani ta mata beku poso ke ilusikani nio, kio? Ako anime inio vo saevola Baṉara ko Jelepade mela! O ṉavi Baṉara kiovevo jari, “Aṉata a erekou aṉako zae a ṉaviko maba poso kasi ni aṉata a loilou se sate; Aṉata sevo Baṉara a elou, ni seta aṉako maba madu ke elou.”

Qelesia 6:10

Ni so keru anime meqai roveovo ama taku kale animeta me dauvemou kiadama maba madu ni me dauvemou matuvole se kevai oquani vo Jisu Karisito.

Qelesia 6:9

So sole animeta pui me jairozo uri ereko, ako so inio animeta me qovou sole koko epa noqola kama, tutututuki ama taku kale. Sole animeta pui niaba me elo.

Epesasi 3:12

Ni animeko omadeu vati elo vo Karisito kale ni animeko vai oqu kale vo inio animeta zariekato samela tu me zio puliama ṉalo sate vo Baṉara ko tanama kale.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

1 Tesalonaika 5:16

Meta zoleimo kiada keru,

2 Tesalonaika 2:16

Ni eṉeta ṉe melati vararaita me, o ṉavi animevo Lekasa Jisu Karisito kasi, ni Baṉara animevo Mama kasi, vo o roquemeleni anime, ni voko pakiezato sama roquano kale o katimeleni anime noqola kama zuvarato ni piza kama bokero tu animeta meqai keru voko leveleveo.

Hiburu 1:2

melai komia tovatovama taku kale vota o pesiovi anime kasi vovo Meqora kale kude. Vokale kude Baṉara ta o ereke peuru ma peuru, ni vo inio vo Baṉara o pitoeveni tu lekasa oka elou kiadama quli Baṉara o erekema quli.

Hiburu 10:19

A visi poso, vo Karisito ko dara ko rerema voko voukale animeta lula maba rupasio meda eve tu animeta parani putole me amaqeo koa Matu Tabu ama Zaekale animeko vararaito kale.

Hiburu 10:21

Animeta mata me ṉeamuva kala pado matula Siama, vo inio vo Jisu, vo o mati vailani Baṉara ko qoqono madu.

Hiburu 10:23

So sole animeta pizaka lojo me elou ni animeta me noqoekou animeko keru ko meqai tarekako quli vo Baṉara o ereko ama quli tu anime kaqe. Ako Baṉara ta lula o mela inainaeka anime tu vota o erekou o kasekema quli, sole ko male tu animeta mevai oqu vo.

Hiburu 10:35

So sole meta pui lekuleku elo, ako piza kamela meko tuvevo puto kale ta me qovou ko matuma reketekete sole.

Hiburu 11:1

Oqu saṉa elo ta kai nianiio animeko ṉeamuko ko quli anime meqai keruako tu me qovo, ni kota kai nianiio ta tuvevo ama quli kio ko anime pui me qeako quli.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Hiburu 4:11

So sole animeta me matu madoekou tu me qovo koa pakio ko mamazo, tu puliala ta se kekai evevoa kabao okai elou ko, ako seta ke bikobikoirate sole.

Hiburu 4:14

So sole animeta pizaka noqoe me elo ko oqu ko anime me ṉeamukako. Ako animeta kala Matu Ṉisa Siama samela sole, vo o koivini aukale Baṉara ko tanama kale, ni voa animevo Matu Ṉisa Siama inio vo Jisu, vo Baṉara vo Meqora.

Hiburu 4:16

So sole animeta me barani puto tu me qilou vo Baṉara ko papupapu ko matu sipole sai vo o lekasa puakoi ni sai voko tauvezato sama roquano ko evakoi. Sai nio anime me qovoa koi ko sarueko poso ko akoezato ni me qeloa koi ko roquano koko tauvemelo ama anime animeko tapata keru.

Hiburu 6:11

Aṉata a mela matu zaria me tu mea kiada mela ta soa matu madoeko me elou ti kobeta barou koa taku ko paitopaito, so inio ko quli meme qovo ama ka kimelako ta tuvevo ko elou.

Hiburu 6:18

So sole omuqa quli ta ikoana, voko leveleveo ni voko kejo sama pesio topi ama, ko pui kopa roveovo ama besizio, vo Baṉara pui opa kai roveovo ama lipalipato. So sole anime lula me qoani mela ko pakiezato vokasi ta me rovea matu zuvario tu pizaka noqoeko me elo koa keru ko meqai tarekake ko quli Baṉara o ereko ama quli tu anime kaqe.

Hiburu 7:19

Ako vo Mosese ko Bazu ta pui ko roveake sidopu puto Baṉara ko kelokelozato kale, melai erisaṉa vo Karisito ko siama elo kale qulepo ama keru ta me ṉeamuka anime, ko anime sipole ko imelako vo Baṉara kasi.

1 Pita 1:8

Meta pui me veani nio vo, melai mebe roqueva. Ni meta pui me roveani mela inio velo erisaṉa, melai tuvevo mebe iva. So sole meta ko melai sukata ko ṉaṉaidara kama zoleilo puliala maba opa roveovo ama kaseko.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.

1 Pita 4:17

Ako vo Baṉara ko titizato ko taku ta sipole kota barolou, ni vo Baṉara ko maba madu mela inio kuleto me ditiziovou. Ni koa titizato ta ko taniziovou anime voko maba madu mela kasi, so sole se pui ke zorikani vo Baṉara ko Uri ama Bazu ta maba ṉaloṉaloa tapata ke elou koa titizato komai barolou keru se.

Kelokelozato 2:18

“Ṉota eria rikito eve sai Taiataira ma lotu qoqono ko mateana kasi: Eri nio koa bazu koko kuevako vo Baṉara vo Meqora kasi azo, vo o vilu ta uza ko urusana jaria urusoma vilu sala, ni o kiti ta matu bulebule ama barasi jaria kapikapito ama sala.

Kelokelozato 2:25

melai meta pizaka noqoeko emo ko me lula me noqoekema quli ti kobeta barou aṉako kilo.

Kelokelozato 2:26

Seke koqotaeko amu ko ruqe, ni se pui ke lalamato amu ereko ko quli aṉa aqa zariako ti kobeta barolou koko paitopaito kale inio aṉata a qatimou koa omadeuma pizato ko aṉa lula a qoema a Mama kasi azo jari ama, ko eri ama: aṉata a qatimou ko pizato tu seta kade ama lekasa poso kemai elo se pui ke zoripatani peuru ma peuru kale ama toutou poso aeani daṉa sate tu seta ke mujarikou koa toutou poso miduku raro poso ko mujario jari. Ni mata aṉata a qatimou se vo raneodola.

Kelokelozato 3:11

Aṉata a qilou taukavole, so sole meta pizaka noqoeko emo ko quli meme ṉeamukako so inio puliala ta opa roveovou tamela rapeko koa reketekete, ko me koqotaeko ko ruqe kale me qovo ama.