18 Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.
Ni vota mata eri ma kiolake, “Meta vailomo ni vararaitomo nio meta pui me amaqeovou zolizolito kale. Ako meta meqai zaria ereko ko sidopu, melai meta lekuleku ama maba poso mela.”
So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.
Lemeki ta Metiusela vo meqora, Metiusela ta Inoke vo meqora, Inoke ta Jaredi vo meqora, Jaredi ta Mahalalieli vo meqora, Mahalalieli ta Kenani vo meqora,
Vota kala vararaito ko maba; vo ni voko pado ama saidi ta ke ilusivani vo Baṉara. Vo melai o matu tauvemani se Jiu ama ozaoza kama maba poso, ni vo pui o lalamatani vararaito Baṉara kasi.
Ako koa Auvana vo Baṉara lula o puarikema mekasi ta pui ṉalo ko mabaku ko imela, melai kota o ṉavi Baṉara ko meqora poso ko imela me, ni koa Auvana ko pizato kale inio animeta mevai zaivota vo Baṉara ni eri kimela, “Mama, a Mama!” kimela.
Ni meta vo Baṉara ko meqora poso mela. Sokale avo inio vo Baṉara ta o soroeke vovo Meqora ko Auvana animeko bulo poso kale. Ni voa Tabu ala Auvana kale inio meta eri kimela meko bulo ko vualavuala kale, “Mama, aṉavo Mama ṉa!” kimela.
Ni so inio vo Karisito kale inio me pui Jiu amu mela ta omadeu orumuilo meda eva se Jiu amu sate. Ni meta me orumuiva tu kala pade jari me elo sai vo Baṉara o evakoi voko Auvana kale.
Ni aṉata a vararaita tu me ni mata sea kiadamu vo Baṉara ko maba madu ta me qovou ko pizato tu meqai nianiiovou vo Karisito ko matu aqasiele ama ni palopaloasi ama roquano.
Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.
Ni so jari meta me lati vararaitou aṉa, tu vo Baṉara ta o katilou aṉa ko quli aṉa a qaseko ama quli so keru a besiovou keru, tu aṉata parani putole kasa a ikou koa Uri ama Bazu ko tuveano kuleto mutamutale ko evema.
Ni meta pui tiṉoliṉoli ka elo kama quli, melai kiadama meko vararaito kale meta pasekomo vo Baṉara kasi ko quli me meqai zariovo ama quli meko uriavo sama bulo sate.
Komi ta aṉako matu kuleto ama bazu mekasi, ko eri, meta erekomo ko tauvezato ko vararaito, paseto, ni uriavo ko vararaito Baṉara kasi tu me mati vararaitou sea kiadama maba poso;
Aṉata a ilusiva vo Baṉara, vo aṉa ni aṉako taite poso ṉeva nabuluputani eṉeko uri ama vatolo kale. Aṉata a ilusiva vo kiada keru a qerukerueṉa keru ṉo aṉako vararaito kale ipu ni ṉaniu.
So keru Jisu obeta saeve keru miduku kale vota o ereke voko paseto sama vararaito matuma kora kale ni deumu sase Baṉara kasi, tu vota o pakievo vo voukale azo. Baṉara ta ota va viqake voko vararaito ako vota o zarazaraivani ni ota va panaovani vo Baṉara sole.
