Hiburu 2:10 - BAṈARA KO VAIRU AMA LEVELEVEO

¹⁰ Baṉara inio o ereke kiadama quli ni o kati vaila, so sole ko male vota o okotikake vo Jisu ko sidopu voko tolaevo kale, tu voko meqora poso mela ta kubo mela me elou voko ṉaṉaidara kale. Ako vo Jisu inio vo o odiemelani anime pakiezato kale.

Hiburu 2:10 교차 참조

Luke 13:32

Nio Jisu ta o mati tiorikake se ni eri kiolake, “Olamo tu pa bazuevomo voa ubeubezato ko maba, ‘Aṉata abeta ziovou reriko ko ziolo poso ni abeta urikatou puju ama taku kale, ti kobeta barolou koa taku aṉa a dovozikou keru aṉako iruruputo,’ kimevou.

Luke 2:14

“Naṉaidara vo Baṉara kasi ko matu okate ama aukale, ni bule maba poso kasi vo omai zoleivani miduku kale!” kikelake.

Luke 24:26

Noi nio pui qe paqumuka kota ko malezika tu vo Baṉara o pitoevani Pakio ta tapata o toraeka ni o vouva saita inio vota okai amaqeovou voko ṉaṉaidara?”

Luke 24:46

ni vota eri kiolake sekasi, “Kota lula ko rikiziovi ko eri, vo Baṉara o soroevani Pakio ta o tolailou ni o vouvailou ni zouke ama ṉaniu kale vota mata o tova saevou voukale azo,

Jone 11:52

ni pui seke kiada, melai voko voukale vota omadeu qoqono o imou kiadama vo Baṉara ko maba poso se lula ke birebireini.

Jone 19:30

Ni Jisu ta o kuzuekake koa vaini ko ju ni sai nio vota eri kiolake, “Kota okota kiadama iruruputo!” kiolake. Ni vota o loqunikake voko lezu ni ko vaevake voko auvana.

Iruruputo 3:15

Ni meta me vouvaeve vo vo tuvevo ama saevo kale o odikatani, melai vo Baṉara ta o saevive vo voukale azo, ni eqeta qe veake vo voko tova saevo kale.

Iruruputo 5:31

Baṉara ta o koivievo vo voko palo rana vasi tu Vilua pikopiko ni Pakio o elo, tu o katimo ko taku se Izireli amu tu ke lilizio ni ke kovo seko sarueko ko akoezato.

Romu 11:36

Ako vota lula o ereke kiadama quli, ni kiadama quli ta kobeta eva vokale tu kota voko. Sole animeta me ṉaṉaidara puevou vo Baṉara latau ṉaniu ni ka ṉaniu! Emeni.

Romu 9:23

Ni vota mata oka zariake kasa iko voko ṉaṉaidara ko pui ko lalamatake, koko taloima anime kasi anime me qoeni mela voko akoekato sama roquano, ni anime mata o inainaemeleni mela tu me zomanou voko ṉaṉaidara kale.

1 Koriniti 2:7

Koa bazu aṉa a qasekako ta o ṉavi Baṉara kasi azo ama bazu kio. Kota lula mutamuta kama, melai vo Baṉara ta lula o vatoeke korotiko puliako peuru ma peuru ereilo tu o katimelo anime aqasiele ama quli.

1 Koriniti 8:6

so melai animevo Baṉara ta omadeu pado inio, animevo Mama. Vo inio o erekeni kiadama quli ni animeta me jaeva vo kaqe. Ni animevo Lekasa ta omadeu pado inio, Jisu Karisito. Vokale inio ko erei kiadama quli ni animeta me jaeva vokale.

2 Koriniti 3:18

Nio animea kiada mela ta me qasa puekani mela koa vo Lekasa ko ṉaṉaidara omadeuvo Mosese pui bouluboulu ama loilo sala keru jari, ni koa omadeuma ṉaṉaidara ta kobeta ola besiemelo anime. So inio animeta mebeta ola besizio ni koa ṉaṉaidara ta kobeta ola matu elo ni vo jari ko imela anime. Ako koa ṉaṉaidara ta koko kuevako vo Lekasa kasi azo, vo o soroevani vo Tabu ala Auvana sole.

2 Koriniti 4:17

Ni eṉeko komia silo ama ni puju ama tola poso ikio ko odieṉela eṉe matu ṉaṉaidara kama reketekete kale, koa matuma ni paito pide ama reketekete, ko silo jaria kelo ko ikako koa kiadama tapata poso.

2 Koriniti 5:18

Koa kiadama ta vo Baṉara ko iruruputo, vo o ṉelati odouveni eṉe voko kana madu ṉela ni voko baerebaere poso o iṉeleni eṉe, ni o katiṉeleni ko koidi tu mata kake ta voko baerebaere poso ṉe imo.

2 Koriniti 6:18

Aṉata mevo Mama a elou, Meta aṉako meqora poso me elou, reko ni lasivea mela, kiola vo piza kala Baṉara.”

Qelesia 3:26

Ni vai oqu kale vo Karisito inio mea kiada mela ta vo Baṉara ko meqora poso mela.

Epesasi 2:7

Ni vota o erekake komi quli tu kiadama maba madu ta ke kelou ko kuevako taku kale noi tinia aqasiele ama ikio voko pakiezato sama roquano. Ako koa pakiezato sama roquano ta noqola kasa ko eve sole voko roquemelo kale anime omadeu me vati evani mela vo Jisu Karisito.

Epesasi 3:10

Ako voko zario ta erisaṉa pado inio kiadama mateana madu ni kiadama ko lekasa puako ziolo poso ta melou vo Jisu ko lotu qoqono, nio kekai nianiiovou vo Baṉara ko nianiio kiadama quli kale.

Kolosi 3:4

Vo Karisito inio mevo tuvevo ala saevo, ni so keru vo o puratou keru inio me melai me zomanou kovo voko ṉaṉaidara vo sase.

2 Timoti 2:10

so sole aṉata a noqoiva pataito kiadama tapata kale tu a dauvemo vo Baṉara ko maba madu, tu seta ke kovo ko pakio ni noqola kama ṉaṉaidara Jisu Karisito kasi.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Hiburu 6:20

Jisu o kiada inio lula o amaqeovini sai anime kaqe, ni noqola kala ṉisa siama o eveni, Melekizedeki jari.

Hiburu 7:26

Sokale inio animeta Jisu ta animevo male ala Ṉisa Siama. Vota tabu ala ni sarueko pide ala, ni vo Baṉara ta o edolivake vo se sarueko samu kasi azo ni o koivievake aukale sai Baṉara o evakoi, ni vota oma lekasa pua kiadama maba poso.

Hiburu 7:28

Mosese ko Bazu kale ta ke pitoi se maba madu, se sarueko kekai zomaneni ereko, tu seta ṉisa siama madu ke elo; melai Baṉara ko kejo sama leveleveo ta ko baroake Mosese ko Bazu ko tova, ni kokale inio vota o pitoevake vo Meqora, ni noqola sidopu ala Ṉisa Siama o ivake, so sole vo inio voa Ṉisa Siama animevo male ala.

1 Pita 1:12

Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.

1 Pita 5:1

Me lotu qoqono ko vilua pikopiko madu mela, aṉata aqa zaria melai bazueko me kama quli aṉako pado ama bulo sate. Ako aṉa melai kala vilua pikopiko lala ni aṉa inio a qeveni lala vo Karisito ko tola ni vou sole. Ni aṉa inio mata aqai zomanoa lala voko ṉaṉaidara vo Karisito o vaitou keru. Nio aṉa inio a bazuemela me

1 Pita 5:10

Tuvevo meta me dolailou matu puju ama taku kale. Melai vo Baṉara ta o matu roquemelani me, ni vota lula o nokaemelani me tu meta meqai zomanou voko noqola kama ṉaṉaidara vo Karisito ko mela voukale. Ni meko tolailo ko tova vota o korotimelou me ni o zaubarimelou me, ni o pizatimelou ni o vinaemelou me.

Kelokelozato 4:11

“Eṉevo Lekasa ni ṉe Baṉara ṉa! Ko male tu eṉeta ṉe ṉaṉaidara pueṉou, ni ṉe rauraeṉou, ni ṉeṉai ilusikou ṉoko pizato, ako ṉo inio ṉo erekeni ṉa kiadama quli sole, ni ṉoko vatolo kale inio kota ko tanite ni saeve,” kikela.

Kelokelozato 7:9

Koko tova inio a lilitakea lala ta matu ti matuma vaki a qeake; puliala opa roveovo amu ataemo sea kiadama maba poso! Seke kuevini kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo, seta ke lojoake koa papupapu ni voa Sipi Meqora ko kuleto, ni seta rosia sabosabo tapo ama samu ni ke kamakake ko dauko poso tu ke puratiko seko zoleilo.