Epesasi 6:12 - BAṈARA KO VAIRU AMA LEVELEVEO

¹² Ako anime me qati pazokiniako ta pui tupu kale ama sole, melai anime me qati pazokiniako ta vo Setani ko ruqe ama lekasa puo kale ama ziolo aukale ko evako, komia kutumana kama peuru ma peuru kale ko lekasa puako ruqe ama pizato poso.

Epesasi 6:12 교차 참조

Matiu 16:17

Nio Jisu ta o vati tiorikake vo Saimone ni eri kiolake, “Matu uri ṉo kiṉolani, Saimone, Jone vo meqora ṉa. Komia tuveano ta pui maba kasi azo ko kuevako, melai kota aṉavo Mama aukale ala o katiṉako ṉo,” kiolake vo Jisu.

Maka 4:19

melai seko riteraite kai elo komia miduku kale ama saevo ni seko roqueko ko batiro ni edoloma quli kai zario ta ko pirieka koa bazu omadeuvo rikosasana ta ko pirieka ko sisu jari, so sole koa bazubazu ta pui ko rovea qotupo ni pui ko epamata seko saevo kale.

Luke 13:24

“Meta matu madoekomo tu kai amaqeomo ko riro ama veutu, koko odiemelo ama me noqola kama saevo kale, ako kubo maba madu ta tuvevo ke madoekou tu amaqeo sai, melai seta pui kepa roveovou.

Luke 22:53

Aṉa inio abeta evani lala kiadama ṉaniu poso me sase Jelepade kale, ta pui me noqoela sai. Melai komi kio meko taku meqai iruruputako, ni kota ko kutumana ko pizato ko taku,” ma kiolake.

Jone 12:31

Erisaṉa ta komia peuru ma peuru ko titizato ko taku ni erisaṉa komia peuru ma peuru ko lekasa Setani ta o ṉamuilou.

Jone 14:30

Erisaṉa azo aṉata pui matu kubo quli mata aba kasekou mekasi, ako vo Setani vo peuru ma peuru ko kutumana kale ala lekasa ta obeta kueva sole. Vota maba pui opa roveovou koqotaelo aṉa,

Jone 16:11

Ni seta ke saruiva kerukerueko ko seta pui kepa kovou ko titizato kio, ako komia ruqe ama peuru ma peuru kale amu vo lekasa, vo Setani, ta lula ota titizia sole.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Romu 8:38

Ako ko aṉa tuvevo a ikako quli ta pulia quli ta kopa pitasimelou anime voko roquano kasi azo, kota pui vou, ni pui saevo, ni pui mateana madu ni pui auvana lekasa poso ni pizato poso, pui komia taku kale ko ereivako quli ni pui koko kilo ama taku kale ko ereilo ama quli,

1 Koriniti 15:50

Ko aṉa so ka kialako, a qaka ni visi poso, ta animeko marabau ni dara kale ama tupu ta kota sapeovou ni kota pui kopa roveovou kai zomano vo Baṉara ko lekasa puo kale, ko paito pide ama.

2 Koriniti 11:14

Zio, pui aqasiele ama quli! Ako o ṉavi vo Setani ta o roveani edolovo elo tu kala zakaremu ko mateana jaria velo o elo!

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

Qelesia 1:16

tu kasa ola ivo vovo Meqora, tu aṉata aqai bazubazutou voko Uri ama Bazu se pui Jiu amu kasi. Melai aṉata puliala maba kasi azo aba koe ko tauvezato sama nianiiekato.

Epesasi 1:21

Ni vota raura o ivake vo kiadama mateana madu kasi azo, ni ko lekasa puako ziolo kasi azo, ni kiadama koko lekasa puako pizato poso ni seke lekasa puani maba madu kasi azo, ni kiadama piza kama ṉi kasi azo, komia peuru ma peuru kale ti kobeta barolou komi ko kuevako peuru ma peuru kale.

Epesasi 1:3

So sole animeta me ilusivo vo Baṉara, animevo Lekasa Jisu Karisito vo Mama, ako animeko omadeu vati elo vo Karisito kale inio vo Baṉara ta o katimele sole animeko auvana kale kiadama mauruto aukale azo ama.

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

Epesasi 3:10

Ako voko zario ta erisaṉa pado inio kiadama mateana madu ni kiadama ko lekasa puako ziolo poso ta melou vo Jisu ko lotu qoqono, nio kekai nianiiovou vo Baṉara ko nianiio kiadama quli kale.

Kolosi 1:13

Baṉara ta o pakiemele anime kutumana ko pizato kale azo ni o amaqimele anime vo o matu roquevani Meqora ko lekasa puo kale,

Kolosi 2:15

Koa korosi topi Karisito ta o koqotaekake kiadama ziolo poso ko pizato. Vota uria zakaremu oma ikake se maba poso vo inio vo raura kala, vo o koqotaekani ko ziolo poso.

2 Timoti 2:5

Mata animeta meqai nianiia kala maba vo oka rereani ko voziekinio ta pui o rovea kovo ko mamola voko pui zoriko kale voziekinio ko bazu poso.

Hiburu 12:1

Sea matu kubo animeko taite poso se kekai bazuteni seko oqu ta inisiana animeko levoano kale, so sole animeta me ṉamukou kiadama quli koko tizaemelako anime, ni ko sarueko poso koko matu raitimelako anime, tu pataito kale animeta mebeta zomano animeko rereo kale ama voziekinio kale ko animeko kuleto ko inainaivako.

Hiburu 12:4

Meko kati pazokinio tu tizaeko ko sarueko ta pui nio ko kati ijatinia puekinia tu meta meqai vou.

1 Pita 3:22

ni vota ota koivi aukale ni vota vovo Mama ko palo rana o eva. Ni sai nio vota oma lekasa pua aukale ama mateana madu ni kiadama pizato sama auvana poso.