Hiburu 12:4 - BAṈARA KO VAIRU AMA LEVELEVEO

⁴ Meko kati pazokinio tu tizaeko ko sarueko ta pui nio ko kati ijatinia puekinia tu meta meqai vou.

Hiburu 12:4 교차 참조

Matiu 24:9

“Ni koa taku kale inio maba poso ta ke noqoemelou ni ke tolaemelou ni ke vouvaemelou me, ni kiadama maba madu ta ke melai kaikuapou, ako meta aṉa me luluelani mela sole.

1 Koriniti 10:13

Kiadama madolo ko meme doraekako ta kiada keru ko kuevako ikio maba poso kasi. Melai meta me rovea vai keru vo Baṉara ta pui opa zariekou tu meta me madoilo meko pizato ko topi tiniama madolo kale. So inio meme doraekou keru ko madolo, vota o katimelou me kama pizato tu meta meqai pataitou, ni vota o katimelou kama rora tu meda ka pakiovou.

Pilipai 2:8

Ni vota o zarazaraivake voko maba elo kale ni okai taliake zoripato ko keve ti kobe vati baroake voko vou, koa vou korosi topi ama.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Hiburu 13:13

So sole animeta me vaemou seke madoekani tu kati vailo se Jiu amu ko siqasiqa, ni meqai zomanou voko qurato.

Kelokelozato 12:11

Seta lula ke koqotaevo vo, vo Sipi Meqora ko vou ko dara kale ni se kekai bazutema tuveano kale, ni seta pui kepa katiziovi tu ke vou.

Kelokelozato 17:6

Ni aṉata a qeake koa rekoreko koko mamola puekako koa matu peuru Babiloni amu, seke vouvaemeni Jisu kevai oquani. Ni koa rekoreko ta kokai zoleivake seko vou omadeuvo kala maba doilili okai evani ko piza kama vaini ko ju jari. Ni so keru aṉa a qeve keru koa rekoreko ta ada matu vuzeike.

Kelokelozato 18:24

Babiloni ta ko koe ko koqotato ako dara se poropita madu ni se Baṉara ko maba poso ko ta ko keazai koa matu peuru kale sole; tuvevo, koa dara ta sea kiadamu se miduku kale lula ke vouvaini ko ikio.

Kelokelozato 2:13

Aṉata aqai nianiia sai meme evakoi ta vo Setani o lekasa puakoi. Meta kerula kamela, ni meta pui meba vaeke meko lai oqu aṉa; so keru vo Anitipasi ke vouvaeve keru melai pui meba vaeke meko oqu. Vota kerula bazuto olai eveni aṉa, nio ke vouvaevake mekasi sai vo Setani o evakoi.