Epesasi 6:9 - BAṈARA KO VAIRU AMA LEVELEVEO

⁹ Ni me lekasa poso mela melai uri erekomo meko mabaku poso kasi. Ni pui me qasekou ṉavaṉavala kama quli sekasi tu me ṉavaemo se. Ako se ni mevo Lekasa ta inevoana aukale sole ni voa Lekasa ta omadeu titizimelo o elou animea kiada mela sole.

Epesasi 6:9 교차 참조

Matiu 22:10

Nio sea nabulu madu ta ke olake matu peuru ko keve tona ni ke odiemake kiadama maba madu sai ke meani, uri amu ni ruqe amu, ni koa rorotato ko bau vuato kekai ereivake pade ta kota sukatake ko maba.

Matiu 22:8

Ni vota o nokaemake mata kake voko nabulu madu, ni eri kiolake sekasi, ‘Aṉata lula a inainaeka ko rorotato ko ṉojola, melai sea maba madu aṉa lula a daipazimalani ta ruqe amu sole pui ke kueva.

Matiu 24:48

Melai vota ruqe ala nabulu o elou ni vota eri kiovou o ṉaviko bulo kale, ‘Aṉavo lekasa ta pui taukavole opa vaito ala inio,’ kiovou,

Matiu 24:51

Ni vovo lekasa ta matuma koqotato o kativou tu vota okai zomanou se kekai lipalipaitani ko sidopu ke kovo ama koqotato. Nio sai nio seke zialoa koi ni taka ke roinaroinaekoa koi,” kiolake vo Jisu.

Matiu 7:12

“Meta uri erekomo se edolomu kasi, omadeuvo me meqa zariani jari tu seta ke erekou ko uri mekasi, ako ko ikio vo Mosese ko Bazu ni se poropita madu ko nianiiekato ko omele ama kio ni kalo ko kasekako sole.

Luke 6:31

Sole meta uri erekomo se edolomu kasi omadeuvo me meqa zariani jari tu seta ke erekou ko uri mekasi.

Jone 13:13

Meta Titisa ni Lekasa la kimela aṉa, ni kota tuvevo ko so me kimelani, ako so inio ko aṉa.

Iruruputo 10:34

Nio vo Pita ta o taniekake pesio ni eri kiolake: “Erisaṉa aṉata abe paqumuka ta tuvevo avole vo Baṉara ta pui o roqueṉelani eṉe Jiua ṉela ṉe qiada melai vota ijatinia baisemelo o evani eṉe ni me pui Jiu amu mela.

Romu 2:11

Ako vo Baṉara ta o titizimela animea kiada mela koa omadeuma titizato kale sole.

1 Koriniti 1:2

mea Baṉara ko lotu qoqono me Koriniti peuru kale me evani mela kasi, mea kiada mela meko omadeu vati elo vo Karisito kale lula Baṉara ko tabu ama maba poso me evani mela, omadeuvo sea kiadamu komia peuru ma peuru kale amu seke ilusivani vo Jisu Karisito, animea kiada mela vo Lekasa.

1 Koriniti 7:22

Ako kala mabaku vo Lekasa Jisu lula o nokaevani ta kala ruparupasi ala vo Lekasa vo maba, ni so jari nio vo ruparupasi ala maba vo Karisito lula o nokaevani ta vovo mabaku.

Kolosi 3:25

Se ruqe ke erekani ta keta ka kovou seke erekako quli ko vaitotola, ako vo Baṉara ta o titizimou kiadama maba poso koa omadeu podepodeti sama titizato kale sole.

Kolosi 4:1

Ni me lekasa poso mela, meta sidopu emo ni ijatinia mati vailo emo meko mabaku poso, ako me melai meta kala Lekasa samela aukale sole.

Jemisi 2:13

Ako vo Baṉara ta pui opa katimou ko akoekato sama roquano voko titizimo keru, se pui ke katimani ko akoekato sama roquano edolomu, melai seke katimani ko akoekato sama roquano edolomu ta pui opa titizimou vo Baṉara.

Jemisi 2:8

Meta me zorikou tuvevo avole vo Baṉara ko lekasa puo ko bazu, koko kaseivako Tabu ama Riki kale, ko eri, “Meta roquemomo kiadamu omadeuvo me ṉavi me roquiva jari,” ko ikio ko sidopu ko ereko.

Jemisi 5:4

Meta pui me dabarima seke iruruputani maba poso meko kiaro kale. Viqomo seko ṉuruṉuruo! Seke padoekani ko epa poso meko kiaro kale ko zialo ta lula o viqa vo Piza kala Baṉara.