Hiburu 13:16 - BAṈARA KO VAIRU AMA LEVELEVEO

¹⁶ Pui ukaka iko meko uri ereko edolomu kasi, ni meko tauvekinio, ako ko ikio koa siqasiqa vo Baṉara ko zolevako sole.

Hiburu 13:16 교차 참조

Luke 18:22

Nio so keru Jisu o viqa keru ko, vota eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma ni katima se ozaoza kamu koko seleni, inio ṉota batiro saṉa ṉo elou Baṉara kasi; saita inio ṉo luluelou aṉa.”

Iruruputo 10:38

Meta meqai nianiia vo Baṉara ko vai raibiko vo Tabu ala Auvana ko pizato vo Nazareti ala Jisu Karisito tona. Vota o keve kiadama zae poso kale, ni vota o ereke uri ama iruruputo, ni o urikime kiadamu se Setani ko pizato kale ke eveni, ako vo Baṉara ta o eve vo sate sole.

Iruruputo 9:36

Ni Jopa peuru kale ta kobeta evake ka pado rekoreko koko tuvevo putako koko ṉi ta Tabita. Koko ṉi Quriki pesio kale ta Dokasi kio, ni koko kio ni kalo ta “Dia” ka kikelako matu ileile ama ariku kiti ama biaṉa kio. Kota ko ṉamuke kiadama koko taku koko uri ama iruruputo ko ereko kale ni tauvemo kale se ozaoza kamu.

Romu 12:13

Meta puarikomo meko kama ma kama se olaquamu vo Baṉara ko maba madu kale amu kasi, ni ma veukomo meko pade se pakepakeo maba madu.

Qelesia 6:10

Ni so keru anime meqai roveovo ama taku kale animeta me dauvemou kiadama maba madu ni me dauvemou matuvole se kevai oquani vo Jisu Karisito.

Qelesia 6:6

Ni meme qoani mela vo Baṉara ko nianiiekato ta puarikomo kiadama uri ama quli kama kena meko nianiiekato ko maba poso kasi.

Epesasi 4:28

So inio vo o kuileni voko lulama saevo kale ta o epezou kuilo ni o iruruputou voko ṉase kale tu o kovou saevo ko korotikako quli, ni omai tauvekou koa uri ama quli se ozaoza kamu.

Pilipai 4:14

Melai matu uri kiala mekasi meko tauvelo aṉa aṉako tapata kale.

Pilipai 4:18

Ni erisaṉa aṉata a qoa kiadama quli ko me mela soroekako quli ni kota ko korotila aṉa. Ako vo Epaparoditasi ta lula olai baroekika sole kiadama meko puaro poso. Ni kota kama uria tui ama siqasiqa jari vo Baṉara kasi, ni vo Baṉara ta o koa ni oka zoleiva koa meko puaro.

1 Tesalonaika 5:15

Balauvomo tu meta pui me besiekou ko ruqe ruqe kale, melai meta madoekomo tu erekomo ko uri kiada keru me ṉavio kude ni so jari kiadama maba poso kasi.

2 Tesalonaika 3:13

Melai me, a qaka ni visi poso mela, meta pui jairoko ereko ko uri ama quli.

1 Timoti 6:18

Bazuema se tu seta kemai tauveko edolomu seko batiro, tu seko zolemo ama ta seko uri ama kalo ko elo, ni kekai zoleilo seko mati puaro se edoloma maba poso.

Pilimone 1:6

Aṉako vararaito ta ṉoko oqu ko puratikako tauvezato sama roquano ta ko pizatou ṉoko uria paqumuko kale kiadama mauruto ko anime me qoako animeko omadeu vati elo kale vo Karisito.

Hiburu 6:10

Ako vo Baṉara ta matu sidopu ala kiadamu kasi. Vota pui ukaka opa ikou meko iruruputo ni ko meme buratikema roquano meko tauvemo kale lula ni erisaṉa vo Baṉara ko qoqono voko ṉikale.

3 Jone 1:11

A baerebaere ṉa, ṉota pui lulueko ko ruqe ama kalo melai lulueka ko uri ama kalo. Ako vo o erekani uri ama quli ta vo Baṉara vo inio, melai vo o erekani ko ruqe ta pui ovai nianiiani vo Baṉara sole.