Ni vo Paelati ta o keake ta pui opa roveovou dokolimo se ni seta keta matu korakorailou ni keta niumaniumatou, sole vota opa koake ko ju, ni o pusaekake voko ṉase sea vaki ko ubutiania, ni eri kiolake, “Aṉata pui kuiripato salala aba elou nea maba ko voukale avo! Melai kota me ṉaviko vatolo ikio,” kiolake.
Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.
So sole meta balauvomo tu pui tava lupao viqo vo o pesiani mekasi. Ako sea maba poso se lulavo keta va lupaovini viqo vo okai pesiovini komia peuru ma peuru kale ko balauvimema bazu ta pui kepa taka soqoi. Sokale avo inio anime me viqani mela vo aukale azo o pesiani ta meda ka lupaovou viqo voko pesio, ta maba pui meba taka soqoilou.
Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.