Hiburu 11:16 - BAṈARA KO VAIRU AMA LEVELEVEO

¹⁶ Melai koa qulepo ama peuru seke zuatikema ta aukale ama peuru. Sokale inio vo Baṉara ta ota zoleiva tu seta ke kasevo vo ta vota sevo Baṉara, ako vota lula o inainaeke kama pado zae tu se kaqe sole.

Hiburu 11:16 교차 참조

Matiu 25:34

Ni aṉa voa Lekasa lala ta eri kiavou sea maba poso aṉako palo rana mu kasi, ‘Me inio aṉavo Mama mauru o imeloa mela, sole meta kuemo tu vo Baṉara inio o katimelou voko lekasa puo ko mauruto, ko o mela inainaekema puliako komia peuru ma peuru ereilo.

Maka 12:26

Melai meta pui me duvevo puekou se voumu ko mata saevo, ta meta maba pui me baqumukani mela inio vo Mosese ko buka ko kasekako koa urusana ko bainema sasa ore topi sai o eve keru ama bazu. Ako sai nio ko rikiziovikoi sole vo Baṉara ko eri vati kio vo Mosese, ‘Aṉa inio vo Ebarahami vo Baṉara lala ni vo Aisake vo Baṉara lala ni Jekopi vo Baṉara lala,’ kikovekoi.

Maka 8:38

Ako voa maba vo ota la qurato ala aṉa ni aṉako nianiiekato se oqu pide amu ni boutare sama maba poso kasi komia taku kale amu, ta aṉa maba a eveni lala melai ada va zoliovou voa maba so keru aṉa a vaitou keru aṉavo Mama ko ṉaṉaidara kale ni voko mateana madu sase.”

Luke 12:32

Ni vo Jisu ta mata eri kiolake voko disaipeli madu kasi, “Meta pui ṉalo, mea silo ama rovaṉa sipi jaria mela, ako mevo Mama ta ota zoleiva tu o lekasa puemelou me o ṉaviko lekasa puo jari.

Luke 20:37

Mosese ta lula uria kaseko o eve ta maba ta mata o saevou voukale azo kiove. Ko urusana ko bainema sasa ore topi sai o eve keru ama bazu kale inio vota o rikieke voko eri va kio vo Baṉara, ‘Ebarahami vo Baṉara, ni Aisake vo Baṉara, ni Jekopi vo Baṉara,’ kio.

Jone 14:2

Ako aṉavo Mama ko pade kale ta mota kama mamazo ko zae sakoi, ko noqola kama, ni aṉata a zio tu aba inainaeko ka pado zae sai tu me kaqe. Pui so tea aṉata pui nio aba melai bazueko ko.

Iruruputo 7:32

‘Aṉata ṉoko taite poso vo Baṉara lala, vo Ebarahami, ni Aisake, ni Jekopi vo Baṉara lala,’ kikovema. Nio vo Mosese ta ota dederake, ni ota ṉake tu o toiritoirivo voa sasa ore topi.

Pilipai 3:20

Melai animeko ṉisa peuru ta aukale. Ni animeta mebe tareva animevo Pakio, animevo Lekasa Jisu Karisito vo o kilo ala aukale azo.

2 Timoti 4:18

Ni vo Lekasa ta o pakielou aṉa kiadama ruqe ama quli kale azo ni vota o uria baroekilou aṉa voko aukale ama lekasa puo kale. Vokasi inio ko ilusato koko elo ama latau ṉaniu ni ka ṉaniu. Emeni!

Hiburu 10:34

Meko tauvemo kale se, meta me lainike se piripiri amu ko tola ni so keru kiadama meko lomaloma keta mela rapeke melai meta me zolei, ako meta meqai nianiiake ta lula me qoa ko qulepo ama quli ko noqola ko elo ama aukale sole.

Hiburu 11:10

Ako vo Ebarahami ta o tarekake koa peuru aukale ama vo Baṉara uria ereko o evema, koa vinavina vola kama peuru.

Hiburu 11:14

Seko so kio kale ta ke uria kaseka ta seta kebe madoekake tu kelo kama pado zae tu ke ṉisa peuru kaqe.

Hiburu 11:40

ako Baṉara ta lula o korotike ko uri ama vado pui se kaqe pala, melai anime ni se kaqe. Ako voko vatolo ta anime ni seta omadeu tovozo sidopu me elou, melai anime pide ta seta pui so.

Hiburu 12:22

Melai meta lula meda baroa Zaione sopu kale, sai Jerusalema zaekale, sai vo piza kala Baṉara o evakoi. Meta lula meqai baroa koa aukale ama Jerusalema sai kubo vuro mateana madu ke padoivakoi zoleilo kale.

Hiburu 13:14

Ako komia peuru ma peuru kale ta pui animeko ṉisa peuru sole animeta meqa zaria baro koa noqola kama peuru aukale ama sai anime me eloa koi.

Hiburu 2:11

Vota bulebule o imela anime maba poso mela animeko sarueko poso kale azo, tu animeta vo Baṉara ko tabu ama maba poso mela me elo, ni anime ni vo ta omadeu pado Mama samela. Sokale avo inio vo Jisu ta ota zoleiva tu o visi poso mela mela kio anime.

Kelokelozato 21:2

Ni aṉata mata a qeake koa Tabu ama Peuru Baṉara ko, ko vairu ama Jerusalema ko saqorako aukale azo Baṉara kasi azo, ko lula ko inainaivako, omadeuvo kama sinaqu rusu ko lula ko uria saboivako tu ko zio raevole kovo lasive kikolako jari.