Epesasi 6:19 - BAṈARA KO VAIRU AMA LEVELEVEO

¹⁹ Ni so jari meta me lati vararaitou aṉa, tu vo Baṉara ta o katilou aṉa ko quli aṉa a qaseko ama quli so keru a besiovou keru, tu aṉata parani putole kasa a ikou koa Uri ama Bazu ko tuveano kuleto mutamutale ko evema.

Epesasi 6:19 교차 참조

Iruruputo 13:46

Melai Paula ni Banabasi ta matu parani putole qo pesiake ni eri kiqolake, “Ko male ikio tu mekasi nio kuleto ko kaseilo vo Baṉara ko bazu, melai meta meda ka lupaova viqo ko ti lula kuiripato saṉa meda eva me ṉavi ni pui me malezika ko noqola kama saevo, so sole eqeta qe vaemelou me ni qeta ziovou pui Jiu amu kasi.

Iruruputo 14:3

Ni omuqa apositolo ta matu tu keu elo qota evake sai, ni nioqata parani putole qovai bazubazutake vo Lekasa Jisu, vo oka tuvevo puekeni nioqako bazubazuto kale voko pakiezato sama roquano voko katiko kale nioqa ko pizato tu qo ereko aqasiele ama iruruputo.

Iruruputo 18:26

Ni Apolosi ta parani putole o bazubazutake se Jiu amu ko ilusato ko pade Ni Pirisila ni Akuila ta qota va viqake voko bazubazuto, Saita inio nioqata qo odievake vo ni qo vati olake nioqako pade kasi ni nioqata sidopua zakaremu pueko qovai evake vo Baṉara ko keve.

Iruruputo 19:8

Ni vo Paula ta o amaqeake mati se Jiu amu ko ilusato ko pade kale ni zouke kaboso vota parani putole o bazubazutake sai ke ilusatani maba poso kasi. Vota omai titiake se ni o madoekake mai nianiiekiko vo Baṉara ko lekasa puo.

Iruruputo 2:4

Nio sea kiadamu ta omai sukatake Tabu ala Auvana, ni seta ke tanitake kai pesio edoedoloma pesio poso, voa Tabu ala Auvana ko ikirimo kale.

Iruruputo 28:31

Ni vota okai bazubazutake vo Baṉara ko lekasa puo ni vota omai nianiiekivake vo Lekasa Jisu Karisito Vota parani putole ovai bazutake vo, ni puliala ta o tauroevake vo.

Iruruputo 4:13

Nio sea Jiu ama tanatanamu ta aqasiele kekai evake ko Pita ni Jone ko parani puto sama pesio ako seta ke paqumukake ta nioqata kama peuru kale ama maba kidi ni puliama uri ama nianiio sikulu kale ama sanioqa sole. Ni seta ke nianiiekake nioqa ta nioqata Jisu qo lulueveni nioqa.

Iruruputo 4:29

Ni erisaṉa Baṉara tama kea seke erekako ṉavaṉavato sama kalo, ni bokeriṉela eṉe ṉoko nabulu poso ṉela tu parani putole ṉeqai bazuto ṉoko bazu.

Iruruputo 4:31

Ni so keru seke paika keru vararaito, koa zae seke kai padoivake ta kota nuvinuvitake. Ni vo Tabu ala Auvana ko pizato ta komai sukatake sea kiadamu ni seta ke taniekake kai bazubazuto vo Baṉara ko bazubazu parani putole.

Iruruputo 9:27

Sai nio vo Banabasi ta vovo tauvezato o evake ni vota o vati olake vo se apositolo madu kasi. Ni vota oma zakaremu puekake vo Saula ko lula velo vo Lekasa keve tona ni vo Lekasa ko lula vati pesio vo kio. Ni so jari vota omai bazuekake se vo Saula ko parani putole vai bazubazuto vo Jisu Damasikasi peuru kale.

Iruruputo 9:29

Ni so jari vota o mati zolizoliekiniake se Jiu amu Quriki pesiomu, melai seta ke madoekake tu ke vouvaevo vo kikelake.

Romu 15:30

Aṉata a matu pasemela me a visi poso mela, vo animevo Lekasa Jisu Karisito kale ni vo Tabu ala Auvana o puarikake roquano kale, tu meta matu tauvelomo aṉa ni lati zomanomo vararaito vo Baṉara kasi.

Romu 16:25

Animeta ṉaṉaidara me ivo vo Baṉara! Vo inio o pizatimelani me meko oqu kale, vo Jisu Karisito Uri ama Bazu kale, ko aṉa aqai bazubazutako. Matu lulavo azo rosi ama taku kale inio kota mutai koa Bazu,

1 Koriniti 1:5

Ako meko omadeu elo vo Karisito kale ta meta lula roverovea mela kiadama quli kale sole, kiadama meko pesio kale, ni kiadama meko nianiio kale.

1 Koriniti 2:7

Koa bazu aṉa a qasekako ta o ṉavi Baṉara kasi azo ama bazu kio. Kota lula mutamuta kama, melai vo Baṉara ta lula o vatoeke korotiko puliako peuru ma peuru ereilo tu o katimelo anime aqasiele ama quli.

1 Koriniti 4:1

So sole meta kerukerueṉelomo eṉe apositolo madu ṉela ta vo Karisito nabulu ṉela pala, voko tauvezato ṉela vo o ṉelai keruani ṉela tu ṉeqai bazubazuto ko omele ama tuveano Baṉara ko.

2 Koriniti 1:11

Me melai tauveṉelomo eṉe meko vararaito kale. So inio koa kubo vararaito koko kaseṉelako eṉe ta ko puratikou vo Baṉara ko mauru iṉelo eṉe, ni kubo maba madu ta ke kativou ko uriavo voko mauru iṉelo eṉe kale avo.

2 Koriniti 3:12

Ko ikio eṉe ṉeqai keruako leveleveo, ni Sokale avole inio eṉeta matu parani putole ṉeqai bazuta.

2 Koriniti 6:11

A baerebaere poso mela, me Koriniti peuru kale me evani mela, eṉeta pui ṉeda mela daipaeka kama quli mekasi, melai eṉeta ṉe matu roquemela me.

2 Koriniti 7:4

Aṉata tuvevo a imela me, ni a rauraivani lala mekale avo. Kiadama eṉeko tapata poso kale aṉata zuvazuvaria lala; ni aṉata a dalia zoleilo sase.

2 Koriniti 8:7

Meta matu batiroa mela kiadama quli kale, meko matuma oqu kale, meko roverove ama pesio kale, ni meko matuma nianiio kale, meko matuma dikidauputo kale ni meko matuma roqueṉelo kale eṉe. So sole eṉeta ṉe mela zaria me tu meta mata matu puaropuaro emo komia roquano sama iruruputo kale.

Epesasi 1:9

vo Baṉara ta kasa o mela ike voko mutamuta kama vatovatolo, ako so inio vo okai zariani sole, ni vota o mela vatoeke tu o ereko vo Karisito kale.

Epesasi 3:9

Ni vo Baṉara inio o katile aṉa komia iruruputo tu aṉata amai bazuekou kiadama maba madu vo Baṉara ko vatolo ko kavani. Koa mutamuta kama vatolo ta o mutake vo Baṉara koko tanitanila keru azo, vo o erekeni au ni miduku.

Kolosi 2:2

Sokale avo inio aṉata so a qava tu meko bulo poso ta ko zuvariovou, ni meta omadeu me elou roquano kale, tu meta me uria paqumukou ko meme duvevo puekako quli. So inio meta mevai nianiiovou vo Baṉara ko mutamuta kale ama kerukeru kale o eveni, vo erisaṉa Baṉara kasa o ivani, vo inio vo Jisu Karisito.

Kolosi 4:3

Ni vararaitomo tu vo Baṉara ta o tauveqelo eqe, tu vota o katiqelo eqe uri ama bazubazuto ko taku tu eqeta qekai bazubazuto vo Karisito lulavo mutamuta kale ko evema. Koa bazu kai bazubazuto kale inio aṉata abeta eva erisaṉa pirito pade kale.

1 Tesalonaika 2:2

Meta meqai nianiia ko eṉeko niumaniumaeṉelo ni naqueṉelo Pilipai peuru kale puliako eṉe kilo sai mekasi Tesalonaika peuru kale. Ni sai meko peuru kale melai kubo maba poso ta ke kanaekiṉele eṉe, melai vo animevo Baṉara ta o parani pueṉelake eṉe ni eṉeta ṉe melai bazuekake me koa Uri ama Bazu koko kuevako vokasi azo.

1 Tesalonaika 5:25

Eṉeko visi poso ni kaka poso mela, meta ṉelati vararaitomo eṉe.

2 Tesalonaika 3:1

Ni eṉeko kaka ni visi poso mela, meta mata ṉelati vararaitomo eṉe, inio animevo Lekasa ko bazu ta ko aerou tu kota raura ko elou koko kovo kale, omadeuvo koko kavani me tona jari.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

Pilimone 1:22

Ni mata kama pado quli, ṉota la inainaeva aṉa kala pado lose, ako aṉata aqai kerua ta vo Baṉara ta o opatikou kiadama meko vararaito tu aṉata a vaito mekasi.

Hiburu 13:18

Meta pui lalamato vararaito kale tauveṉelo eṉe, ako eṉeta ṉe baqumuka ta pulia quli ko ṉelai loqaiva eṉe sole, ako eṉeta ṉeqa zaria ereko ko uri kiadama taku keru sole.