Epesasi 5:21 - BAṈARA KO VAIRU AMA LEVELEVEO

²¹ Ni meta zorikiniomo muli ako kokale inio meta meda va paṉaovou sole vo Karisito.

Epesasi 5:21 교차 참조

1 Koriniti 16:16

tu meta luluekomo soama maba poso ko odikato iruruputo ni mata kake ko, se omadeu nabuluputo ke evani ko se sase.

2 Koriniti 5:11

So inio koa titizato ko ṉaniu ko kerukerueko kale ta eṉe melai ṉe baqumuka animevo Lekasa tava paṉao ko kalo, Sokale inio eṉeta ṉe madoeka tu mai tuvevo pueko eṉeko sidopu ama vatolo se maba poso. Vo Baṉara ta okai uria nianiia eṉeko uri ama vatolo, nio aṉako zario ta me melai so padoa nianiio me ṉelai elou eṉe meko kerukeru kale.

2 Koriniti 7:1

A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.

Epesasi 5:22

Ni me tanama rekoreko mela ta zorimomo meko tanama lasive poso, omadeuvo meta me zoriva jari vo Lekasa Jisu.

Epesasi 5:24

Ni voko lotu qoqono ta ko zoriva vo Karisito. So jari pado inio me tanama reko poso mela ta zorimomo meko tanama lasive poso kiadama quli kale.

Pilipai 2:3

Ni meta pui me erekou kama quli muino ni aikailo kale, melai meta zarazaraimo ni tama paṉaomo se edolomu saita inio me ṉavi.

1 Timoti 2:11

Se rekoreko ta ke ibu ni ke zarazarailo seko vakakuko kale Baṉara ko nianiiekato.

1 Timoti 3:4

Vota o kati uria vailo voko saidi, ni uria zoripato ni paṉao saṉa o imo voko meqora poso, so inio vota o roveovou kati uria vailo vo Baṉara ko lotu qoqono uri ama odikato kale.

Hiburu 13:17

Meta zorimomo meko lotu lekasa poso, ni erekomo ko quli seke melati soruekako me, ako se inio ke melati vailani me meko auvana ko saevo sole, ni se inio ko kilo ama ṉaniu kale ke lojo amu Baṉara ko tanama kale, tu ke kaseko seko iruruputo vokasi. Seta kevai bazuekou vo se lula ke erekako ni nonia ereko inio lula ke evani ko. So sole meta zorimomo se, tu seta ke zoleilou seko iruruputo kale, nio pui duki ke elou seko koidi kale, ako meko duki imo se ta pui kopa tauvemelou me sole.

1 Pita 2:13

Vo Lekasa Jisu ta o mela zaria me tu meta me zorimou kiadama komia peuru ma peuru ama raura kama maba poso. So sole meta me zorivou vo matu raura kala aikovakova,

1 Pita 2:17

Meta meda ma paṉaovou kiadama maba madu, ni me roquemou seke luluevani vo Jisu, ni meda va matu paṉaovou vo Baṉara kiadamu kasi azo, ni meda va paṉaovou vo aikovakova.

1 Pita 5:5

Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”