Hiburu 11:13 - BAṈARA KO VAIRU AMA LEVELEVEO

¹³ Kiadama sea qole ama maba poso ta kevai oqui vo Baṉara ti kobeta baroi seko saevo poso ko paito keru. Seta pui nio ke koake vo Baṉara oma inainaekema quli, melai seta ke gelekake vaṉʼazo ni keka zoleike, ni seta pui keta ka kamiziake maba madu kio, se puliama zae samu komia peuru ma peuru kale.

Hiburu 11:13 교차 참조

Matiu 13:17

Melai tuvevo avole aṉata a bazuemela me, ko quli kubo poropita madu ni se Baṉara ko maba madu kekai zariovima kelo ikio meta me qea, melai seta pui kepa roveovi kelo, ni se kekai zariovima viqo ikio meta me viqa, melai seta pui kepa roveovi viqo,” kiolake.

Jone 12:41

Aisea ta so kiove, ako vota o keve vo Jisu ko ṉaṉaidara, ni so inio vota o kasevake.

Jone 8:56

Mevo taite Ebarahami ta ota zolei so keru vo o paqumuke keru ta vota o kelou aṉako kilo miduku kale. Ni vota o keve ko ni ota zoleike,” kiolake.

Romu 4:21

Vota matu tuvevo o ikake vo Baṉara ta o roveovou ereko koa leveleveo vo ova kasekema.

Romu 8:24

Ako koa zuato kale inio animeta me bakiovi, melai animeta lula me qoa ko quli anime me zuatikako tea, ta pui tuvevo ama zuato ikio. Ako puliala ta o zuatika ko vo lula o koako quli sole.

2 Koriniti 4:18

Ako eṉeta pui ṉeqai lilitani ṉela ko kasale ama quli koko keazaivako vilu kale, melai ko pui ko keazaivako quli kio. Ako koko keazaivako quli vilu kale ta puju ama taku kale pala ko evako, melai ko pui ko keazaivako quli ta noqola ko elou.

2 Koriniti 5:6

So sole eṉeta ṉebeta parani puta kiada keru. Eṉeta ṉeqai nianiia so keru eṉe ṉeqai saeva keru eṉeko miduku kale ama tupu, eṉeta vaṉa ṉebeta eva animevo Lekasa ko ṉisa peuru kasi azo.

Epesasi 2:19

So sole erisaṉa me pui Jiu amu mela ta pui me ṉada raneani mela ni pui sorola mela. Melai meta vo Baṉara ko tabu ama qoqono kalea mela ni meta vo Baṉara ko saidi kalea mela.

Hiburu 11:14

Seko so kio kale ta ke uria kaseka ta seta kebe madoekake tu kelo kama pado zae tu ke ṉisa peuru kaqe.

Hiburu 11:17

Oqu kale inio Ebarahami ta siqasiqa kaqe o ivo kiolake vovo meqora Aisake so keru vo Baṉara o madoeve keru vo Ebarahami. Ebarahami ta kala pado maba vo Baṉara lula o kativeni ko vario ko leveleveo, melai vota o inainaoke tu vota ovai ereko ko siqasiqa vovo pado meqora kiolake.

Hiburu 11:27

Oqu kale inio Mosese ta o zolaike Ijipi peuru kale azo pui taka ṉalo kale vo Ijipi ala aikovakova ko korakorailo kale. Vota ota pataitake ako vota o veve jari vo mutamuta kala Baṉara sole.

Hiburu 11:39

Kiadama sea maba poso ta ke matu zolevake vo Baṉara ako seta kevai oquake vo sole. Melai seta pui kepa koe vo Baṉara o kasekema matuma quli,

1 Pita 1:1

Aṉa Pita lala, vo Jisu Karisito vo apositolo lala, ta a joroeka komia riki mekasi, vo Baṉara ko pitopito ama qoqono mela kasi meme vaekeni mela meko peuru poso, ni me birebireini mela Ponitasi rana ni Qelesia rana, ni Kapadosia rana ni Eisia rana ni Bitinia rana.

1 Pita 1:17

Ako so keru meme vararaita keru Baṉara kasi ta Mama inio va kimela. Ni nea Mama inio omadeuma podepodeti kale o titiziko ala animea kiada mela ko iruruputo. So sole komia puju ama taku meme elou keru komia miduku kale meta meda va paṉaovou vo.

1 Pita 2:11

A baerebaere poso, erisaṉa meta pui komia ruqe ama peuru ma peuru ko kunialea mela. So inio aṉata a mela zaivota me tu meda ka balauvou meko tupu kokai zariako ereko, ako komi quli ta ko kati kanaekimou sole meko auvana poso.

1 Jone 3:19

Ni koa tauvekinio kale inio animeta meqai nianiiovou ta animeta vo Baṉara ko tuveano mela. Ni kokale inio animeta me bataitou animeko kerukeru kale vo Baṉara kasi.