Hiburu 10:20 - BAṈARA KO VAIRU AMA LEVELEVEO

²⁰ Jisu ta lula o mela veuke kama pado vaini ama keve saevo ko voko tupu siqasiqa iko kale. Sokale avo inio pulia quli ta kopa tizaemelou tu amaqeo vo Baṉara ko kuleto omadeuvo ko suma otu ko tizaeme jari sea maba poso, ko omuqa teze ko evema.

Hiburu 10:20 교차 참조

Matiu 27:51

Nio ko Jelepade kale ama suma otu ta omuqa teze kota evake, koko okate azo ko tanita ti ko raki kale. Ni ko miduku ta kota vezovezokatake, ni ripi ta kota potapotasiake,

Maka 15:38

Ni koa taku kale inio ko Jelepade kale ama suma otu ta omuqa teze kota evake, koko okate azo ko tanitake rotizio ti ko raki kale.

Jone 10:7

Sole Jisu ta mata eri kiolake, “Aṉata a bazuemela me tuvevo avole, aṉa inio ko sipi ko veutu lala.

Jone 10:9

Aṉata veutu lala. Voa maba o amaqeani aṉa kale ta o pakiovou, ni vota amaqeo ni saqoroa kovo o elou ko saevo ko sailao.

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

Epesasi 2:15

Ni se Jiu amu ko Bazu ta matu kubo koko silosilo ama bazu poso ni koko kalo poso. Melai vo Karisito inio o epezike ko, ako voko matuma zario ta okai zariake sole tu komia omuqa qoqono Jiu amu ni pui Jiu amu ta omadeu pado vairu ama qoqono qo elou Karisito kale. Ni komi kale inio vo Karisito ta o erekake ko bule anime Jiu amu ni pui Jiu amu mela ko tiania.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

Hiburu 6:19

Koa keru animeko ta animeko saevo poso ko titi. Kota vinavina ni tuvevo ama, kokale animeta me amaqea koa suma otu kale kude koa Matu Tabu ama Zae ko poro kale, sai Baṉara o evakoi.

Hiburu 9:3

Koa tepe pade ko poro kale ta inovoana mata kala pado lose suma otu ala koko poro kale vasia rana ko Matu Tabu ama Zae kekai nokaekako.

Hiburu 9:8

Kiadama ko quli kale Tabu ala Auvana ta uria kasa o mela ika anime ko anime mebeta ziovou lulueko ko tepe pade ko kalo tea, animeta pui nio me zarizia amaqeo ko Matu Tabu ama Zaekale, vo Baṉara ko tanama kale.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Jone 4:2

Ni eria kai nianiio nio me elou vo Baṉara vo Auvana inio o erekani koa bazu. Vo Jisu Karisito ta o saqore komia peuru ma peuru kale ni maba ota eve kio tuvevo o ivo ala auvana inio vo Baṉara vo Auvana.

2 Jone 1:7

Matu kubo lipalipa kama nianiiekato ko maba madu ta iniseana komia peuru ma peuru kale. Ni seta eri kikela, vo Jisu Karisito ta pui maba opa eve ni pui opa kuevi miduku kale koa voko maba elo kale kikela. Vo so kiolani ta lipalipa kala nianiiekato ko maba ni vo inio vo Karisito vo kana.