Hiburu 10:25 - BAṈARA KO VAIRU AMA LEVELEVEO

²⁵ Animeta pui niaba me elou animeko omadeu padoilo ilusato kale azo, animeta pui lekuleku meqai elou ko, omadeuvo kake ke kavani jari, melai animeta me zuvarikiniou muli matuvole, ako animeta meqai nianiia vo animevo Lekasa ko vaito ko Ṉaniu ta lula sipole kio sole.

Hiburu 10:25 교차 참조

Matiu 10:15

Aṉata a bazuemela me, koa matuma ṉaniu titizato ko kale ta vo Baṉara ta o matu koqotaekou koa peuru kokai paloasou Sodomo ni Qomora peuru kale amu ke kovo ama koqotato.

Matiu 18:20

Ako sai kama zouke maba poso pala ke padoiloa koi aṉako ṉikale, melai aṉata a zomanou sekasi,” kiolake.

Jone 12:48

Melai vo olai kaikuapani aṉa ni vo pui o viqani aṉako bazubazu ta koa bazubazu ikio ko titizivou vo. Ako koa bazubazu aṉa a qasekako ta ko titizivou vo tovama ṉaniu kale sole.

Iruruputo 16:16

Ni omadeu ṉaniu kale eṉe ṉe qeve keru vararaito ko zaekale, eṉeta ṉe doraekake kama pado mabaku ama sinaqu rusu ziolo sama, koko roveako pidokiko koko ereilo ama quli. Koa iruruputo kale inio kota koma koake matu kubo takula koko lekasa poso.

Iruruputo 2:1

Ni so keru Penetikositi ṉojola ko ṉaniu ko baroake, nio kiadamu seke tuvevo puteni ta ke padoivake kala pado zaekale.

Iruruputo 2:42

Ni seta ke vinaitake se apositolo madu ko nianiiekato tama viqo kale kiada keru, ni kekai zomanake seko baerebaereo ko saevo, ni seta omadeu vuato ni vararaito ke evake.

Iruruputo 20:7

Ni Sarere ipu inio eṉeta ṉe badoivake tu ṉe ereko ko tabu ama sokesokeo. Ni Paula ta o bazubazuemake se maba poso ni vota pui o lalamatake bazubazuto ti kobeta baroake ipu tiania, ako koko raneo kale ta vota ota ziovou sole.

Romu 12:8

ma ṉota edolomu ko zuvarimo ko puaro saṉa ṉo elou ta ṉota ṉo zuvarimou se. Vo o puarikani edolomu kasi voko quli ta o puarikou zoleilo kale. Vo pizato sala ta o uria erekou voko koidi; ni vo o tauvezatani ta o tauvezatou zoleilo sase.

1 Koriniti 11:20

So keru meme badoiva keru kuole vo Lekasa Jisu ko vuato tu me qerukeruekou voko mela vou, ta meta maba pui me qerukerueka voko vou.

1 Koriniti 14:23

Ako kiadama lotu qoqono mela ta me badoilou ni mea kiada mela ta meqai pesio muli pui ko paqumuako pesio, ni kake seke vairua tuvevo putani maba poso ma kake se pui ke tuvevo putani ta ke amaqeovou sai, nio seta so mela kikevou, meta meda sarubeputa inio ko me.

1 Koriniti 14:3

Melai vo o kasekani vo Baṉara kasi azo ama bazu maba madu kekai nianiiako pesio kale ta o pesia maba poso kasi ni o katima ko tauvezato, ni zuvarato, ni patukato.

1 Koriniti 3:13

Ni kiadama maba poso ko iruruputo ko kalo ta ko keazailou so keru vo Karisito ko Ṉaniu kale kasa ko elou keru. Ako koa Ṉaniu kale ko uza ta ko madoekou koa iruruputo ko tuvevo ama epa ni koko male avo.

Pilipai 4:5

Ni meta kasa ikomo meko inobe ama kalo kiadamu kasi. Ako animevo Lekasa ta sipole ota vaitou sole.

1 Tesalonaika 4:18

So sole meta patukikiniomo me ṉavio kude komia bazu kale.

1 Tesalonaika 5:11

So sole meta zuvarikiniomo ni tauvekiniomo, so mebeta kavani komia taku kale.

Hiburu 10:24

Animeta me qerukeruekiniou, tu me dauvekiniou muli tu kasa me ikou ko roquano ni me erekou ko uri.

Hiburu 10:37

Meta soa saevo emo, ako Tabu ama Riki kale ta eri kikola vo Jisu kale avo sole, “Matu sipole inio vo o kilo ala ta o kilou; vota pui opa ubaitou.

Hiburu 13:22

A visi poso, aṉata a basemela me tu paṉao kale viqomo aṉako zuvarato sama bazu. Komia leta aṉa a rikiekako mekasi ta puju ama.

Hiburu 3:13

Melai meta pizatomo kokale azo tu puliala me azo ta ko lipaevou ko boutare, ni zokele bulo ko ivo, melai meta zuvarikiniomo muli kiadama ṉaniu, anime mebeta eva keru erisaṉa ko Tabu ama Riki kokai nokaekako “Vairutu”.

Jemisi 5:8

Meta omadeuvo soa inobea taruano emo. Meta pizatikomo meko bulo kale ama keru, ako vo Lekasa Jisu ko kilo ko ṉaniu ta sipole sole.

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

2 Pita 3:11

So inio kiadama quli ta kota ruvurou, so sole meta noni ama maba poso mela inio me elou? Meta me jaevou tabutabuo ko saevo kale ni meva iruruputou vo Baṉara.

2 Pita 3:14

So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

2 Pita 3:9

Sole pui kerukerueko ko vo Baṉara ta o ubaitani ereko voko leveleveo, kake kikelani jari. Ako pui so inio o kavani melai vota o vanonoriemela me, ako vota pui okai zaria tu kala ta o mumailou sole, melai vota okai zaria kiada mela ta me liliziovou meko ruqe kale azo sole.

Jiudi 1:19

Se inio sea maba poso seke erekani ko pitasio ko kalo, ni seke luluekani seko tupu kale ama zario poso, ni se pui ke ṉeamukani vo Baṉara ko Auvana.