Hiburu 12:25 - BAṈARA KO VAIRU AMA LEVELEVEO

²⁵ So sole meta balauvomo tu pui tava lupao viqo vo o pesiani mekasi. Ako sea maba poso se lulavo keta va lupaovini viqo vo okai pesiovini komia peuru ma peuru kale ko balauvimema bazu ta pui kepa taka soqoi. Sokale avo inio anime me viqani mela vo aukale azo o pesiani ta meda ka lupaovou viqo voko pesio, ta maba pui meba taka soqoilou.

Hiburu 12:25 교차 참조

Matiu 17:5

Nio so keru vo Pita obeta pesipesita keru, inio ko simanamana kama lei ta ko boulumake se ni seta ke viqake Baṉara ko kora koa leikale, ni eri kikolake, “Nei nio vo a ṉavivo Meqora, vo a matu roquevani. Vo inio vo aṉa ava matu zoleivani, tu tava viqomo vo ni luluekomo vo kiolani,” kikolake.

Matiu 8:4

Nio Jisu ta eri kiolake voa maba kasi, “Pui ṉoqai bazutou komi kala kasi, melai ṉota ola sidopu avole vo siama kasi tu o lelepiṉo saita inio ṉota ṉo erekou koa siqasiqa vo Mosese ko Bazu ko melati soruekako tu kiadamu ta ke tuvevo puekou ko ṉota erisaṉa ta ṉoda urika kio.”

Iruruputo 7:35

“Mosese ta kala pado maba vo keta va lupaovini se Izireli amu. ‘Lala inio lekasa ni titizato ko maba ṉa o iṉeni eṉe kasi?’ va kikeveni nio vo. Melai vo inio vo vo Baṉara o soroeveni tu se maba poso vo lekasa o elou tu o rupasimou se vo mateana o purateni vokasi urusana sama sasa ore ko tiania ko tauvezato kale.

1 Tesalonaika 5:15

Balauvomo tu meta pui me besiekou ko ruqe ruqe kale, melai meta madoekomo tu erekomo ko uri kiada keru me ṉavio kude ni so jari kiadama maba poso kasi.

2 Timoti 4:4

Seta pui kepa viqou ko tuvevo ama bazu ni ke didiekou ko lipalipa kama bazubazu poso.

Hiburu 1:1

Lulavo, vo Baṉara ta o pesiovi kubo taku animeko taite poso kasi ni kubo keve kale se poropita madu kale kude,

Hiburu 11:7

Oqu kale inio Noa ta o viqake Baṉara ko balauvato sama pesio, so keru vo ovai bazueke keru ko nioqololo koko kilo ama ko vo pui vima sase opa kevema. Vota o zorivake vo Baṉara ni o erevake kala matula vaka sai vo ni voko saidi ke pakiovikoi. So sole vota kasa o ikake vo Baṉara ko titizimo sea so keru ama peuru ma peuru kale ama maba madu seko ruqe ama kalo kale avo, melai vo Noa ta o koe vo Baṉara ko sidopu, vota oqu sala sole.

Hiburu 12:19

Sea maba poso ta ke viqake ko kuvili ko kelato ni seta mata ke viqake Baṉara ko kora ko o maba pikairikema. Koa pesio poso ko kora koko rukuima ta matu polosimo ko evake so sole seta ke pasevake vo tu vota pui mata soa pesio o elo kikelake.

Hiburu 3:12

A lolo poso, meta balauvomo tu puliala me azo ta o ṉeamukou ko ruqe ama bulo ni pui tuvevo puto, koko lilimelo ama me vo tuvevo ala Baṉara kasi azo.

Hiburu 3:17

Lave inio ko se vo Baṉara omai korakoraini ariku toni sabere? Se inio sea maba poso seke saruini, ni ke vovini lealea kama zaekale.

Hiburu 8:5

Ni koa siama iruruputo seke erekako ta ke ereka ko aukale ko evako quli ko laumuna pala. Omadeuvo ko ereima Mosese kasi voko taku keru jari, vo oka zari keru ereko ko tepe pade lealea kama zaekale, vo Baṉara eri kiove keru vokasi, “Ṉota uria ereko eve koa tepe pade, kiadama koko lomaloma sate ni koko ereere kale ko aṉa kasa aṉa ikema sopu kale,” ka kiovema.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

Kelokelozato 19:10

Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.

Kelokelozato 22:9

Melai vota eri kiolake aṉa kasi, “Ṉota pui ilusilo aṉa! Aṉata kala pado ṉokale ala nabulu lala sole, ni ṉoko lotu tamania kalea lala, ni se poropita madu ni seke zorikani komia buka kale ama bazu kalea lala sole. Ṉota ilusiva vo Baṉara o kiada!” kiolake.