Hiburu 12:3 - BAṈARA KO VAIRU AMA LEVELEVEO

³ Meta kerukeruevomo vo Jisu, vo pui opa lupaovini tu vota o tolailo koa tola vo o koema tola se sarueko sama maba madu ko ṉase topi se kevai kideipeni vo. So sole meta pui duki ni koqo elo meko bulo poso kale.

Hiburu 12:3 교차 참조

Matiu 11:19

Ni aṉa maba a eveni lala ta a quevi ni aṉata a quani lala kiada keru ama sailao ni a nozuekani lala ko vaini ko ju kiadama maba poso jari, nio seta eri la kikela, ‘Vemo nea maba! Vota kala olavo ala ni vaini ko ju ko nozuto ko maba, vota se takisi ke koani ni se ruqe amu vo baerebaere!’ la kikela. Melai vo Baṉara ko nianiio sama nakanakati ta sea kiadamu se ko ke ṉeamukani ke puratikako epa kale inio me qelou koko tuveano,” kiolake vo Jisu.

Matiu 12:24

Ni so keru se Parese madu keta ma viqa keru se maba madu seko pesio, seta eri kikelake, “Vota o rerika ko ziolo ako vo Setani, se ziolo poso vo lekasa inio o kativa vo ko pizato sole,” kikelake.

Matiu 15:2

ni eri kikelake, “Noi sole inio ṉoko disaipeli madu ta pui ke lulueka eṉeko taite poso ke katiṉelema nianiiekato ko bazu ko keve? Ako seta pui ke uria pusaeka seko ṉase saita inio ke vuata,” kikelake.

Matiu 21:23

Ni Jisu ta mata ota vaitake Jelepade kale ni vota o nianiiekimake se maba poso. Sai nio se raura kama siama madu ni se lotu tanamu ta ke olake ni ke kuimaevake vo Jisu, ni eri kikelake, “Lala inio o zarieṉa inio ṉota ṉo ereka komi quli, ni lala inio o katiṉa ṉo koa pizato?” kikelake.

Matiu 21:46

Sole seta kekai zariake tu noqoevo vo, melai seta keta ma ṉake sea matuma vaki, ako sea vaki ta ke tuvevo pueva vo Jisu ta poropita inio sole.

Matiu 22:15

Ni se Parese madu ta ke padoivake omadeukoi ni ke vatovatoekake kama vatovatolo tu ke madoevo zaraevo vo Jisu seko kuimanao kale.

Luke 14:1

Ni kama pado Sabati ṉaniu kale inio Jisu ta o zomanake vuato kala Parese madu vo kuleto ala maba ko pade kale, ni se maba poso ta kevai vilumuake vo Jisu tu keta va kelo kama saruilo kikelake.

Luke 15:2

nio se Parese madu ni se Mosese ko Bazu kekai nianiiekatani ta ke taniekake ṉuruṉuruo ni eri kikelake, “Nea maba ta o baroekima se ruqe ama maba madu ni o mati palaita se!” kikelake.

Luke 16:14

Nio so keru se Parese madu ke viqa keru kiadama soama Jisu ko rukuruku poso seta ke taniekake vai balebaleito vo, ako seta ke roquekake ko batiro sole.

Luke 2:34

Ni Simeoni ta mauru o imake se ni eri kiolake Mere kasi, voa molele ko niania, “Nea meqora ta lula o pitoeve vo Baṉara tu kubo Izireli amu ta kevai tupariovou ni ke pialou melai kubo madu ta ke pakiovou vokale. Vota kala mamola o elou Baṉara kasi azo ala kubo maba madu kevai keduvo ala,

Luke 5:21

Nio se Mosese ko Bazu kekai nianiiekatani maba poso ni se Parese madu ta ke kuimaekiniake ke ṉavio kude ni eri kikelake, “Lala inio nea maba vo o aṉararaivani ta vota Baṉara jari inio! Ako vo Baṉara o kiada inio o roveani akoeko sole ko sarueko,” kikelake.

Jone 10:20

So sole kubo madu se azo ta eri kikelake, “Koe, vota ziolo kovai onobatani! Vota sarube ala! Noi sole inio animeta me didieva vo?” kikelake.

Jone 18:22

Ni so keru vo so kiove keru, kala pado sea vailo ko maba poso azo ta ota va pazokake Jisu ko loilo ṉase saresare kale nio eri kiolake vokasi, “Koa kalo kale inio ṉota ṉova opata vo Ṉisa Siama kio?” kiolake.

Jone 5:16

Nio koa iruruputo ko kio kale seta ke taniekake vai kideipo vo Jisu, ako vota o erekake ko urikato Sabati ṉaniu kale sole.

Jone 7:12

Ni koa padopadoilo maba poso melai moizavole kebe kasevake vo Jisu. Kake ta “Vota sidopu ala maba,” kikelake, melai mata kake ta “Pui. Vo inio o lipalipaemani se maba poso,” kikelake, sole seta omuqa kerukeru kevai koake vo.

Jone 8:13

Ni se Parese matiu ta eri kikelake vokasi, “Ṉota ṉo bazuiva ṉo ṉavi, ta so ṉo kiṉolani ta pui tuvevo avo,” kikelake.

Jone 8:52

Nio ko quli ke viqake se Jiu ama tanatanamu nio eri kikelake vokasi, “Vairutu ta maba ṉe duvevo pueṉa ta ṉota kama pado ziolo salaṉa! Ebarahami ta lula ota vovi, ni se poropita madu melai lula keta vovi, melai ṉota eri kiṉola, ‘Vo ota la zoriko ala aṉako bazubazu ta pui opa vouvou,’ kiṉola!

Jone 8:59

Sai nio seta ke niaquekake ko lado ni ke taivo kikelake, melai Jisu ta taukavole ota daipaike ni ota saqorake Jelepade kale azo.

Jone 9:40

Nio kake Parese madu, seke eveni sai vo sate, ta keta va viqake soama pesio nio seta ke kuimaevake vo, “Noko so kio ta eṉe melai leqa kaṉela inio ṉo ṉela kiṉola kio?” kikelake.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

2 Koriniti 4:1

Eṉeta pui lekuleku ṉe eva, ako eṉeta ṉeqai nianiia ta o ṉaviko pakiezato sama roquano kale inio vo Baṉara ta o katiṉela eṉe komia eṉeko iruruputo sole.

2 Koriniti 4:16

Sokale avo inio eṉeta pulia kude lekuleku ṉe eva eṉeko bazubazuto ko iruruputo kale. Eṉeko tupu ta kobeta lepuka, melai eṉeko kerukeru ta piza kobeta eva kiadama ṉaniu.

Qelesia 6:9

So sole animeta pui me jairozo uri ereko, ako so inio animeta me qovou sole koko epa noqola kama, tutututuki ama taku kale. Sole animeta pui niaba me elo.

2 Tesalonaika 3:13

Melai me, a qaka ni visi poso mela, meta pui jairoko ereko ko uri ama quli.

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

Hiburu 12:5

So sole meta pui ukaka iko vo Baṉara ko pesio poso, ko vo o melai zuvarikako me omadeuvo vo mama o zuvarima jari voko lasive meqora poso, ko eri, “A meqora, so keru vo Baṉara o korotiṉou keru ṉo, ṉota didiane ni ṉota pui niaba elo vo o riqaeṉou keru.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

1 Pita 2:23

Ni se maba poso ta ke ruqe kasevake vo melai vota pui oma besiekake tu mata o ruqe kasemou se; ni so keru maba poso ke tolaeve keru vota pui opa ma korakorai, melai vota ovai kerui vo Baṉara, vo inio vo sidopu ala titizato ko maba.

Kelokelozato 2:3

Meta me bizaka lojoa, ni lula ko tolaemela ko tapata poso aṉako ṉikale avo, melai meta pui koqo me eva.