Hiburu 13:9 - BAṈARA KO VAIRU AMA LEVELEVEO

⁹ So sole pui zarieko ko edoloma vairu ama pesio poso, se maba poso kekai erekako ko azaazama nianiiekato tu kota mela sarueko meko sidopu ama keve. Qulepo ama quli ta kovo vo Baṉara ko mauruto sama roquano. Ko ikio meko auvana kale ama pizato, pui se Jiu amu ko sailao ko Bazu poso ko zoriko. Ako seke zorikani koa bazu poso ta pui ke tauvezia kokale sole.

Hiburu 13:9 교차 참조

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 24:4

Nio vo Jisu ta o mati tiorikake ni eri ma kiolake, “Meta vailomo, ni pui zarievo kala tu o saruemelou me.

Luke 5:38

Kota pui so ko kalou! Ko vairu ama vaini ko ju ta ko raibiziovou uria vairu ama teamuteamu kale!

Iruruputo 20:30

Ni kake mekale ama maba poso ta ke puratou ni ke lipalipaemou seke tuvevo putani tu ke luluemo se.

Iruruputo 20:32

“Ni erisaṉa aṉata a vaemela me vo Baṉara ko vailo kale tu voko tauvezato sama roquano ko bazubazu ta ko melati vailou me, ni ko pizatimelou me ni ko katimelou me koa reketekete vo Baṉara oma inainaekake kiadama voko tabu ama lotu maba poso.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

Romu 14:2

Ako kala maba ta voko oqu kale inio o rovea kuo kiadama quli, melai kala pado maba vo lekuleku ama oqu sala ta pui o rovea kuo ko marabau.

Romu 14:6

Vo tabu o ikani ko ṉaniu ta ovai rauraeka vo Baṉara koa ṉaniu, ni vo o kuovo ala ko marabau vo melai ovai rauraeka vo Baṉara koa keve kale kude, ni vota o ilusiva vo Baṉara.

1 Koriniti 6:13

Kala ta mata eri kiovou, “Baṉara ta o ereke ko sailao tu siapa kaqe, ni vota o ereke ko siapa tu sailao kaqe.” Kota tuvevo melai vo Baṉara inio o epeziko ala koa omuqa quli. Baṉara ta pui opa katimele ko tupu tu kai pauvezato kaqe, melai va nabuluputo kaqe vo, ni animeta voko mela.

1 Koriniti 8:8

Melai ko sailao ta pui ko rovea sipole imelo anime vo Baṉara kasi. Animeta pui meba kai toraekou kama quli pui me quovou ta, ni mata pulia quli meba kai kovou me quovou keru koa sailao.

2 Koriniti 1:21

Vo inio voa Baṉara animeko omadeu vati elo kale vo Karisito vinavina o mela ikani. Ni vo inio voa Baṉara vo o pitoemeleni anime,

Qelesia 6:1

A qaka ni visi poso, esa kala me azo ta mevai potou o erekou keru ko saruilo, ta vo Tabu ala Auvana kale me odiziani mela inio me ziovou nio meba tauvevou sidopu puevo. Melai meta me jidopu puevou vo zarazarailo sama keve kale, ni me balauvou, ako me ṉavi melai me ereko kale sole soama saruilo.

Epesasi 4:14

So inio animeta pui se meqora poso jari me qalou. Ni animeta pui mola jari me elou omadeuvo ko ururu ta ko puzeka ni ko solea kiadakoi vasi jari. Ako animeta pui ke melai saruekou kiadama vairu ama nianiiekato poso. Ako se kekai nianiiekatani ko ta ke ereka seko vatovatolo ni ke ereka kiadama lipalipa kama quli tu ke saruemo se maba poso tu ke lulueko sarusaru ama keve.

Epesasi 5:6

Ni meta pui zariemo kake tu ke saruemelo me lipalipa kama bazu kale. Ako koa boutare poso aṉa abe kasekako kale avo inio vo Baṉara ko korakorailo ta komai barolou sole se pui ke zoripatani.

Kolosi 2:4

Aṉata a melai bazue komi tu meta pui zarievo kala tu vota o saruemelo me voko ubeubezato sama pesio kale.

2 Tesalonaika 2:17

Eṉeta ṉe melati vararaita tu vota o zuvarimelou me ni o pizatimelou me, tu mebe erekou ni mebe kasekou ko uri ama quli kiada keru.

2 Tesalonaika 2:2

tu meta pui kapiavole niuniala me elou meko kerukeru kale ni pui tiṉoliṉoli meqai elou kama lipalipa kama bazu. Ako kake ta keta lipata ni eri kikela, eṉeta ṉeqai bazuta vo Tabu ala Auvana ko avozio kale ma eṉeko bazubazuto kale ma kama leta kale, ko animevo Lekasa Jisu okai vaitako Ṉaniu ta lula inio kota baroi kio sama bazu.

1 Timoti 6:20

Timoti, ṉota mana vailo kati eve ko lotu kale ama nianiiekato ko lula ṉoqai nianiiako. Ṉota taka lapase koa kasekasezato sama pesio ko pui ko kasevako vo Baṉara, ni taka lapase koa sarube ama aivekinio kake maba poso “Nianiio” ka kikelako seko saruilo kale.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.

Jiudi 1:12

Sea maba poso ta kaqa keta mela ika meko bairumuo vuato ako kokale seta qurato pide ke utu zoleiva ke ṉavi sole ni seta ke kerukeruiva ke ṉavi pala. So inio seta nioro pide ama lei, koko alazikako ko ururu jari amu. Ni seta epa pide ama ore jari amu, so keru koko epako ko taku keru melai epa pide ama, seta ko rabuivako ni ko vouvako ore jari amu.

Jiudi 1:3

Aṉako baerebaere poso mela, aṉata aqa matu zariovi tu rikito mekasi tu kai bazuto ko pakio animea kiada mela me ṉeamukako, melai aṉata a qea ta uri tu a rikito mekasi tutumazi avole tu a mela titio meko piza kai oqu koa tuveano besizio pide ama vo Baṉara lula o katimelema me voko mabamu mela.