Hiburu 13:17 - BAṈARA KO VAIRU AMA LEVELEVEO

¹⁷ Meta zorimomo meko lotu lekasa poso, ni erekomo ko quli seke melati soruekako me, ako se inio ke melati vailani me meko auvana ko saevo sole, ni se inio ko kilo ama ṉaniu kale ke lojo amu Baṉara ko tanama kale, tu ke kaseko seko iruruputo vokasi. Seta kevai bazuekou vo se lula ke erekako ni nonia ereko inio lula ke evani ko. So sole meta zorimomo se, tu seta ke zoleilou seko iruruputo kale, nio pui duki ke elou seko koidi kale, ako meko duki imo se ta pui kopa tauvemelou me sole.

Hiburu 13:17 교차 참조

Luke 16:2

So sole voa lekasa ta o odievake voa vailo ko maba ni eri va kiolake, ‘Noi nio ko quli aṉa ṉo ada ṉa viqako? Kati kua ko iruruputo ko buka tu korotika ataeko, ako ṉota ṉo baika aṉavo vailo ko maba elo erisaṉa sole,’ kiolake.

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

Romu 14:12

So sole animea kiada mela ta me qasekou animeko saevo vo Baṉara kasi.

1 Koriniti 16:16

tu meta luluekomo soama maba poso ko odikato iruruputo ni mata kake ko, se omadeu nabuluputo ke evani ko se sase.

Epesasi 5:21

Ni meta zorikiniomo muli ako kokale inio meta meda va paṉaovou sole vo Karisito.

Pilipai 1:4

ni kiadama taku aṉata a melati vararaita mea kiada mela a zoleilo sate.

Pilipai 2:12

A baerebaere poso, meta kiada keru zoripato ko maba poso mela, ni meta me zorive vo Baṉara so keru aṉa me sate a eve keru. Ni matuma quli erisaṉa ta so jaria zoripato ta meta mebeta elou aṉa puliala abe elou mekasi melai. So sole meta beta olamo tava panao vo Baṉara ni beta olamo taka ṉalo ko sarueko, tu erekomo koko malezikako me Baṉara lula o pakiemelani mela.

Pilipai 2:16

Ni meta mai bazuekomo ko tuvevo ama saevo ko bazu. Ni meta me erekou ko inio aṉata ada matu zoleilou so keru vo Karisito o vaitou keru ako aṉako matuma iruruputo mekasi a erekema ta pui utu ama ko eva sole.

Pilipai 2:29

Ni meta me baroekivou vo zoleilo kale ako vota mevo tamania kale ala sole animevo Lekasa kale, ni meda ma paṉaovou soama maba poso vo jari amu,

Pilipai 3:18

Ako matu kubo taku inio aṉata a melai bazueka eri ama quli, ni vairutu aṉata a melai bazueka mata aṉako deumu sate: ako matu kubo maba madu ta lula kana ke ika sole vo Karisito ko korosi ko bazu.

Pilipai 4:1

A visi poso, aṉata a roquemela me ni a melai zaria mela lelo me, ako me inio me matu zolela aṉa ni aṉata a melai rauraiva me sole. So sole meta beta olamo luluevo vo Lekasa Jisu ko aṉa a melai bazuekevo jari.

2 Tesalonaika 3:14

Esa kala maba sai ta pui opa zorikou ko bazu ko eṉe ṉe joroekako mekasi komia riki kale. So tea, meta mevai nianiiovou pala inio voa maba, ni pui me vati lolopareovou, so inio vota o quratou.

1 Timoti 5:17

Se lotu tanatanamu seke uria erekani seko odikato ko iruruputo ta ke male tu seta ke uria kerukeruilou ni ke kovou ko uri ama tabara. Ni kota ko matu suirima se kekai mumuasa puivani ko bazubazuto ni nianiiekato.

Hiburu 13:24

Eṉeta ṉe joroeka eṉeko roquano kiadama meko lotu lekasa poso kasi ni kiadama vo Baṉara ko maba poso kasi. Se Itali ama lotu tamania ta ke melati sorota me seko roquano.

Hiburu 13:7

Kerukeruemomo sea kuleto ama odikato ko maba poso seke kasekeni vo Baṉara ko bazu mekasi. Kerukeruekomo seke evevoa saevo ni vou, ni tuvevo puevomo vo Baṉara seke ivevoa tuvevo puevo vo jari.

Jemisi 4:7

So sole meta katiziomo vo Baṉara kasi. Ni meta vati kanaekiniomo vo Setani, nio vota o soqoilou mekasi azo.

1 Pita 5:5

Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”