Hiburu 11:7 - BAṈARA KO VAIRU AMA LEVELEVEO

⁷ Oqu kale inio Noa ta o viqake Baṉara ko balauvato sama pesio, so keru vo ovai bazueke keru ko nioqololo koko kilo ama ko vo pui vima sase opa kevema. Vota o zorivake vo Baṉara ni o erevake kala matula vaka sai vo ni voko saidi ke pakiovikoi. So sole vota kasa o ikake vo Baṉara ko titizimo sea so keru ama peuru ma peuru kale ama maba madu seko ruqe ama kalo kale avo, melai vo Noa ta o koe vo Baṉara ko sidopu, vota oqu sala sole.

Hiburu 11:7 교차 참조

Matiu 2:12

Nio seta keta vaitake ke peuru kale edoloma keve kude ako vo Baṉara ta o kaqarimake se uloi kale tu pui ke vaito Herodi kasi sole.

Matiu 24:15

Ni Jisu ta mata eri kiolake sekasi, “Meta me qelou ṉaloṉalo ama kapakapato ko quli ko ke lojoeko ama Jelepade ko Tabu ama Zaekale, ni ko ikio vo poropita Daniela o kasekema.” (Ni meme diromikoa mela komia pesipesi ta uria paqumukomo ko kikolani.)

Matiu 24:25

Sole meta didielomo, ako aṉata a melai bazueka komi quli puliako koa taku barolo.

Matiu 24:38

Ako puliako matuma nioqololo kilo seta ke vuatake ni ke nozutake, ni lasive poso ni rekoreko ta ke raekiniake kiada keru jari, ti kobeta baroake koa ṉaniu Noa o zazi keru voko vaka topi.

Matiu 3:7

Nio so keru vo Jone o meve keru matu kubo Parese madu ni se Sadiusi madu seke kuevini vokasi bapitaiso elole, sai nio vota eri ma kiolake, “Meta dole jaria ruqea mela! Noi sole inio meta eri kimela, ‘Eṉeta bapitaiso ṉe elou inio eṉeta ṉeda ka lapasou koa koqotato vo Baṉara o soroeko ama,’ kimela?

Luke 17:26

Omadeuvo vo Noa ko taku keru ko ereima quli so jari ama quli kio aṉa maba a eveni lala ko vaito ko ṉaniu kale ko ereilo ama.

Romu 1:17

Ako ko Uri ama Bazu ta kasa ko ika vo Baṉara ko sidopu imo se maba poso o ṉaviko vilu kasa: kota oqu ko kiada kale inio. Omadeuvo ko Tabu ama Riki kikovevo jari, “Voa maba voko oqu kale sidopu va kiolani vo Baṉara, vo o kiada inio o saevou.”

Romu 10:6

Melai ko Tabu ama Riki ko kasekako oqu kale sidopu elo vo Baṉara ko kelokelozato kale ama ta eri nio: “Ṉota pui kuimailo ṉo ṉaviko kerukeru kale tu eri kio, lala inio o ziovo ala aukale?” — kota, tu vo Karisito ko saqorivo ikio.

Romu 3:22

Baṉara ta sidopu o ima sea kiadamu seke ṉeamuvani vo Karisito; ako kiadamu ta omadeuvo amu sole,

Romu 4:11

Koko tova vasi inio vota o moveike, ni koa voko moveilo ta kama pado mamola ko evake koko kasa puekema voko oqu kale ama sidopu elo Baṉara ko vilu kasa. Nio vo Ebarahami ta sevo auvana kale ala taite o evake, seke tuvevo puevani vo Baṉara se sidopu ma kiolani, se pui movemove amu melai.

Romu 4:13

Ni so keru vo Baṉara o vati korotike keru vo Ebarahami ko peuru ma peuru ta vo ni voko vikuvikula ko leveleveo ikio kio, vota so o ikake, pui vo Ebarahami ko zoriko kale ko Bazu, melai vo Ebarahami ta o tuvevo putake nio vo Baṉara ta sidopu ala va kiolake.

Romu 9:30

Sokale avo inio se pui Jiu amu, se pui kepa vailikeni ko sidopu elo vo Baṉara ko kelokelozato kale, ta sidopu keta evake seko vai oqu kale vo;

Qelesia 5:5

Melai eṉeta oqu kale, ni eṉeko tuvevo puto sama kerukeru kale ni vo Tabu ala Auvana ko zuvarato kale inio eṉeta ṉebe tareka vo Baṉara ko sidopu iṉelo eṉe.

Pilipai 3:9

tu aṉata vovo lala. Nio erisaṉa vo Baṉara ta sidopu o ila aṉa, pui aṉako lulueko kale Mosese ko Bazu, melai aṉako vai oqu kale vo Karisito.

Hiburu 11:1

Oqu saṉa elo ta kai nianiio animeko ṉeamuko ko quli anime meqai keruako tu me qovo, ni kota kai nianiio ta tuvevo ama quli kio ko anime pui me qeako quli.

Hiburu 12:25

So sole meta balauvomo tu pui tava lupao viqo vo o pesiani mekasi. Ako sea maba poso se lulavo keta va lupaovini viqo vo okai pesiovini komia peuru ma peuru kale ko balauvimema bazu ta pui kepa taka soqoi. Sokale avo inio anime me viqani mela vo aukale azo o pesiani ta meda ka lupaovou viqo voko pesio, ta maba pui meba taka soqoilou.

Hiburu 5:7

So keru Jisu obeta saeve keru miduku kale vota o ereke voko paseto sama vararaito matuma kora kale ni deumu sase Baṉara kasi, tu vota o pakievo vo voukale azo. Baṉara ta ota va viqake voko vararaito ako vota o zarazaraivani ni ota va panaovani vo Baṉara sole.

Hiburu 8:5

Ni koa siama iruruputo seke erekako ta ke ereka ko aukale ko evako quli ko laumuna pala. Omadeuvo ko ereima Mosese kasi voko taku keru jari, vo oka zari keru ereko ko tepe pade lealea kama zaekale, vo Baṉara eri kiove keru vokasi, “Ṉota uria ereko eve koa tepe pade, kiadama koko lomaloma sate ni koko ereere kale ko aṉa kasa aṉa ikema sopu kale,” ka kiovema.

1 Pita 3:20

Ni se inio ko se pui kepa zoriveni vo Baṉara Noa ko taku keru. Vo Baṉara ta matu inobea taremo o evake Noa obeta orumata keru ko vaka melai seta pui ke zorivake. Ni pui kubo madu inio se melai siotolu madu ke kiada inio ke amaqeake koa vaka kale ni ke pakiovi koa jukale.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.

2 Pita 2:5

Ako vo Baṉara ta koqo o imake sole se ruqe ama maba madu lulavo vo o soroeke keru ko nioqololo peuru ma peuru ama maba madu kasi se pui kepa zoriveni. Melai Noa, vo okai bazubazuteni ko sidopu, ni sikeura madu vokale amu inio Baṉara ta o pakiemake.

2 Pita 3:6

Sai kazo inio ko ju ko nioqololo ikio ko duluekake ko so keru ama peuru ma peuru.