Epesasi 4:32 - BAṈARA KO VAIRU AMA LEVELEVEO

³² Melai meta bairumuomo ni roquekiniomo, ni odouvikiniomo me ṉavio kude, omadeuvo vo Baṉara ta o melati odouvikinie me vo Jisu Karisito kale jari.

Epesasi 4:32 교차 참조

Matiu 6:12

ni taṉela akoeka eṉeko sarueko poso ko lula eṉe ṉe erekako, omadeuvo eṉeta ṉeda ma akoeka jari seke saruekani eṉe kasi.

Maka 11:25

Ni so keru me vararaito kimevou keru meta meda ma akoekou saita seko sarueko seke saruekani mekasi. So inio mevo aukale ala Mama ta ota mela akoekou ko meme erekako sarueko,” kiolake vo Jisu.

Luke 1:78

Ako animevo Baṉara ta matuma tauvezato ko roquano sala sole. Koa voko roquano kale ta o melai barolou aukale azo animevo Pakio, omadeuvo vo o peatani ṉaniu ko zakaremu jari,

Luke 11:4

ni taṉela akoeka eṉeko boutare poso, ako eṉeta ṉeda ma akoeka sea kiadamu seke saruekani eṉe kasi sole. Ni pui vaeṉelo eṉe zolizolito kale.”

Luke 17:4

Ni vota o saruekou ṉokasi sikeura taku omadeu ṉaniu ko poro kale, ni koa taku poso kale oṉai kilou ni eri pa kiovou, ‘Ada lilizia,’ kiovou, uri tu ṉota ṉoda va akoekou voko sarueko,” kiolake.

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Luke 6:37

Ni vo Jisu ta obeta olake bazubazuto ni eri kiolake sekasi, “Meta pui me ditizimou edolomu, nio mata Baṉara ta pui o titizimelou me. Ni meta pui kuiripato saṉa me imou edolomu inio Baṉara ta pui kuiripato saṉa o imelou me. Ni meta meda ma akoekou seko sarueko seke saruekani mekasi inio Baṉara ta ota mela akoekou meko sarueko.

Iruruputo 28:2

Ni koa udu kale ama maba poso ta ke ṉelati matu uria baerebaereake eṉe. Ni nioro ta kota tanitake pialo ni sanusanu kota evake, so sole seta ke bainaekake ko uza ni ke baroekiṉelake eṉea kiada ṉela.

Romu 12:10

Meta matu roquekiniomo muli me ṉavi ako meta lotu tamania mela sole, ni dikidauputole paṉaekiniomo me ṉavio kude.

1 Koriniti 13:4

Se maba poso ke roquanani ta nodenode amu ni baise amu; seta pui ke konoivani ni pui ke aikaivani ni pui ke raurarauraivani.

2 Koriniti 2:10

So keru me meda va akoeka keru kala maba ko vo o erekako sarueko, aṉa melai akoekato saṉa a iva vo. Ni so keru aṉa a ereka keru ko akoekato, ikoana kama quli aṉa a akoeko ama ta, aṉata a ereka ko akoekato vo Karisito ko tanama kale tu me melai me erekou so jari.

2 Koriniti 2:7

So sole erisaṉa ta koko male ikio ko me tu tava akoeko voko sarueko ni zuvarivo vo, tu pakievo vo koa voko matu duki elo kale azo.

2 Koriniti 6:6

Eṉeta lula kasa ṉe ika eṉeko va nabuluputo vo Baṉara eṉeko bulebule ama saevo kale, ni eṉeko nianiio ni paṉao ni eṉeko puaropuaro kale, vo Tabu ala Auvana kale, eṉeko tuvevo ama roquano kale,

Epesasi 5:1

Ako meta vo Baṉara ko meqora poso mela vo o roquemelani mela, so sole meta madoekomo tu Baṉara jari emo.

Jemisi 5:11

Animeta memai nokaekou zolezole amu sea maba poso ako seta pizaka lojo ke eveni sole. Meta lula me viqe vo Jobi ko inobea taruano ni meta meqai nianiia vo Baṉara o puarikema quli vokasi kiadama tapata poso ko tova, voko pizaka lojo elo kale. Ako vo Baṉara ta kovai sukatani ko baiseo ni tauvezato sama roquano sole.

2 Pita 1:7

ni meko baisemo meko lotu tamania madu, ni ko roquano.

1 Jone 1:9

Melai animeta meqai eraeraovou animeko sarueko vo Baṉara kasi, nio vota ota mela akoekou. Vota kerula kala sole animeta me rovea vai keru vo, ta vota o mela erekou sidopu ama quli: vota bulebule o imelou kiadama animeko sarueko me erekako kale azo.

1 Jone 2:12

Aṉata a mela rikita me, a meqora poso mela, ako meko sarueko ta kota mela akoiva sole vo Jisu Karisito ko kio kale.