Hiburu 2:9 - BAṈARA KO VAIRU AMA LEVELEVEO

⁹ Melai animeta meqai nianiia ta vo Jisu inio puju ama taku kale se mateana madu ko sasa zara tinia o eveni, tu vo Baṉara ko pakiezato sama roquano kale vota oma vou kiadamu. Animeta mevai nianiia vota Lekasa o eva ni o rauraiva ṉaṉaidara sate, ako vota lula o tolai ni o vovi sole.

Hiburu 2:9 교차 참조

Matiu 16:28

Ni aṉata a bazuemela me, kake mela me koi mebeta evani mela ta puliako me vou inio meta me lelou aṉa maba a eveni lala ta a qilou ni a lekasa puilou komia peuru ma peuru kale,” kiolake vo Jisu.

Matiu 6:28

Ni noi sole inio meta tiṉoliṉoli meqai eva meko sabosabo? Ako keatini, ko piru ama sisusisu koko qotupako ta pui ko iruruputako ni pui ko turutako koko sabosabo.

Maka 9:1

Ni vota obeta olake bazubazuto ni eri kiolake, “Kake mela me koi mebeta evani mela ta puliako vou inio meta me lelou aṉa maba a eveni lala ta a lekasa puilou komia peuru ma peuru kale,” kiolake vo Jisu.

Luke 9:27

Melai aṉata a bazuemela me, kake mela koi me evani mela ta puliako vou inio meta me qelou vo Baṉara ko lekasa puo,” kiolake.

Jone 1:29

Ni koko raneo kale inio Jone ta o veake o maba ṉavi Jisu obeta kuevake vokasi. Ni vota eri kiolake vokasi ke padoini kasi, “Keatini, vo Baṉara vo Sipi Meqora siqasiqa o elo ala, vo o ṉamuko ala peuru ma peuru ko sarueko, ta obeta kueva!

Jone 10:17

“Aṉavo Mama ta o roquela aṉa ako aṉata zarizaria lala tu a vaekou aṉako saevo, tu aṉata mata a dova kovou koa saevo.

Jone 12:32

Ni so keru aṉa ke zolaelou keru miduku kale azo inio aṉata a badoemou kiadamu a ṉavi kasi,” kiolake.

Jone 3:16

Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.

Jone 8:51

Tuvevo avole aṉata a bazuemela me, vo o zoriko ala aṉako bazubazu ta pui opa vouvou,” kiolake.

Jone 8:52

Nio ko quli ke viqake se Jiu ama tanatanamu nio eri kikelake vokasi, “Vairutu ta maba ṉe duvevo pueṉa ta ṉota kama pado ziolo salaṉa! Ebarahami ta lula ota vovi, ni se poropita madu melai lula keta vovi, melai ṉota eri kiṉola, ‘Vo ota la zoriko ala aṉako bazubazu ta pui opa vouvou,’ kiṉola!

Iruruputo 2:33

Vovo Mama Baṉara ta o koivieve vo Jisu aukale ni vota o papueve vo o ṉavi Baṉara ko palo rana vasia rana, ni vo Jisu ta o voake vokasi azo vo Tabu ala Auvana vo lula ova kaseveni tu o kativo. Ko erisaṉa meme qeako ni me viqako quli, ko ikio vo Jisu ko katizato vo eṉe tona o ṉelai raibikake.

Iruruputo 3:13

Pui so inio, melai vo Ebarahami, ni Aisake, ni Jekopi vo Baṉara, vo animeko taite poso vo Baṉara, nio o erekani komi quli tu se maba poso ta ṉaṉaidara ke ivou vovo Nabulu Jisu. Melai meta me vaevake vo se Jiu ama tanatanamu ko ṉase topi, ni meta mevai kedui vo Paelati ko tanama kale, so keru vo Paelati ova zariovi tu o rupasivo vo va kiove keru.

Romu 5:18

So sole koa omadeu pado sarueko kale kiadamu ta kuiripato saṉa ke evake, melai mata omadeu pado sidopu ama iruruputo vo Karisito o erekema kale inio Baṉara ta o rovea sidopu ma kio kiadamu tu koma puarizio ko noqola kama saevo.

Romu 5:8

Melai vo Baṉara ta lula kasa o ika voko roquemelo anime komi kale; anime sarueko kale mebeta eve keru inio Karisito ta o mela vouvake.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

Romu 8:32

Tuvevo avole vo Baṉara ta pui, ako vota pui opa kaitive vovo pado Meqora, melai vota o puarive animea kiada mela kaqe! Vota lula o katimele anime vovo pado Meqora, so sole vota mata pui opa mela zariekou utuakoi katimelo anime kiadama uri ama quli, kio? Zio, vota pui opa kaitikou!

2 Koriniti 5:15

Vota o vovi kiadamu kaqe tu kiadamu seke koani ko saevo vo o puarikako ta ke epezou saevo ke ṉaviko zario kaqe, melai vo kaqe inio seta ke saevou, vo lula oma vovini ni mata oma tova saevani voukale azo.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Qelesia 4:4

Melai so keru koa tutututuki ama taku ko baroi keru inio vo Baṉara ta o soroevake o ṉavivo Meqora, ni voa Meqora ta o alilake rekoreko kale ni o zorikake vo Mosese ko Bazu voko saevo kale.

1 Timoti 2:6

vo pui opa katiziovini tu o vou kiadama maba kaqe tu vota oma tabariko seko rupasio seko ruqe kale azo. Koa voko vou ikio lula ko mamola pueke vo Baṉara ko tutututuki ama taku kale vo Baṉara ma zario kiadama maba poso tu ke pakio.

Hiburu 1:9

Ṉota ṉo roqueka ko sidopu, ni ṉoqai kideipa ko sarueko. Sokale inio aṉa ṉovo Baṉara lala ta a bitoeṉe ṉo ni aṉata a qatiṉe ṉo raura kama raurailo ko zoleilo kokai paloasako ṉoko baerebaere poso a qatimema.”

Hiburu 10:5

Sokale avo inio, Karisito okai kuevivo komia peuru ma peuru, vota eri kiolake Baṉara kasi, “Ṉota pui ṉoqa zaria kama katizato ni siqasiqa poso, melai ṉota lula ṉo inainaeka aṉako tupu.

Hiburu 11:5

Oqu kale inio Inoke ta pui opa vovi, melai Baṉara ta o koivieve vo saevola aukale. Puliala ta mata opa veve vo, ako Baṉara ta o koivieve vo aukale sole. Tabu ama Riki kikolani ta puliako Inoke vati koilo, vota o zoleve vo Baṉara.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Hiburu 2:7

Ṉota se mateana madu ko sasa zara tinia ṉo ivake vo ni ṉota ṉo lekasa puevake vo ṉaṉaidara ni aikato sate,

Hiburu 7:25

Sokale inio vota pizato sala koko pakiemako kiada keru se maba madu seke kuevani Baṉara ko kuleto vokale kude, ako vota noqola tu o mati petao se vo Baṉara kasi.

Hiburu 8:3

Kiadama Ṉisa Siama madu ta ke pitoivake tu seta ke kativo vo Baṉara katizato poso ni biaṉa kale ama siqasiqa, so sole animevo Ṉisa Siama melai o puariko kama quli vo Baṉara kasi.

1 Pita 1:21

Vokale inio meta tuvevo me iva vo Baṉara, vo o zolaeveni vo Karisito voukale azo ni o kativeni ko ṉaṉaidara. So inio meta mevai oqua vo Baṉara ni meta me bataita meko tuvevo puto sama kerukerueko ko kilo ama mauruto meme qovo ama vokasi.

1 Jone 2:2

Ako vo Jisu kale inio animeko sarueko ta ko akoiva. Ni pui animeko sarueko ko kiada melai kiadama maba poso ko sarueko melai ko rovea akoilo.

Kelokelozato 19:12

Voko vilu ta uza ko urusana jaria urusoma, ni vota o kiake voko lezu topi kubo lekasa ko tarapae. O ṉi ta kovai rikiziovima ta o ṉavi o kiada inio o paqumuka ko.

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.