Epesasi 5:8 - BAṈARA KO VAIRU AMA LEVELEVEO

^8-9 Ako koko paloasako taku kale meta kutumana kamela, melai erisaṉa meta animevo Lekasa ko zakaremu kalea mela. Ako ko zakaremu ikio ko kati kuevi sole kiadama uri ama ni sidopu ama ni tuveano sama kalo. So sole meta saevomo se zakaremu ko maba poso ko malezikako saevo kale.

Epesasi 5:8 교차 참조

Matiu 3:8

Meta erekomo ko quli ko kasa ko iko ama ko meta lula meda lilizia meko sarueko poso kale azo kikovo ama quli, saita inio me qilou ni bapitaiso me elou.

Matiu 4:16

Meme jaevani mela kutumana kale ta me qelou ko aqasiele ama zakaremu, me mebeta evani mela vou ko kutumana kale ko melai talolou ko zakaremu,” ka kiovema.

Luke 1:79

ni vota omai talou kiadamu seke evani vou ko kutumana kale ni vou ko ṉalo kale tu vota o odiemelo kiadama animeko tamuto poso kale bule ama keve tona,” kiolake vo Zekaraia.

Luke 16:8

“Ni koa kalo vo o erekako kale avo inio vo lekasa ta o rauraevake voa lipalipa kala vailo ko maba voko roverove ama kalo kale. Aṉata aqai bazubazuta ko quli ako komia ruqe ama peuru ma peuru kale ama maba poso ta roverove amu ni kemai paloasa se Baṉara ko zakaremu kale ke evani seko korotiko kale ke ṉaviko uri sole.”

Jone 1:9

Voa Bazu ta tuvevo ala zakaremu, ni vota o kuevi peuru ma peuru kale, ni vota omai taloake kiadama maba poso.

Jone 12:35

Nio Jisu ta o opatake ni eri kiolake, “Zakaremu ta ko elou mekasi kama puju ama taku, so sole koa zakaremu palate, meta talimo zakaremu kale, tu ko ipu ta pui ko melai barolou me. Ako vo o taliani kutumana kale ta pui okai nianiia sai vo o ziovoa koi sole.

Jone 12:36

Ko zakaremu mekasi palate, meta tuvevo puekomo koa zakaremu, tu meta zakaremu ko maba mela me elou,” kiolake. Nio Jisu ko so kio ko tova inio vota ota olake edolokoi ni vota ota daipaivake sekasi azo.

Jone 12:46

Aṉata a queva peuru ma peuru ko zakaremu jari, tu vo o tuvevo puelo ala aṉa ta pui opa elou kutumana kale.

Jone 8:12

Ni Jisu ta mata eri kiolake sea maba madu kasi, “Aṉata peuru ma peuru ko zakaremu lala. Vo o luluelo ala aṉa ta o ṉeamukou ko saevo ko zakaremu ni vota pui opa taliovou kutumana kale,” kiolake.

Iruruputo 17:30

Baṉara ta okai azopike voko vilu koa taku so keru se maba poso pui kepa vai nianiiovi keru vo, melai erisaṉa vota o bazuema se kiadama zae poso kale tu seta ke lilizio seko ruqe ama keve kale azo sidopu ama keve tona.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Romu 1:21

Seta kevai nianiia vo Baṉara, melai seta pui ke rauraeva vo ni ke ilusiva vo voko malezivako raurailo kale, ako ko utube ama kerukeru poso ta niuniala ni kutumana kota ma ika seko bulo poso sole.

Romu 13:12

Ko ipu ta sipole kota paloasou, ni vo ṉaniu ta matu sipole erisaṉa. So sole animeta me epezo ereko ko kutumana ko quli, melai animeta me zolaeko ko sidopu ko bako, zakaremu kale ama pazokinio ko.

Romu 2:19

ni meta me odiemani mela se leqa kamu, ni meta se kutumana kamu ko zakaremu jaria mela, kimela,

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

2 Koriniti 3:18

Nio animea kiada mela ta me qasa puekani mela koa vo Lekasa ko ṉaṉaidara omadeuvo Mosese pui bouluboulu ama loilo sala keru jari, ni koa omadeuma ṉaṉaidara ta kobeta ola besiemelo anime. So inio animeta mebeta ola besizio ni koa ṉaṉaidara ta kobeta ola matu elo ni vo jari ko imela anime. Ako koa ṉaṉaidara ta koko kuevako vo Lekasa kasi azo, vo o soroevani vo Tabu ala Auvana sole.

2 Koriniti 4:6

Voa Baṉara vo eri kioveni “Zakaremu ta ko talolou kutumana kale!” kioveni, vo inio voa Baṉara vo o taloekikeni voko zakaremu eṉeko kerukeru kale, tu ṉe baqumuko vo Baṉara ko ṉaṉaidara eṉe ṉe qerukerueva keru vo Karisito, omadeuvo se Izireli amu ta ke paqumukake jari koa ṉaṉaidara seke keve keru vo Mosese ko loilo.

2 Koriniti 6:14

Meta pui omadeu iruruputo mati elo se pui ke tuvevo puevani vo Karisito. Noi nio kimela me; ko sidopu ni ko sarueko ta omadeu elo ko elou, kio? Ni ko zakaremu ni ko kutumana ta ko lolopareovou, kio?

Qelesia 5:25

Animeta me qoeni mela vairu ama saevo vo Baṉara vo Auvana kale so sole animeta me lulueko vo Baṉara vo Auvana kiolani.

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

Epesasi 4:18

ni seta pui ke paqumuka ni pui ke mamura ako seta pui kekai zaria didiano sole. So inio seta pui kepa kovou koa saevo vo Baṉara okai zariako katimo.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

Epesasi 6:12

Ako anime me qati pazokiniako ta pui tupu kale ama sole, melai anime me qati pazokiniako ta vo Setani ko ruqe ama lekasa puo kale ama ziolo aukale ko evako, komia kutumana kama peuru ma peuru kale ko lekasa puako ruqe ama pizato poso.

Kolosi 1:12

Ni meta kativomo meko uriavo vo Baṉara animevo Mama, ako vota lula o malezimela me tu meta me qovou meko kena koa uri ama quli ko lula ko inainaivako tu voko maba madu mela kaqe vo Baṉara ko zakaremu kale me evani mela.

Kolosi 1:13

Baṉara ta o pakiemele anime kutumana ko pizato kale azo ni o amaqimele anime vo o matu roquevani Meqora ko lekasa puo kale,

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

1 Jone 1:7

Vo Baṉara ta zakaremu kale o evani nio. Ni animeta me elou zakaremu kale, nio animeta omadeu lolopareo me elou animeko vai nianiio kale vo. Ni animeta me elou zakaremu kale inio vo Jisu Karisito, Baṉara vo Meqora ko dara ta bulebule ko imelou kiadama animeko sarueko kale azo.