3 Kerukeruemomo tu tauvemomo se pirito pade kale ke evani maba poso; omadeuvo se jaria piripiri emo. Ni so jari meta kerukeruemomo se tapata ke evani, omadeuvo meta me lainika seko tola jari.
ni so keru aṉa solemauru a eve keru meta me ditivi puele aṉa, ni so keru aṉa a verepe keru meta me lati vaile aṉa, ni aṉa pirito pade kale a eve keru meta me joipile aṉa,’ kiavou.
Ni aṉa a lipilipite keru ta pui meba baroekile sole pade kasi ni solemauru a eve keru ta pui meba titivi puele ni a verepe keru ni pirito pade kale a eve keru ta pui meba soipile sole,’ kiavou.
Ni vota o bazuevake kala pado sirula tu vota o vati uria vailo vo Paula, melai vota oma zarievou tu voko baerebaere poso ta ke kilo vokasi tu seta ke kativo vo oka zariovo ama quli.
Ni koko tovala ṉaniu kale inio ṉe varerikake Saidoni peuru kale. Sai nio Juliasi ta o zarievake vo Paula tu vota o zio melole voko baerebaere poso tu seta ke tauvevo vo kiolake sole.
So inio kala pado tupu ko kata ta o tolailou, nio kiadama koa tupu ko kata poso ti ko lainikou muli koa tola. Kala lotu maba ta o raurailou, nio koa pado ama lotu qoqono ta keta zoleilou muli.
Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.
A ṉaviko ṉase kale aṉa Paula lala inio a rikieka aṉako roquano mekasi. Meta kerukeruelomo aṉata pirito pade kale abeta eva. Vo Baṉara ko roquano ta ko elou me tona. A baika.
Meko tauvemo kale se, meta me lainike se piripiri amu ko tola ni so keru kiadama meko lomaloma keta mela rapeke melai meta me zolei, ako meta meqai nianiiake ta lula me qoa ko qulepo ama quli ko noqola ko elo ama aukale sole.
Kake ta ke taimake lado kale ni keta vouvake, ni kake ta omuqa kobu ke imake soe kale, ni mata kake ta ke vouvaemake benisi kale. Sea maba poso ta ozaoza kamu ni kekai saboini ko qouti ni sipi ko tupu, ni seko kana madu ta ke matu niumaniumaeme se.
Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.
