Hiburu 1:1 - BAṈARA KO VAIRU AMA LEVELEVEO

¹ Lulavo, vo Baṉara ta o pesiovi kubo taku animeko taite poso kasi ni kubo keve kale se poropita madu kale kude,

Hiburu 1:1 교차 참조

Luke 1:55

Vota pui ukaka o eva kasa iko ko tauvezato sama roquano Ebarahami kasi ni kiadama voko vikuvikula madu kasi rineo rane!” kikolake ko Mere.

Luke 1:72

Vota so kiolake vota kasa o ikou ko tauvezato sama roquano animeko taite poso kasi, ni vota o erekou ko quli voko tabu ama leveleveo kale Ebarahami kasi o kasekema quli.

Luke 24:27

Nio Jisu ta oka zakaremu puekake nioqa Tabu ama Riki kikovevo vokale avo, Mosese o rikiekema buka poso kasi azo ti kiadama poropita madu ko riki poso kasi.

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Jone 16:13

Melai so keru vo Tabu ala Auvana o kilou keru, vo kasa o ikani vo Baṉara ko tuveano, vota kasa o mela ikou me koa kiadama tuveano. Vota pui opa pesiovou o ṉaviko vatolo kale, melai vota okai pesiovou ko quli o viqako quli Baṉara kasi, ni vota o melai bazuekou me koko kilo ama quli.

Jone 7:22

Melai ko aṉa Sabati ṉaniu kale aqai erekani ko ta eri nio: Mosese ta o bazuemele me tu meta me movemo meko lasive meqora poso, (melai kota pui Mosese ko, melai kota meko kuleto ama taite poso ke taniekema ikio) ni Sokale inio meta me moveva kala lasive meqora Sabati ṉaniu kale melai.

Jone 9:29

Eṉeta ṉeqai nianiia ta vo Baṉara ta o pesiovi Mosese kasi, melai voa maba ta eṉeta pui ṉeqai nianiia sai vo o kuevikoi kazo!” kikelake.

Iruruputo 13:32

Ni eqeta koi tu qe kati kilo ko Uri ama Bazu mekasi, ko eri, ko quli vo Baṉara leveleveo oma kasekema quli animeko taite poso tu o erekou, erisaṉa vota lula o ereka anime kasi, seko vikuvikula mela kasi, vo Jisu ko saevivo voukale azo ama. Omadeuvo ko lula ko rikiziovima Devita ko kera omuqa kale jari, ‘Ṉota aṉavo Meqora ṉa; vairutu aṉata a bazueṉa ṉo, ta aṉata ṉovo Mama lala,’ kiolake.

Iruruputo 2:30

Melai vota kala poropita ni vota okai nianiiovi vo Baṉara o vati korotikema quli: Baṉara ta o erekake ko matu piza kama leveleveo tu vota aikovakova o ivou kala pado maba Devita ko vikuvikula kale ala Devita o evevoa lekasa puo jari.

Iruruputo 28:23

So sole seta ke takumukake ko ṉaniu Paula sate, ni matuma vaki ta ke kuevake koa ṉaniu kale sai vo Paula o evakoi. Nio vikale azo ti kobeta baroake ipu kale vota zakaremu omai ikake vo Baṉara ko lekasa puo voko bazubazu kale, ni vota matuma pesipesi o mati erekake se voko zakaremu pueko kale Mosese ko Bazu ni poropita madu ko riki ko kasekako quli, tu tuvevo ke ivo vo Jisu.

Iruruputo 3:21

Vota obeta elou aukale ti kobeta barolou kiadama quli vaini ko elou keru omadeuvo vo Baṉara kiovevo jari voko tabu ama poropita madu kasi se lulavo ke eveni.

Hiburu 11:18

Baṉara ta lula eri kiove vokasi, “Vo Aisake kale kude inio ṉota ṉo ṉeamukou koa vikuvikula ko lula aṉa aṉa kasekema tu a qatiṉou ṉo,” kiolake.

Hiburu 11:2

Ako oqu kale inio lulavo se lulamu ta ke zoleve vo Baṉara.

Hiburu 12:25

So sole meta balauvomo tu pui tava lupao viqo vo o pesiani mekasi. Ako sea maba poso se lulavo keta va lupaovini viqo vo okai pesiovini komia peuru ma peuru kale ko balauvimema bazu ta pui kepa taka soqoi. Sokale avo inio anime me viqani mela vo aukale azo o pesiani ta meda ka lupaovou viqo voko pesio, ta maba pui meba taka soqoilou.

Hiburu 2:2

Koa bazu mateana poso kuevima animeko taite poso kasi ta tuvevo ama, ni voa maba vo pui opa luluekeni ma opa zorikeni ko ta o koe ko koqotato ko vaitotola.

Hiburu 2:3

So sole nonia soqoilo inio me elou anime pui me didiekou ni varokou ta koa raura kama pakiezato ko bazu? O ṉavi Lekasa Jisu inio kuleto o kasekeni koa pakiezato sole, ni se keta va viqeni vo ta ke vinaeke kaseko anime kasi ta kota tuvevo ama kio.

Hiburu 3:5

Mosese ta kerula kala nabulu o eve Baṉara ko qoqono kasi voko mai bazueko kale se maba poso ko quli Baṉara o kaseko ama quli.

Hiburu 4:8

Josua ta lula o katime sea maba poso koa mamazo vo Baṉara o kasekema tea, so keru o mati taliovi keru se, vo Baṉara ta pui nio opa kaseko mata kama pado ṉaniu.

Hiburu 5:5

So jari nio vo Karisito ta pui opa pitoi o ṉavi tu vota raura o elo ni ṉisa siama o elo. Melai vo Baṉara va kiovevo ta eri, “Ṉota aṉavo Meqora ṉa, vairutu aṉata a bazueṉa ṉo, ta aṉata ṉovo Mama lala.”

Hiburu 9:19

Mosese ta omai bazuekake se maba poso kiadama bazu poso Baṉara ko Bazu kale ko evako. Saita inio vota o koake ko vairu ama bulumakau ni qouti ko dara, ni o valuvaluekake ju sate ni vota o koake kama pado seulele papapapa ko kata, hisopi kekai nokaekako, ni o nasoekake ko diri ama sipi ko tou, ni vota o duluekake koa dara kale ni o pirupusaekake Bazu ko buka topi ni so jari kiadama maba poso topi.