Hiburu 3:12 - BAṈARA KO VAIRU AMA LEVELEVEO

¹² A lolo poso, meta balauvomo tu puliala me azo ta o ṉeamukou ko ruqe ama bulo ni pui tuvevo puto, koko lilimelo ama me vo tuvevo ala Baṉara kasi azo.

Hiburu 3:12 교차 참조

Matiu 16:16

Ni vo Saimone Pita ta o vati tiorikake ni eri kiolake, “Ṉota vo Baṉara o pitoeṉeni Pakio ṉa vo saevola Baṉara vo meqora ṉa,” kiolake.

Matiu 24:4

Nio vo Jisu ta o mati tiorikake ni eri ma kiolake, “Meta vailomo, ni pui zarievo kala tu o saruemelou me.

Maka 13:23

Melai koa kiadama quli kio aṉa a melai bazuekako puliako taku barolo. So sole meta vailomo,” kiolake vo Jisu.

Maka 13:33

So sole meta vailomo ni inainaomo, ako meta pui meqai nianiia sole koa taku ko barolou keru.

Maka 13:9

“Ni meta me ṉavi nio me balauvou. Ako seta ke noqoemelou, ni ke melati ziovou titizikinio kale ni seta ke pazomelou ilusato ko pade kale ni ke lojoemelou me se Lekasa poso ni Qavuna madu ko tanama kale, ni so inio meta meqai bazutou ko Uri ama Bazu sekasi.

Luke 21:8

Nio Jisu ta eri kiolake, “Balauvomo, tu puliala ta o lipalipaemelou me. Ako matu kubo maba madu inio ke kilou ni eri kikevou, ‘Aṉa inio voa Pakio vo Baṉara o pitoevani lala!’ kikevou, ni Taku ta lula kota baroa!’ kikevou. Melai meta pui me luluemou se.

Romu 11:21

Vo Baṉara ta pui opa zarieme se Jiu amu tu ke sarueko, se tuvevo ama kata poso jari amu; so sole vota pui opa zariemelou me pui Jiu amu mela tu mebeta zio sarueko.

1 Koriniti 10:12

So sole kalaṉa pizaka lojo ṉo eva kiṉolani ṉa ta ṉo matu balauvou tu ṉota pui ṉo bialou.

Kolosi 2:8

Balauvomo, tu puliala maba ta o melai nianiiekikou kama utube ama quli, maba ko quli pala, ni pui o lipaemelou me ni pui o saruemelou me, ako koa nianiiekato ta maba poso kasi azo ko vikuako, vikuvikula bazu kasi azo koko bikoirikako vo Baṉara ko bazu, ni ko kuevako peuru ma peuru kale ama azaazama ziolo poso kasi azo, kota pui Karisito kasi azo.

1 Tesalonaika 1:9

Kiadama sea maba poso ta ke kaseka meko ṉeamuṉelo eṉe so keru eṉe ṉe joipimele keru me, ni meko ṉamuko meko beku poso tu mevai nabuluputou vo tuvevo ala ni saevola Baṉara,

Hiburu 10:31

Ko ṉalonalo ama quli ta kai sobuilo vo saevola Baṉara ko piza kama ṉase.

Hiburu 10:38

Se aṉako sidopu ama maba madu ta ke tuvevo putou nio seta ke saevou; melai kala se azo ta o vaitou kutumana kale aṉa kasi azo, ta aṉata pui aba vai zoleilou vo,” kikola.

Hiburu 12:15

Balauvomo tu puliala ta o liliziovou Baṉara ko pakiezato sama roquano kasi azo. Ni vailomo tu puliala ta o pasopasoilou, ako koko epamata keru ta ko pasopasoilo ta kubo tapata ko ereka seke tuvevo putani kasi ni ko niumaeka seko saevo.

Hiburu 12:22

Melai meta lula meda baroa Zaione sopu kale, sai Jerusalema zaekale, sai vo piza kala Baṉara o evakoi. Meta lula meqai baroa koa aukale ama Jerusalema sai kubo vuro mateana madu ke padoivakoi zoleilo kale.

Hiburu 12:25

So sole meta balauvomo tu pui tava lupao viqo vo o pesiani mekasi. Ako sea maba poso se lulavo keta va lupaovini viqo vo okai pesiovini komia peuru ma peuru kale ko balauvimema bazu ta pui kepa taka soqoi. Sokale avo inio anime me viqani mela vo aukale azo o pesiani ta meda ka lupaovou viqo voko pesio, ta maba pui meba taka soqoilou.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

Hiburu 3:10

So sole aṉata amai korakoraivake sea maba poso ni eri kialake, ‘Seta meomeo kamu kiada keru ni seta pui ke zorika aṉako bazu poso.’

Hiburu 3:19

So sole animeta me vakakuma ta seta pui kepa roveovi amaqeo koa zaekale, ako seta pui kepa tuvevo pueke vo Baṉara kiovevo sole.

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.