Epesasi 5:20 - BAṈARA KO VAIRU AMA LEVELEVEO

²⁰ Ni vo Lekasa Jisu Karisito ko ṉikale meta kativomo meko uriavo kiadama quli kale avo vo Baṉara animevo Mama.

Epesasi 5:20 교차 참조

Jone 15:16

Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.

Iruruputo 5:41

Ni so keru se apositolo madu ke vaeke keru koa matuma padopadoilo, seta keta matu zoleike, ako Baṉara ta o kerukerueme se ta seta ke male tu tola ni qurato kekai toraeko vo Jisu ko ṉi.

Romu 1:8

Kuleto aṉata a qaseka aṉako uriavo vo Baṉara kasi vo Jisu Karisito kale kude mea kiada mela kale avo, ako komia pado ama peuru ma peuru ta ko viqa meko oqu ko bazu sole.

1 Koriniti 1:4

Kiada keru aṉata a melai rauraeva vo Baṉara koa tauvezato sama roquano vo o katimelako kale ako meta vo Jisu Karisito ko mela sole.

1 Koriniti 15:24

Ni koko paitopaito kale vo Karisito ta o koqotaemou kiadama koko lekasa puako ziolo poso, koa azaazama pizato sama, ni vota o kativou vo Baṉara Mama kiadama quli ko lekasa puo.

Epesasi 5:4

Ni so jari meta pui me qovasa putou me ṉavio kude, ni pui me rukuekou sarube ama pesio ni pui meqai bazutou kuna kama balebaleito pesio ako komi quli ta pui kopa melati mabuvou sole. Melai meta me qativou meko uriavo vo Baṉara.

Pilipai 1:3

Kiada keru aṉa a qerukeruemela keru me, aṉata a qaseka aṉako uriavo Baṉara kasi mekale avo,

Pilipai 4:6

Ni meta pui tiṉoliṉoli ka elo kama quli, melai kiadama meko vararaito kale meta pasekomo vo Baṉara kasi ko quli me meqai zariovo ama quli meko uriavo sama bulo sate.

Kolosi 3:17

Kiadama quli meme erekako ni me qasekako quli meta erekomo vo Lekasa Jisu Karisito ko ṉikale kude, so keru meme rauraeva keru vo Baṉara vo animevo Mama vo Jisu kale kude.

1 Tesalonaika 3:9

So sole erisaṉa eṉeta ṉe rovea ilusivo vo Baṉara mekale avo. Eṉeta ṉevai ilusika vo eṉeko mela zoleilo kale me voko tanama kale.

1 Tesalonaika 5:18

ni meta kasekomo meko uriavo vo Baṉara kasi kiada keru me mebeta saeva keru, olu ama saevo ko taku keru melai, tapata kama saevo ko taku keru melai. Ako so inio vo Baṉara ota melai zariani me tu meta me elou meko saevo kale omadeu saevo meqai evako vo Jisu Karisito sase.

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

2 Tesalonaika 2:13

A visi ni kaka poso, animevo Lekasa o roquemelani mela, eṉeta ṉe ilusiva vo Baṉara kiada keru mekale avo, ako so inio koko male sole. Ako vo Baṉara ta lula o pitoemele me peuru ma peuru ko tanitanila keru azo tu meta me bakio Tabu ala Auvana ko pizato kale, tu kota voko tabu ama maba poso ko imelo meko kai oqu kale voko tuveano.

Hiburu 13:15

So sole vo Jisu ko pizato kale animeta pui me lalamatou ilusivo vo Baṉara, ako ko ikio animeko siqasiqa sole. Animeta mevai bazubazutou animeko kora kale edolomu kasi ta vo inio animevo Lekasa.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.

1 Pita 4:11

Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.