Epesasi 5:10 - BAṈARA KO VAIRU AMA LEVELEVEO

¹⁰ Ni meta madoekomo tu kai nianiimo loma quli kio ko zolevo ama vo Baṉara.

Epesasi 5:10 교차 참조

Romu 14:18

Voa maba vo ova nabuluputani vo Karisito koa keve kale ta o zoleva vo Baṉara ni vota uri ala se maba madu kasi.

Pilipai 1:10

So inio meta meqai nianiiovou ko uri ni ruqe ni meta me bitoekou ko uri; so inio meta bulebule ni sarueko pide me elou vo Karisito ko vaito keru,

Pilipai 4:18

Ni erisaṉa aṉata a qoa kiadama quli ko me mela soroekako quli ni kota ko korotila aṉa. Ako vo Epaparoditasi ta lula olai baroekika sole kiadama meko puaro poso. Ni kota kama uria tui ama siqasiqa jari vo Baṉara kasi, ni vo Baṉara ta o koa ni oka zoleiva koa meko puaro.

Kolosi 1:10

Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

1 Tesalonaika 5:21

Melai meta taka kemo kiadama quli ko uri ni ruqe, ni taka noqoekomo koko uri ama.

1 Timoti 2:3

Soama vararaito ta uri ama quli koko zolevako vo Baṉara animevo Pakio,

1 Timoti 5:4

Melai kama naboko ta meqora sama ma mabuzu sama ko elou ta sea meqora ni mabuzu poso ta ke paqumukou ni ke erekou seko lotu ko mati soruekako iruruputo tu ke tauvemou seko saidi kale amu ni ke besiekou koa tauvezato seke koema lulavo seko mama ni niania ni taite poso kasi, ako komi kio vo Baṉara okai zoleivako sole.

Hiburu 12:28

So sole animeta me ilusivou vo Baṉara, ako vota lula o zomanimela anime koa toutou kale vo okai lekasa puako, ko pui ko roveako vezokato. Animeta me ilusivou vo koa keve vo ko zolevo ama kale matuma paṉao sate.

1 Pita 2:20

Ako meta ruqe me erekou, ti ke ruterutemelou, ni meta inobe meqa elou meko tolailo, ta pulia quli ko kio kale kepa melai rauraekou me. Melai meta uri ama quli ko ereko kale ke rutemelou ni inobe meqa elou meko tolailo, ta ko ikio ko zolevako vo Baṉara.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.