Hiburu 2:11 - BAṈARA KO VAIRU AMA LEVELEVEO

¹¹ Vota bulebule o imela anime maba poso mela animeko sarueko poso kale azo, tu animeta vo Baṉara ko tabu ama maba poso mela me elo, ni anime ni vo ta omadeu pado Mama samela. Sokale avo inio vo Jisu ta ota zoleiva tu o visi poso mela mela kio anime.

Hiburu 2:11 교차 참조

Matiu 25:40

Nio so keru inio aṉa voa Lekasa lala ta eri kiavou, ‘Tuvevo avole aṉata a bazuemela me, so keru meme ereke keru komi quli kala aṉavo olaquala baerebaere kasi meta me ereke inio aṉa kasi,’ kiavou.

Matiu 28:10

Ni Jisu ta eri kiolake nioqa kasi, “Qeta pui ṉalo. Melai olako ni bazuemomo aṉako visi poso tu ke zio Qalili, ni sai nio seta ke lelou aṉa,” kiolake vo Jisu.

Maka 3:34

Ni vota o toiritoirimake sea maba poso o mati papuani ni eri kiolake, “Nia maba poso, se inio aṉako niania ni visi poso.

Maka 8:38

Ako voa maba vo ota la qurato ala aṉa ni aṉako nianiiekato se oqu pide amu ni boutare sama maba poso kasi komia taku kale amu, ta aṉa maba a eveni lala melai ada va zoliovou voa maba so keru aṉa a vaitou keru aṉavo Mama ko ṉaṉaidara kale ni voko mateana madu sase.”

Luke 9:26

Ako voa maba vo ota la qurato ala aṉa ni aṉako nianiiekato, vo inio aṉa maba a eveni lala ta ada va zoliovou voa maba so keru aṉa a vaitou keru aṉako ṉaṉaidara kale ni a Mama ni voko mateana poso ko ṉaṉaidara kale.

Jone 17:19

Seko kio kale avo inio aṉata a qatizia ṉokasi, tu se melai ke luluekou aṉa a qavani ni tuvevo avole ke katiziovou ṉokasi.

Jone 17:21

Mama! Aṉata a vararaita tu seta sea kiadamu ta omadeu ke elo. Aṉata a vararaita tu seta ke elo aniṉo tona, omadeuvo ṉoṉo eva jari aṉa tona, tu se peuru ma peuru kale ama maba poso ta ke kelou ni ke tuvevo puekou ko ṉo inio aṉa ṉo joroeleni ṉa kio.

Jone 20:17

Nio Jisu ta o bazuekake ko, “Ṉota pui kamalo aṉa, ako aṉata pui nio a qoiva a Mama kasi sole. Melai ṉota sidopu avole ola aṉako disaipeli poso kasi tu pa lai bazute sekasi, ‘Aṉata ada koilou inio vo aṉavo Mama ni mevo Mama kasi, vo aṉavo Baṉara ni mevo Baṉara kasi,’ ” kiolake.

Iruruputo 17:26

Omadeu maba kale inio vota o tanieke kiadama toutou poso tu seta ke loilou pado ama peuru ma peuru kale. O ṉavi inio o korotikake kuleto ko korokoroti ama taku ni o podetikake koa zae poso se kekai elo ama.

Iruruputo 17:28

omadeuvo kala mevo rikito maba kiovevo jari, ko eri, ‘Vokale inio animeta me jaeva ni me vatuta ni me eva.’ Omadeuvo kama pado meko kera kikolani jari, ‘Anime melai voko meqora poso mela.’

Romu 8:29

Anime vo Baṉara lula o pitoemelani ta o edolimelake tu animeta vovo Meqora Jisu jari me elo, nio voa Meqora ta kubo tamania poso vo kaka kala Meqora o elo.

Qelesia 4:4

Melai so keru koa tutututuki ama taku ko baroi keru inio vo Baṉara ta o soroevake o ṉavivo Meqora, ni voa Meqora ta o alilake rekoreko kale ni o zorikake vo Mosese ko Bazu voko saevo kale.

Hiburu 10:10

Ako Karisito ta o ereke Baṉara oka zariovima quli tu vota o ereko, ni voko tupu ta siqasiqa ko evake omadeu taku ko malezikako kiadama taku tu animeta bulebule me elo.

Hiburu 10:14

Omadeu pado siqasiqa ko kiada kale vota noqola sidopu o imake se lula bulebule ke evani seko sarueko kale azo.

Hiburu 11:16

Melai koa qulepo ama peuru seke zuatikema ta aukale ama peuru. Sokale inio vo Baṉara ta ota zoleiva tu seta ke kasevo vo ta vota sevo Baṉara, ako vota lula o inainaeke kama pado zae tu se kaqe sole.

Hiburu 13:12

Sokale avo inio Jisu ta soa vou o eve Jerusalema peuru ko kupekupe tu vota o ṉaviko tabu ama maba poso o imelo anime, voko dara kale.

Hiburu 2:14

Anime vo sasarusu mela mela kiolani mela, ta me jaevani mela marabau ni dara kale, so sole o ṉavi Jisu ta anime jaria maba o evake ni okai saevake ko tupu kale ama saevo. Vota maba o evake tu voko voukale ta o niumaevo vo Setani, vo vou ko pizato sala.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.