Hiburu 10:36 - BAṈARA KO VAIRU AMA LEVELEVEO

³⁶ Meta inobe emo inio meta me erekou vo Baṉara ko vatolo ni meta me qovou ko vo lula o mela inainaekako quli tu o katimelou me ka kiolako.

Hiburu 10:36 교차 참조

Matiu 10:22

kiadama maba poso ta ke melai kaikuapou, ako meta aṉa me luluelani mela sole. Melai vo o pizato ala, ti obeta barolo ala koa taku ko paitopaito kale, vo inio o pakiovou.

Matiu 12:50

Vo o ereko ala aṉavo aukale ala Mama okai zariako quli tu o ereko, vo inio aṉavo lasive ala visi ni reko ama visi ni aṉako niania,” kiolake vo Jisu.

Matiu 21:31

Sole lala pado nioqa tamania inio o zorikake nioqavo mama ko zario?” kiolake. Ni seta ke vati tiorikake ni eri kikelake, “Vo kaka kala meqora, vo o keveni iruruputole,” kikelake. Nio Jisu ta eri ma kiolake se, “Tuvevo. Sole tuvevo avole aṉata eri kiala mekasi, so inio se takisi ke koani ni seke sasave putani ta ke mela paloasa me seko amaqeo kale Baṉara ko lekasa puo kale.

Matiu 24:13

Melai vo o pizato ala, ti obeta barolo ala koa taku ko paitopaito kale, vo inio o pakiovou.

Matiu 7:21

“Pui sea kiadamu se eri la kikolani aṉata sevo Lekasa lala inio kepa amaqeovou vo Baṉara ko lekasa puo kale, melai seke erekani aṉavo aukale ala Mama oka zariako quli tu ke ereko inio ke amaqeovou sai.

Maka 3:35

Ni kala vo o ereko ala vo Baṉara oka zariani tu vota o ereko, vo inio aṉavo lasive ala visi, ni aṉako reko ama visi, ni aṉako niania,” kiolake vo Jisu.

Luke 21:19

Meta pizaka lojo emo meko oqu kale nio meta me qovou ko noqola kama saevo,” kiolake.

Luke 8:15

Ni koa rui koko piako uri ama miduku kale ta ko mamola puema sea poso seke viqani ko bazu ni ke uria tukiekani ko seko uri ama zoripato sama bulo kale, ni seta ke pataita seko oqu kale ti seta ke epamata,” kiolake.

Jone 7:17

Vo oka zariani ereko vo Baṉara oka zariako quli ta okai nianiiovou aṉako nianiiekato ta ko kuevako Baṉara kasi azo kio ma aṉata a qaseka a ṉaviko pizato kale pala kio.

Iruruputo 13:22

Ni vo Baṉara ta o saqorivake vo, ni vota aikovakova oma ivake vo Devita. Ni eri nio Baṉara kiovevo vokale avo: ‘Aṉata a vea vo Devita Jese vo meqora, soala maba jari ala inio aṉa ava zariani, voa maba vo o ereko ala kiadama quli aṉa a vati sorueko ama quli vo tu vota o erekou,’ kiolake.

Iruruputo 13:36

Ako Devita ta oka nabuluputake vo Baṉara ko vatolo o ṉaviko taku kale, ni koko tova vota ota vouvake, ni voko tupu ta ko mutaivake voko taite poso kasi, ni kota ko sapeake niami kale.

Romu 12:12

Meta zoleimo meko kai keru kale ko kilo ama saevo, ni kaitiziomo meko tapata keru, ni vararaitomo kiada keru.

Romu 12:2

Meta pui lulueko komia ruqe ama peuru ma peuru kale amu ko kalo, melai meta zarievomo vo Baṉara meko bulo kale tu vota vairu o imelou me meko saevo ni kerukeru kale. So inio meta me roveovou paqumuko vo Baṉara ko vatolo—koa uri ama ni zoleilo sama ni sidopu ama vokasi.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Romu 8:25

Melai animeta me zuatikou ko quli anime pui me qoako so inio pataitole me darekou ko.

1 Koriniti 13:7

Seke roquanani ta pataito samu kiada keru, ni seko oqu, keru ni nodenode ta pui zara ko evako.

Qelesia 6:9

So sole animeta pui me jairozo uri ereko, ako so inio animeta me qovou sole koko epa noqola kama, tutututuki ama taku kale. Sole animeta pui niaba me elo.

Epesasi 6:6

Ni meta pui me vilua nabuluputou so keru seke mela lea keru me pala. Melai meta tuvevo avole me zorimou se omadeuvo meta me zoriva jari vo Karisito. Ni meko pado ama bulo kale meta erekomo ko quli vo Baṉara oka zariako quli.

Kolosi 1:11

ni meta me bizatou Baṉara kale, koa pizato kale, koko kuevako voko ṉaṉaidara kama pizato kale, ni meta noqola ni vinavina me elou kiadama quli kale zoleilo sase.

Kolosi 3:24

Vo Lekasa Jisu Karisito ta reketekete saṉa o imelou me. So inio meta me qovou koa vikuvikula vo oma inainaekako voko maba madu. Ako Karisito inio vo tuvevo ala Lekasa vo me meva nabuluputani.

Kolosi 4:12

Epaparasi melai o mela soroeka voko roquano. Vota mata kala pado mekale ala ni vota kala pado Jisu Karisito ova nabuluputani. Vo inio o melati vararaitani me kiada keru voko bulo kale ama kora kale, o paseva vo Baṉara tu vota o pataitimelo ni o muqarimelo me, ni o melati vararaita me tu meta pui didoda me elou, melai me uria zorikou vo Baṉara ko vatolo.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

Hiburu 11:39

Kiadama sea maba poso ta ke matu zolevake vo Baṉara ako seta kevai oquake vo sole. Melai seta pui kepa koe vo Baṉara o kasekema matuma quli,

Hiburu 12:1

Sea matu kubo animeko taite poso se kekai bazuteni seko oqu ta inisiana animeko levoano kale, so sole animeta me ṉamukou kiadama quli koko tizaemelako anime, ni ko sarueko poso koko matu raitimelako anime, tu pataito kale animeta mebeta zomano animeko rereo kale ama voziekinio kale ko animeko kuleto ko inainaivako.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

Hiburu 6:12

Meta pui lupalupato melai meta seke kovo amu vo Baṉara oma inainaekako quli jaria noqola oqu emo.

Hiburu 6:15

Ebarahami ta inobea taruano o evake ni vota o koake vo Baṉara ova inainaekema quli tu o kativo vo.

Hiburu 6:17

So sole so keru Baṉara oka zariovi keru uria kasa pueko ko vota maba pui opa besiekou voko vatolo seke kovo amu kasi vo oma inainaekema tu ke kovo, vota o vaekake ko kejo voko leveleveo topi.

Hiburu 9:15

Sokale avo inio vo Karisito o lojoani Baṉara ni maba ko tiania, ta o ereka ko vairu ama leveleveo tu vo Baṉara o pitoemeni maba poso ta ke kovou koa uri ama quli vo Baṉara lula oma inainaekako tu o katimo se tu seta noqola ṉeamuko ke elou. Komi quli ta kota ereilou ako Karisito ko voukale se maba poso ta ke rupasiovi ruqe ama quli kale azo seke erekema seko lulueko kale kuleto ama leveleveo.

1 Pita 1:9

Ni meko zoleilo ko raki ta eri, meta me qoa meko oqu ko zuato, ko ikio meko pakio.

1 Jone 2:17

Ni komia peuru ma peuru ta kota ruvurou ni kiadama quli se maba poso kekai zariako komia peuru ma peuru kale melai kota ruvurou. Melai voa maba vo o ereko ala vo Baṉara okai zariani nio o saevou noqola kama saevo kale.

Kelokelozato 13:10

Vo ke rapevo ala, ta tuvevo avole vota ke rapevou, ni vo benisi kale ke vouvaevo ala, ta tuvevo avole vota ke vouvaevou benisi kale. So sole koa tapata ko melai barou keru vo Baṉara ko maba poso mela ta inobea pataitomo ni kerula emo.

Kelokelozato 14:12

So sole koa taku kale vo Baṉara ko maba poso mela ta inobea pataitomo, meme zorikani mela vo Baṉara ko bazu ni me kerula luluevo me evani mela vo Jisu.