Hiburu 13:7 - BAṈARA KO VAIRU AMA LEVELEVEO

⁷ Kerukeruemomo sea kuleto ama odikato ko maba poso seke kasekeni vo Baṉara ko bazu mekasi. Kerukeruekomo seke evevoa saevo ni vou, ni tuvevo puevomo vo Baṉara seke ivevoa tuvevo puevo vo jari.

Hiburu 13:7 교차 참조

Matiu 24:45

Ni Jisu ta mata eri kiolake, “Sole lala inio kerula kala ni nianiiola nabulu? Vo raura o iveni vovo lekasa, tu o mati vailou koa pade kale ke iruruputani ni oma puarikou ko sailao koa korokoroti ama vuato ko taku kale.

Luke 12:42

Nio vo Lekasa Jisu ta o tiorizatake, ni eri kiolake, “Lala inio vo kerula kala ni nianiiola nabulu? Vo raura o ivo ala vovo lekasa, tu o mati vailo koa pade kale ke iruruputani ni oma puariko ala ko sailao koa korokoroti ama vuato ko taku kale.

Luke 5:1

Omadeu ṉaniu kale Jisu ta o lojoake Qenesareti toupa ko keta kale ni se maba madu ta ke zaitivake vo tu ke didieko vo Baṉara ko bazu kikelake.

Luke 8:11

Ni vo Jisu ta obeta olake pesio ni eri kiolake, “Komi kio koa podepodeti pesio ko kio ni kalo. Koa rui ta vo Baṉara ko bazu.

Iruruputo 13:46

Melai Paula ni Banabasi ta matu parani putole qo pesiake ni eri kiqolake, “Ko male ikio tu mekasi nio kuleto ko kaseilo vo Baṉara ko bazu, melai meta meda ka lupaova viqo ko ti lula kuiripato saṉa meda eva me ṉavi ni pui me malezika ko noqola kama saevo, so sole eqeta qe vaemelou me ni qeta ziovou pui Jiu amu kasi.

Iruruputo 14:23

Ni nioqata qo pitoemake lotu qoqono poso kale se lotu tanatanamu se koko kuleto keta ka elo amu, ni nioqako vararaito ni tabutabuo kale nioqata qo vaemake vo Baṉara vo kevai oquini ko vailo kale.

Iruruputo 4:31

Ni so keru seke paika keru vararaito, koa zae seke kai padoivake ta kota nuvinuvitake. Ni vo Tabu ala Auvana ko pizato ta komai sukatake sea kiadamu ni seta ke taniekake kai bazubazuto vo Baṉara ko bazubazu parani putole.

Romu 10:17

So sole maba poso ko oqu ta ko tanita ko Uri ama Bazu ko viqo kale, ni ko Uri ama Bazu ta ko kueva vo Karisito vai bazuto kale.

1 Koriniti 10:13

Kiadama madolo ko meme doraekako ta kiada keru ko kuevako ikio maba poso kasi. Melai meta me rovea vai keru vo Baṉara ta pui opa zariekou tu meta me madoilo meko pizato ko topi tiniama madolo kale. So inio meme doraekou keru ko madolo, vota o katimelou me kama pizato tu meta meqai pataitou, ni vota o katimelou kama rora tu meda ka pakiovou.

1 Koriniti 11:1

Meta luluekomo aṉako kalo omadeuvo aṉa a lulueva jari vo Karisito.

1 Koriniti 4:16

So sole aṉata a basemela me, tu meta luluekomo aṉako kalo.

Pilipai 3:17

So sole a visi poso, omadeu vatolo kale meta madoekomo lulueko aṉa a qavani. Ni didiemomo seke luluekani koa sidopu ama kalo, ako eṉeta kasa ṉe ika ko tuvevo ama keve ko meme lulueko ama sole.

1 Tesalonaika 1:6

Meta me ṉeamuke ko Uri ama Bazu koa zoleilo sate, koko kuevako vo Tabu ala Auvana kasi azo, rouka mebe toraeke melai ko matuma tapata meko lulueko kale avo koa Bazu. Ni meta me lulueke eṉeko ni Lekasa Jisu ko kalo.

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

2 Tesalonaika 3:7

Me ṉavi ta meqai uria nianiia ta kota ko male tu me qalou eṉe ṉe qaevo jari. Ako eṉeta pui ṉeba kaikuape iruruputo sole so keru eṉe sai mekasi ṉe eve keru.

2 Tesalonaika 3:9

Eṉeta ṉeda roveo nio paseko ko tauvezato mekasi, melai meko lulupato ko tauveko kale avo eṉeta soa matu iruruputo ṉe eve tu meta me luluekou koa eṉeko kalo.

1 Timoti 3:5

Ako kala maba vo pui o roveani korotiko o ṉaviko saidi ta nonia roveo inio vota o kati vailou vo Baṉara ko lotu qoqono? Vo soala maba ta pui opa roveovou.

Hiburu 13:17

Meta zorimomo meko lotu lekasa poso, ni erekomo ko quli seke melati soruekako me, ako se inio ke melati vailani me meko auvana ko saevo sole, ni se inio ko kilo ama ṉaniu kale ke lojo amu Baṉara ko tanama kale, tu ke kaseko seko iruruputo vokasi. Seta kevai bazuekou vo se lula ke erekako ni nonia ereko inio lula ke evani ko. So sole meta zorimomo se, tu seta ke zoleilou seko iruruputo kale, nio pui duki ke elou seko koidi kale, ako meko duki imo se ta pui kopa tauvemelou me sole.

Hiburu 13:24

Eṉeta ṉe joroeka eṉeko roquano kiadama meko lotu lekasa poso kasi ni kiadama vo Baṉara ko maba poso kasi. Se Itali ama lotu tamania ta ke melati sorota me seko roquano.

Hiburu 6:12

Meta pui lupalupato melai meta seke kovo amu vo Baṉara oma inainaekako quli jaria noqola oqu emo.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.

Kelokelozato 20:4

Sai nio aṉata a qeake kama lekasa ko papupapu poso, ni sea maba poso sai ke papuani; seta ke koake ko titizato ko pizato tu seta ke ereko ko titizato. Ni aṉata mata a qeake seke lezuemeni maba poso ko auvana se kekai bazubazuteni koa tuveano vo Jisu o puratikema ni vo Baṉara ko bazu. Se pui kepa ilusiveni vo biaṉa ni voko beku, ni se pui kepa koeni vo biaṉa ko mamola seko kape poso topi ni seko ṉase poso topi. Se inio ke saeve ni aikovakova poso ke eve ni ke lekasa puake vo Karisito sate omadeu vuro sabere ko tiania.

Kelokelozato 6:9

Nio voa Sipi Meqora ta mata o rupasikake sike ama vinavina, sai nio aṉata a qeake se lula ke vovini ko auvana poso sara, ko raki kasi seke vouvaini seko kerula kai bazubazuto kale vo Baṉara ko bazu.