Hiburu 1:14 - BAṈARA KO VAIRU AMA LEVELEVEO

¹⁴ Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.

Hiburu 1:14 교차 참조

Matiu 1:20

So keru vo soa kerukeru obeta eva keru inio vo Baṉara vo mateana ta eri va kiolake voko uloi kale, “Ṉoela, Josepa, vo Devita ko vikuvikula kalea laṉa, ṉota pui ṉoda ka kaikuapou raeko ko Mere tu ṉoko reko kaqe. Ako vo Tabu ala Auvana ko naizato kale inio epia ko eva sole.

Matiu 13:41

Ni vo maba o eveni ta o soroemou voko mateana madu tu seta omadeu saqorimo kepa elou Baṉara ko lekasa puo kale azo, sea kiadamu seke zolizoliemani se maba poso tu ke sarueko ni mata sea kiadamu seke erekani ko ruqe ama quli,

Matiu 18:10

Nio vo Jisu ta mata eri kiolake sekasi, “Meta balauvomo ni pui zaraemo nia meqora poso jari amu, ako seta mateana samu sole aṉavo Mama kasi aukale, seke mati vailani.

Matiu 2:13

Lula se keta vaita saita inio kala pado vo Baṉara vo mateana ta o puratake Josepa kasi voko uloi kale ni eri kiolake, “Vo Herodi ta mainio opa vailivou voa meqora tu o vouvaevou vo. So sole toirate tu vati soqoi voa meqora ni voko niania Ijipi peuru kale, nio sai mebeta elou saita, ti kobeta barou so keru aṉa vaitomo mela kiavou keru koi Izireli.”

Matiu 24:31

Ni kala mateana ta o matu puzekou ko kuvili, ni aṉata a joroemou aṉako mateana madu komia peuru ma peuru kale, ni seta ke padoemou aṉako pitopito ama maba poso kiadama zaekale azo.”

Matiu 25:34

Ni aṉa voa Lekasa lala ta eri kiavou sea maba poso aṉako palo rana mu kasi, ‘Me inio aṉavo Mama mauru o imeloa mela, sole meta kuemo tu vo Baṉara inio o katimelou voko lekasa puo ko mauruto, ko o mela inainaekema puliako komia peuru ma peuru ereilo.

Matiu 4:11

So sole vo Setani ta o vaevake vo Jisu ni se mateana madu ta ke kuevake tauvevole vo.

Maka 10:17

Ni vo Jisu obe talio kiola keru, nio kala batiro ala maba ta o kuevake vokasi, ni o iqeiqeake voko tanama kale ni eri kiolake, “Uri ala tanala ṉa! Loma uri ama iruruputo a erekou nio a qovou ko noqola kama saevo?” kiolake.

Luke 1:19

Nio vo mateana ta o vati tiorikake vo, ni eri kiolake vokasi, “Aṉata Qebireli lala. Aṉata a lojoani lala vo Baṉara ko tanama kale, vo o soroelani lala tu aqai pesio ni a qaseko komia uri ama bazu ṉokasi.

Luke 1:23

Ni voko Jelepade kale ama nabulupute ko taku ko tova inio Zekaraia ta ota vaitake o ṉaviko pade kasi.

Luke 16:22

“Ni voa ozaoza kala maba ta ota vouvake ni se mateana madu ta ke borivake vo ni kepa papuevake Ebarahami ko papara aukale ama ṉojola kale. Ni vo batiro ala maba ta mata ota vouvake ni ke mutavake,

Luke 2:13

Ni ota podoloa koi inio matuma vaki au kalea mateana madu ta ke puratake voa mateana sate ni ke ilusivake vo Baṉara, ni eri kikelake,

Luke 2:9

Ni vo Baṉara vo mateana ta omai puratake se, ni vo Baṉara ko ṉaṉaidara ta komai laqatake se. Nio seta keta matu ṉake.

Iruruputo 11:22

Nio komia bazu ta kota ka baroake koko bazu Jerusalema ma lotu qoqono kasi, so sole saizamu ta ke soroevake vo Banabasi Anitioko peuru kale.

Iruruputo 12:23

Nio maba koa taku kale inio vo Baṉara vo mateana ta o pazovake ni o verepivake vo Herodi, ako vota ota va epoepoivake vo Baṉara ko ilusato sole. So sole vota loiloi ko vuake ni ota vouvake.

Iruruputo 12:7

Ni ota podoloa koi vo Baṉara vo mateana ta o lojoake sai, ni o zakaremu ta ko taloake koa lose kale. Ni vo mateana ta ota va tupiekake Pita ko ropa, ni o toirativake vo, ni eri kiolake, “Taukavole! Zolai!” kiolake. Ni koa seini ta kota rupasiake ni kota piake Pita ko ṉase topi azo.

Iruruputo 13:2

Ni so keru se kebe ilusiva keru vo Lekasa Jisu seko lotumato kale, ni kebeta tabutabua keru seko pui vuato kale, inio vo Tabu ala Auvana ta eri kiolake sekasi, “La edolikomo Banabasi ni Saula, tu nioqata qo ereko koa iruruputo ko lula aṉa aqai pitoekako nioqa,” kiolake vo Tabu ala Auvana.

Iruruputo 16:26

Ni ota podoloa koi matuma nunu ta ko nunuqataekake ko pirito pade ko vola ni kiadama koko tibulu ta kota ka veukaziake, ni koa pirito pade kale amu ko piri ta kota ma rupasiake.

Iruruputo 27:23

Ako raisi ipu kale ta kala pado vo Baṉara vo mateana ta o kuela ana kasi. Aṉata voa Baṉara vo nabulu lala ni a ilusivani lala vo.

Iruruputo 5:19

Melai koa ipu kale inio kala pado vo Baṉara vo mateana ta opa veukake koa pirito pade ko tibulu poso, ni o saqorimake se apositolo madu, ni eri kiolake sekasi,

Romu 11:14

Esa komi kale inio aṉata viluloqu saṉa a imou se Jiu amu a ṉavi kale amu, nio kake ta ke roveovou pakio.

Romu 13:6

Sokale avo inio mata meta me dabarika ko takisi kiada keru, ako sea raura kamu ta keva nabuluputani vo Baṉara so keru seke ereka keru seko iruruputo sole.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

Romu 15:27

Ke ṉaviko vatolo kale inio ke ereke ko; melai koko tuveano ta seko koidi ikio tu ke tauvemo se. Ako se Jiu amu ta lula ke puarike ko Auvana kale ama mauruto se pui Jiu amu kasi, so sole se pui Jiu amu ta ke male puariko ko lomaloma ko mauruto tu ke tauvemo se Jiu amu.

Romu 8:17

Animeta voko meqora poso mela, sole animeta me qovou koa mauruto ko lula vo o inainaekema voko maba madu kaqe, ni animeta me ṉeamukou vo Karisito sase ko quli ko lula vo ova inainaekema quli, ako animeta meqai zomana vo Karisito ko tola, sole animeta me zomanou voko ṉaṉaidara kale.

1 Koriniti 1:21

Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.

2 Koriniti 9:12

Ako komia roquano sama iruruputo ko meme erekako ta pui vo Baṉara ko maba poso ko tapata ko kiada ikio meba korotiko ama, melai meta me buratikou mata sea kubo maba poso ko uriavo sama vararaito vo Baṉara kasi.

Qelesia 3:29

Meta vo Karisito ko mela, sole mea kiada mela inio vo Ebarahami ko vikuvikula kalea mela. Ni mea kiada mela inio me qoani mela vo Baṉara ko sidopu puto, vo Baṉara leveleveo o ikema Ebarahami kasi.

Qelesia 3:7

So sole meta paqumukomo ta se oqu samu inio tuvevo amu vo Ebarahami ko vikuvikula madu.

Qelesia 3:9

Ni vo Ebarahami ta okai oqui koa bazu ni voko oqu kale inio vota mauru ota eve. Ni erisaṉa melai oqu samu inio mauru ke evani omadeuvo vo Ebarahami ta mauru o eve jari.

Epesasi 3:6

Ni komi kio koa mutamuta kama vatolo: se pui Jiu amu ta se Jiu mu sate amu vo Baṉara ko mauruto kale, ni sea kiadamu ta omadeuvo ko omadeuma tupu kale ama kata poso jari amu ni ke kovou koa omadeuma leveleveo vo Baṉara o erekema vo Jisu Karisito kale.

Pilipai 2:17

Ni meko tuvevo puevo vo Baṉara ta meko siqasiqa jari ko meme qativako vo Baṉara. Ni aṉata esa a vouvou ni aṉako vou ta mata kama pado katizato vo Baṉara kasi ko elou meko tuvevo puto ko siqasiqa ko topi tiniavo. So kobe kalou ma pui melai aṉata kolai sukatou ko zoleilo me sate.

Pilipai 2:25

Vo Epaparoditasi ta aṉavo visi Karisito kale. Vota o iruruputani ni o nabuluputani aṉa sase tu eqeta qeva pazokinio vo Karisito. Ni aṉata avai zariovi nio meta me joroeve tauvelole aṉa sole aṉata mata a vaitoeva mekasi.

2 Tesalonaika 1:7

ni vota o mela besitou meme niumaivani mela voko mamazo kale, ni so jari eṉe. Vota o erekou ko quli so keru vo Lekasa Jisu o puratou keru aukale azo voko piza kama mateana madu sase,

Taitasi 3:7

tu voko pakiezato sama roquano kale animeta sidopu me elou Baṉara ko kelokelozato kale ni animeta me ṉeamukou ko noqola kama saevo ko meqai zuatako.

Hiburu 10:11

Vo Jiu ala siama ta o ereka voko koidi poso kiadama ṉaniu poso, ni vota o ereka koa omadeuma siqasiqa poso kubo taku, melai koa siqasiqa poso ta maba pui ko roveako ṉamuko se maba poso ke erekako sarueko poso ko kuiripato.

Hiburu 2:3

So sole nonia soqoilo inio me elou anime pui me didiekou ni varokou ta koa raura kama pakiezato ko bazu? O ṉavi Lekasa Jisu inio kuleto o kasekeni koa pakiezato sole, ni se keta va viqeni vo ta ke vinaeke kaseko anime kasi ta kota tuvevo ama kio.

Hiburu 5:9

Baṉara ta lula o uria korotikake voko vatolo vokale kude saita inio vota sea kiadamu seke zoriveni vo ko noqola kama pakio ko raki o evake,

Hiburu 6:12

Meta pui lupalupato melai meta seke kovo amu vo Baṉara oma inainaekako quli jaria noqola oqu emo.

Hiburu 6:17

So sole so keru Baṉara oka zariovi keru uria kasa pueko ko vota maba pui opa besiekou voko vatolo seke kovo amu kasi vo oma inainaekema tu ke kovo, vota o vaekake ko kejo voko leveleveo topi.

Hiburu 8:6

Melai erisaṉa animeta me baqumuka vo Jisu o erekako iruruputo ta kokai paloasa sea siama madu ke erekako iruruputo kasi azo, omadeuvo jari vo Jisu o erekema leveleveo Baṉara ni maba ko tiania ta qulepo ama, ako koa leveleveo ta ko vinaiva rakimato qulepo ama quli kale sole, vo Baṉara o mela ereko kiolako.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

Jemisi 2:5

Lolo poso, me a roquemelani mela, meta viqomo! Vo Baṉara ta lula o pitoema se peuru ma peuru kale ama ozaoza kamu tu seta piza kama oqu saṉa ke elo ni jiku ke iko vo Baṉara oma inainaekako quli voko lekasa puo kale seke roquevani vo.

1 Pita 1:12

Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.

1 Pita 1:4

So sole animeta meqa zuata Baṉara ko mauruto o maba poso mela ko ka kiovema. Ni Baṉara ta obe kati vaila me kaqe komia mauruto aukale, ni kota pui kopa sapeovou ni pui kaqa kopa elou ni pui kopa taka besiziovou koko ileile.

1 Pita 3:7

Ni koa omadeuvo jari mea lasive poso mela ta me uria kerukeruemou ni omadeu elo me mati elou meko reko poso meko roroto ko saevo kale. Meta meda ma paṉaovou se, ako seta mekasi azo lekuleku amu sole. Melai Baṉara ta o katima se koa omadeuma leveleveo me o katimelako jari ama, tu se ni me ta me qovou koa tuvevo ama saevo paito pide ama voko roquano kale o puariko ama. Meta me erekou komi quli, so inio pulia quli ko tizaekou meko vararaito.

Jiudi 1:14

Inoke ta varimujala koilokoilo Adami ko vikuvikula kasi azo, vo matu lulavo o mati pidokikeni ko eri, “Keatini! Vo Baṉara ta o kilou kubo voko tabu ama mateana poso sase,

Kelokelozato 5:6

Nio aṉata a veake kala pado Sipi Meqora vo obeta lojoani papupapu ko tiania nio ko ariku saevoma biaṉa poso ni sea lekasa poso ta ke qoloevake vati lojolo vo. Voa Sipi Meqora ta lula ota vouvaini jaria velo ala inio. Vota sikeura sotasota kala ni sikeura vilu ala, ko ikio vo Baṉara ko sikeura auvana vo o soroekema pado ama peuru ma peuru kale.