Hiburu 3:1 - BAṈARA KO VAIRU AMA LEVELEVEO

¹ Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

Hiburu 3:1 교차 참조

Jone 17:3

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

Jone 20:21

Ni Jisu ta mata so kiola sekasi, omuqama taku kale, “Bule mekasi. Omadeuvo vo Mama o soroele aṉa jari, aṉata a joroemela me,” kiolake.

Jone 20:27

Sai nio vota eri kiolake Tomasi kasi, “Tomasi, ṉota kua tu kea aṉako omuqa ṉase, ni sukueka ṉoko seseu koi, ni rauqaze ni ika ṉoko ṉase aṉako ropa kale. Epeze niuniala elo, melai ṉota tuvevo pute!” kiolake.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Romu 11:17

Kama kata poso koa mabamaba kama Olive ore ko ta kota lopai ni kama piru ama Olive ore ko kata ta kota nasoi ko tona ni Baṉara ta o qotupike. Ṉo pui Jiua laṉa inio koa piru ama Olive ore ko kata jaria laṉa ṉoṉo nasoivani ṉa vo Baṉara ko mabamaba kama Olive ore topi tu ṉo qovo voko matuma mauruto.

Romu 15:27

Ke ṉaviko vatolo kale inio ke ereke ko; melai koko tuveano ta seko koidi ikio tu ke tauvemo se. Ako se Jiu amu ta lula ke puarike ko Auvana kale ama mauruto se pui Jiu amu kasi, so sole se pui Jiu amu ta ke male puariko ko lomaloma ko mauruto tu ke tauvemo se Jiu amu.

Romu 15:8

Ako aṉata a bazuemela me, ta vo Karisito ko saevo kale ama nabuluputo kale, vota nabulu oma eve se Jiu amu, tu kota kasa ko ivo vo Baṉara ta kerula kala kio, tu voko leveleveo seko taite poso kasi ama ta tuvevo ko elo,

Romu 9:24

Ako anime inio ko lula o nokaemeleni mela sole, pui anime Jiu amu mela me qiada, melai anime pui Jiu amu mela melai me nokai.

1 Koriniti 1:2

mea Baṉara ko lotu qoqono me Koriniti peuru kale me evani mela kasi, mea kiada mela meko omadeu vati elo vo Karisito kale lula Baṉara ko tabu ama maba poso me evani mela, omadeuvo sea kiadamu komia peuru ma peuru kale amu seke ilusivani vo Jisu Karisito, animea kiada mela vo Lekasa.

1 Koriniti 10:17

Ako koa bereti ta omadeu pado lezu ama, so jari nio animeta kubo mela melai animeta omadeu qoqono mela, ako animeta mevai palaita voa omadeu lezu bereti sole.

1 Koriniti 9:23

Aṉata a ereka koa kiadama tu ko Uri ama Bazu ta ko aerou, tu se sase aṉata aqai zomanou kovo koa mauruto poso koko kuevako seke luluekani koa Uri ama Bazu kasi.

2 Koriniti 1:7

So sole eṉeta ṉeqai uria nianiia koa meko kai zomano koa tola eṉeko tola poso, ni eṉeta ṉeqai nianiia ko Sokale avo inio me melai me qovou koa tauvezato ko eṉe ṉe qoako jari ama.

2 Koriniti 9:13

Ako komia iruruputo ko meme erekako ta koma puratika meko roquano ko tuveano, so inio sea kubo madu ta ke ṉaṉaidara puevou vo Baṉara meko uria lulueko kale vo Karisito ko Uri ama Bazu meko iruruputo kale ni pui meko pesio kale pala. Ni seta keva ilusikou vo meko puaropuaro elo sekasi ni so jari edolomu kasi.

Epesasi 3:6

Ni komi kio koa mutamuta kama vatolo: se pui Jiu amu ta se Jiu mu sate amu vo Baṉara ko mauruto kale, ni sea kiadamu ta omadeuvo ko omadeuma tupu kale ama kata poso jari amu ni ke kovou koa omadeuma leveleveo vo Baṉara o erekema vo Jisu Karisito kale.

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

Epesasi 4:4

Ako animeta omadeu tupu mela ni omadeu pado Auvana inio o eva anime tona sole. Ni vo Baṉara ta o nokaemela anime tu animeta me qovou omadeu pado reketekete animeko tuvevo puto sama kerukeru kale.

Pilipai 3:14

So inio aṉata a matu madoeka tu Baṉara olai zariani jari a qalo, tu aṉata a qovo koa soama saevo ko reketekete. Ni koa reketekete ta aṉako, ako vo Baṉara ta o nokaele sole aṉa aukale ama saevo kale vo Jisu Karisito kale tu a qovo ko.

Kolosi 1:12

Ni meta kativomo meko uriavo vo Baṉara animevo Mama, ako vota lula o malezimela me tu meta me qovou meko kena koa uri ama quli ko lula ko inainaivako tu voko maba madu mela kaqe vo Baṉara ko zakaremu kale me evani mela.

Kolosi 1:22

melai erisaṉa vovo Meqora ko tupu kale ama voukale Baṉara ta lula o daipaemela o ṉavi tona. Vota soa daipaemelo o eva, tu vota tabu o imelo me ni bulebule ni sarueko pide o imelo tu o amaqimelo voko tanama kale.

Kolosi 3:12

Me inio vo Baṉara ko mabamu mela, vo lula o pitoemeleni mela ni o roquemelani mela tu meta o ṉaviko me elo. So sole meta roquekiniomo meko tauvekinio kale, ni isuatomo, ni zarazaraimo, ni baisekiniomo, ni inobe emo.

1 Tesalonaika 2:12

Eṉeta ṉe zuvarimele me, ni ṉe batukimele me, ni ṉebeta eve nokaemelo me tu meta meqai saevo koa saevo koko zolevako vo Baṉara, vo o nokaemelani me voko lekasa puo kale tu meta me zomanou voko ṉaṉaidara kale.

1 Tesalonaika 5:27

Aṉata a joruemela me vo Lekasa Jisu ko ṉikale tu meta tiromikomo komia riki kiadama saizama lotu maba poso kasi.

2 Tesalonaika 1:11

Sokale avo inio eṉeta ṉe melati vararaita me kiada keru. Eṉeta ṉe baseva vo animevo Baṉara tu meta me malezikou koa reketekete vo o melati nokaekema, ni vota o katimelou ko pizato tu uri ama kalo saṉa me elou ni uri ama iruruputo me erekou omadeuvo me meqa zariani jari. Meko tuvevo puevo animevo Lekasa Jisu kale avo inio meta meqa zariani mela koa uri ama kalo ni iruruputo.

2 Tesalonaika 2:14

Baṉara ta lula o nokaemela me koa Uri ama Bazu kale ko eṉe lula ṉeqai bazutako mekasi; ni vota lula o nokaemela me tu meta me zomanou kovo vo Lekasa Jisu Karisito ko ṉaṉaidara.

1 Timoti 6:12

Matu madoe tu pizate ṉoko oqu ko saevo kale, omadeuvo vo rereo ko maba jari vo oka zariani pizato voziekinio kale, tu ṉo qovou koko mamola, ko ikio ko noqola kama saevo. Ako ko ikio koa noqola kama saevo vo Baṉara lula o ṉati nokaekema ṉo so keru ṉo parani putole kai bazuto ṉo eve keru ṉoko oqu ni kubo maba madu keta ṉa viqe keru ko.

1 Timoti 6:2

Sea mabaku poso se lotu maba tanamu samu ta pui ke kaikuapo zorimo seko tanamu eri kio sama kerukeru kale, “Animevo tanala ta animea lotu tamania kale ala pala.” Melai seta kema uria nabuluputo se, ako sea tanamu seke koani ko tauvezato sea mabaku poso ko iruruputo kale ta tuvevo puto ko maba madu sole ni sea mabaku poso ta ke roquema seko tanamu sole. Ṉota kai nianiiekate ni kai bazubazute komi quli poso.

2 Timoti 1:9

Vota o pakiemele ni o nokaemele anime tu voko maba poso me elou, pui animeko iruruputo kale, melai o ṉaviko vatolo kale ni o roquano kale inio. Puliako peuru ma peuru ereilo vota lula o vatoeke tu o katimelo komia pakiezato sama roquano vo Karisito o puratikako,

2 Timoti 2:7

Ṉota kerukerueka so aṉa ṉa kialani, nio animevo Lekasa ta oṉa zakaremu puekou koa kiadama.

Hiburu 10:19

A visi poso, vo Karisito ko dara ko rerema voko voukale animeta lula maba rupasio meda eve tu animeta parani putole me amaqeo koa Matu Tabu ama Zaekale animeko vararaito kale.

Hiburu 10:21

Animeta mata me ṉeamuva kala pado matula Siama, vo inio vo Jisu, vo o mati vailani Baṉara ko qoqono madu.

Hiburu 10:23

So sole animeta pizaka lojo me elou ni animeta me noqoekou animeko keru ko meqai tarekako quli vo Baṉara o ereko ama quli tu anime kaqe. Ako Baṉara ta lula o mela inainaeka anime tu vota o erekou o kasekema quli, sole ko male tu animeta mevai oqu vo.

Hiburu 13:22

A visi poso, aṉata a basemela me tu paṉao kale viqomo aṉako zuvarato sama bazu. Komia leta aṉa a rikiekako mekasi ta puju ama.

Hiburu 2:11

Vota bulebule o imela anime maba poso mela animeko sarueko poso kale azo, tu animeta vo Baṉara ko tabu ama maba poso mela me elo, ni anime ni vo ta omadeu pado Mama samela. Sokale avo inio vo Jisu ta ota zoleiva tu o visi poso mela mela kio anime.

Hiburu 2:17

So sole vota lula anime voko visi poso mela jari ota eva kiadama keve kale, tu animevo kerula kala ni baise ala Ṉisa Siama o elo voko va nabuluputo kale vo Baṉara, tu se maba madu ko sarueko poso ta kota ma akoilo.

Hiburu 3:12

A lolo poso, meta balauvomo tu puliala me azo ta o ṉeamukou ko ruqe ama bulo ni pui tuvevo puto, koko lilimelo ama me vo tuvevo ala Baṉara kasi azo.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Hiburu 6:20

Jisu o kiada inio lula o amaqeovini sai anime kaqe, ni noqola kala ṉisa siama o eveni, Melekizedeki jari.

Hiburu 7:26

Sokale inio animeta Jisu ta animevo male ala Ṉisa Siama. Vota tabu ala ni sarueko pide ala, ni vo Baṉara ta o edolivake vo se sarueko samu kasi azo ni o koivievake aukale sai Baṉara o evakoi, ni vota oma lekasa pua kiadama maba poso.

Hiburu 7:28

Mosese ko Bazu kale ta ke pitoi se maba madu, se sarueko kekai zomaneni ereko, tu seta ṉisa siama madu ke elo; melai Baṉara ko kejo sama leveleveo ta ko baroake Mosese ko Bazu ko tova, ni kokale inio vota o pitoevake vo Meqora, ni noqola sidopu ala Ṉisa Siama o ivake, so sole vo inio voa Ṉisa Siama animevo male ala.

Hiburu 9:11

Melai komia taku vo Karisito ta lula Ṉisa Siama okai eva ko uri ama quli ko lula ko baroako. Vota lula okai amaqea koa qulepo ama ni korotoma tepe pade. Koa tepe pade ta pui maba madu kepa erekema ni kota pui komia peuru ma peuru ko kama kena.

Hiburu 9:15

Sokale avo inio vo Karisito o lojoani Baṉara ni maba ko tiania, ta o ereka ko vairu ama leveleveo tu vo Baṉara o pitoemeni maba poso ta ke kovou koa uri ama quli vo Baṉara lula oma inainaekako tu o katimo se tu seta noqola ṉeamuko ke elou. Komi quli ta kota ereilou ako Karisito ko voukale se maba poso ta ke rupasiovi ruqe ama quli kale azo seke erekema seko lulueko kale kuleto ama leveleveo.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

1 Pita 3:5

Ako se lulavo ama rekoreko poso Baṉara ko madu, se kevai keruini vo, ta ileile ke eve seko zorimo kale seko lasive poso.

1 Pita 5:1

Me lotu qoqono ko vilua pikopiko madu mela, aṉata aqa zaria melai bazueko me kama quli aṉako pado ama bulo sate. Ako aṉa melai kala vilua pikopiko lala ni aṉa inio a qeveni lala vo Karisito ko tola ni vou sole. Ni aṉa inio mata aqai zomanoa lala voko ṉaṉaidara vo Karisito o vaitou keru. Nio aṉa inio a bazuemela me

1 Pita 5:10

Tuvevo meta me dolailou matu puju ama taku kale. Melai vo Baṉara ta o matu roquemelani me, ni vota lula o nokaemelani me tu meta meqai zomanou voko noqola kama ṉaṉaidara vo Karisito ko mela voukale. Ni meko tolailo ko tova vota o korotimelou me ni o zaubarimelou me, ni o pizatimelou ni o vinaemelou me.

1 Jone 1:3

Ni vo eṉe ṉe veveni ni ṉeda va viqeni, vo inio mata ṉe melai bazueva me, tu meta omadeu lolopareo me ṉelati elou eṉe voko vai nianiio kale. Ni koa omadeu lolopareo animeko ta mata animevo Mama Baṉara ni vovo Meqora Jisu Karisito sate inio.

Jiudi 1:1

Aṉata Jiudi lala, vo Jisu Karisito vo nabulu, ni Jemisi vo visi lala. Aṉata a rikieka komia leta mekasi vo Baṉara lula o nokaemelani mela kasi, me animevo Mama Baṉara ko roquano kale ni Jisu Karisito ko vailo kale me evani mela.

Kelokelozato 17:14

Ni seta ke vati pazokiniou vo Sipi Meqora, melai vo Sipi Meqora, ni se o nokaemeni ni o pitoemeni ni se piza kama oqu samu ke luluevani vo, ta ke koqotaemou se, ako vota piza kala Lekasa kiadama lekasa poso azo ni vota piza kala Aikovakova kiadama aikovakova poso azo sole,” kiolake vo mateana.

Kelokelozato 18:20

Mea kiada mela aukale me evani mela, meta ka zoleimo koa peuru ko biresuilo ni niumailo! Ni Baṉara ko maba poso mela, ni apositolo poso mela ni poropita poso mela, meta zoleimo! Ako vo Baṉara ta lula o titizima koa peuru kale amu ko quli seke melai erekema me kale avo sole!