Epesasi 5:11 - BAṈARA KO VAIRU AMA LEVELEVEO

¹¹ Melai meta pui me erekou ko quli se kutumana kamu ke erekako quli, ako ko quli ta pui ko tauvezatako quli sole. Melai erekomo uri ama quli tu kasa ko iko se kutumana kamu ke erekako quli ta sarusaru ama.

Epesasi 5:11 교차 참조

Matiu 18:15

Vo Jisu ta obeta olake bazubazuto ni eri mata kiolake sekasi, “Kala ṉovo lolo ta sarueko o erekou ṉokasi, ta ṉota tutumazi avole ṉovai ziovou voa sarueko sala ni ṉoba sidopu puevou vo melai ṉota ṉo erekou komia sidopu puto qe kiada koi. Nio vota ota ṉa zorikou ṉoko sidopu nio vota mata ṉovo lolo o elou.

Luke 3:19

Melai Jone ta o riqaevake vo Lekasa Herodi, ako vota o raekake ko Herodiasi, vovo kaka ko reko, ni vota o erekake mata kama ruqe poso sole.

Iruruputo 26:18

Ṉota ṉoda ma toiratikou seko vilu ni no lilimou se kutumana kale azo zakaremu kale, ni vo Setani ko pizato kale azo Baṉara kasi, nio seko lai oqu kale aṉa ta ada ma akoekou seko sarueko poso ni seta ke kovou seko zae se Baṉara tabu o imeni sate.’

Romu 13:12

Ko ipu ta sipole kota paloasou, ni vo ṉaniu ta matu sipole erisaṉa. So sole animeta me epezo ereko ko kutumana ko quli, melai animeta me zolaeko ko sidopu ko bako, zakaremu kale ama pazokinio ko.

Romu 16:17

Aṉata a basemela me a visi poso mela: tu tama balauvomo se pitasato ko maba poso ni seke niumaekani maba ko oqu ni se ruqea kaseko ke evani koa nianiiekato ko me lula me qoema. Meta tama papariomo se!

Romu 6:21

Loma ikio meme qoema meko ereko kale koa iruruputo, ko erisaṉa ko quratimelako me? Koa iruruputo ko reketekete ta vou sole!

Qelesia 6:8

Ni vo maba ta o papakou jari voko saevo kale ko quli o ṉaviko zario ko zolekako quli ta ko ikio mata o kajorikou noqola kama tolailo kale. Melai vo o papako ala Baṉara ko Auvana ko zolekako quli voko saevo kale ta o kovou ko noqola kama saevo vo Baṉara ko Auvana kale.

Epesasi 4:22

So inio meta me bazui tu vaekomo meko lulama saevo ni mata pui meqai saevou koa ruqe ama saevo ko me meqai saevema koko paloasema taku kale. Ni koa lulama saevo ta ko matu niumaniumaeka ko maba, ako se maba poso ta sarube ko ima sole koa ruqeruqe ama quli se kekai zariako ereko.

Epesasi 5:12

Ako ko quli seke erekako mutamuta kale kai pesio melai qurato sama quli kio.

Epesasi 5:7

So sole meta pui memai zomanou se soama maba madu.

Kolosi 1:12

Ni meta kativomo meko uriavo vo Baṉara animevo Mama, ako vota lula o malezimela me tu meta me qovou meko kena koa uri ama quli ko lula ko inainaivako tu voko maba madu mela kaqe vo Baṉara ko zakaremu kale me evani mela.

1 Tesalonaika 5:7

Ako seke maroṉani ta ipu kale inio keta maroṉa, ni seke nozuekani ko piza kama ju ta ipu kale inio doilili kekai eva sole.

2 Tesalonaika 3:14

Esa kala maba sai ta pui opa zorikou ko bazu ko eṉe ṉe joroekako mekasi komia riki kale. So tea, meta mevai nianiiovou pala inio voa maba, ni pui me vati lolopareovou, so inio vota o quratou.

2 Tesalonaika 3:6

Ṉe qaka ni visi poso mela, eṉeta ṉe bazuemela me vo Lekasa Jisu Karisito ṉikale tu meta tama papariomo se utu elo ke evani lotu maba poso se pui ke luluekani ko nianiiekato ko eṉe ṉe qatimelema me.

1 Timoti 5:20

Melai ṉota riqaema se lotu tanatanamu vaki ale seke erekani ko sarueko, tu sea kiadamu ta ke balauvo.

1 Timoti 5:22

Pui jijiro vai iviko ṉoko ṉase kala maba, tu tabu ivo vo Jisu va nabuluputo kaqe. Pui kai zomano ereko edolomu ko sarueko, melai ṉota rurubiatana saevo eve.

1 Timoti 6:5

ni kiada keru ama zolizoliekinio sama quli. Sea maba poso ko kerukeru ta sarube ama ni seta pui ke rovea nianiieko ko tuveano. Ni koko topi tiniama seko sarube ama kerukeru ta Baṉara ko tava paṉao ta kai batiro puilo ko quli kikela.

2 Timoti 3:5

seta ke noqoekou ko lotu ko kupekupe ama iruruputo, melai seta ruqe keta ka ikou koko tuvevo ama pizato. Ṉota tama papariovi soama maba poso.

2 Timoti 4:2

tu ṉota kai bazubazute ko Uri ama Bazu. Maba poso keka zariovou viqo ma pui keka zariovou viqo melai ṉota kai bazubazute. Ṉota ṉo jidopu puemou se maba poso, ni ṉomai riqaekou seko sarueko, ni ṉo zuvarimou se maba poso, ni ṉota ṉoqai bazubazutou oluoluavole ni inobe ama nianiiekato kale.

Taitasi 2:15

Kai nianiiekate komi quli poso ṉoko zuvarimo ni riqaemo kale se ṉo ke didieṉani. Ṉota kai nianiiekate ṉoko pado ama pizato Baṉara vo nabulu ṉa ko, ni pui zariemo kake tu ke zarazaraeṉo.

Kelokelozato 18:4

Ni mata aṉata a viqake kama pado kora ko kuevako aukale azo, eri kikolako, “Kuemo, saqoromo, aṉako maba poso mela, saqoromo Babiloni kasi azo! Meta pui kai zomano ereko koko sarueko poso; tu meta pui kai zomano koko kovo kale koko koqotato ko ave poso!