Epesasi 4:31 - BAṈARA KO VAIRU AMA LEVELEVEO

³¹ So sole meta vaekomo kiadama pasopasoilo ni korakorailo ni bomuilo ni karaṉo ni ruqe kasemo edolomu. Ni meta pui mata me erekou kama kideipo sama quli.

Epesasi 4:31 교차 참조

Iruruputo 21:30

Nio matu ṉiṉoreo keta evake sea kiadamu koa matu peuru kale amu, ni sea kiadamu ta omadeu rereo ke evake ni ke saputivake vo Paula ni ke rajaevake Jelepade ko kupekupe. Ni taukavole seta ke tibulikake koa Jelepade.

Romu 3:14

seko pesio ta maulumauluto ni kideipo kokai sukatako.

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

1 Koriniti 5:8

So sole animeta me male kai zoleilo vo Karisito ko vou anime kaqe se kekai zoleiva jari seko Alokato ko ṉojola. Omadeuvo seta ke kie ko isiti pide ama bereti jari animeta me male tu sidopu me elo ni me qaseko ko tuveano, ni pui me ereko ko ruqe ni sarueko.

2 Koriniti 12:20

Aṉata ada ṉava aṉako barolo keru sai tu kelo kama edolovo elo meko, aṉa pui a mela zariani jari me, ni meta me qelou aṉako edolovo elo, pui meko aṉa la zario tu so jari a elo. Aṉata ada ṉava tu aṉata a qelou kama aivekinio ni konoekinio, korakorailo ni kiadailo, kama tirazo ni maba kai pesio, aikailo ni birebire elo.

Qelesia 5:20

beku ko ilusiko, basato, kanaekinio, ketuketuekinio, konoilo, korakorailo, muino kapakapato, pitasikinio,

Epesasi 4:22

So inio meta me bazui tu vaekomo meko lulama saevo ni mata pui meqai saevou koa ruqe ama saevo ko me meqai saevema koko paloasema taku kale. Ni koa lulama saevo ta ko matu niumaniumaeka ko maba, ako se maba poso ta sarube ko ima sole koa ruqeruqe ama quli se kekai zariako ereko.

Epesasi 4:25

So sole meta pui me lipalipatou, melai me qasekou ko tuveano mevo lolo vo o tuvevo putani kasi ako animea kiada mela ta omadeu tupu kalea mela sole vo Karisito kale.

Epesasi 4:26

Ni so keru meme qorakorailou keru ta pui zarieko koa korakorailo tu boutare saṉa ko imelou, ni meta vaekomo meko korakorailo puliako vo ṉaniu sulupo.

Kolosi 3:19

Ni me tanama lasive poso mela, meta roquemomo meko omaomadeu reko poso, ni meta pui mai karaṉo se.

Kolosi 3:8

Melai erisaṉa meta pui memai korakorailou, ni pui me niumaemou edoloma maba poso. Puliama maulumauluto ni kovasa puto ta ko rukuilo meko suto kale.

1 Timoti 3:11

Seko reko poso melai uri ama kalo saṉa ke elou ni pui kekai pesiovou ko maba, ni seta pui ke matu nozuekou ko piza kama ju melai seta kiadavoa kerula kamu ke elo.

1 Timoti 3:3

vota pui o nozuekou ko piza kama ju tu kota sarube ko ivo vo, ni pui o niumaniumaemo se edoloma maba madu, melai o baisemo ni bule o elo; vota pui o roqueko ko takula.

2 Timoti 2:23

Melai taka papariovi koa utube ama ni sarube ama pesipesi, ako ṉota ṉoqai nianiia kota zolizoliekinio ni aivekinio sama ikio sole.

2 Timoti 3:3

seta puliama roquano samu, ni odouvo pide amu, se kekai pesiani ko maba, ni pui ke uria odiziani ke ṉavi, seta niumaniuma kamu, ni kekai kideipani ko uri;

Taitasi 1:7

Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

Taitasi 2:3

Omadeuvo jari ṉota bazuema se qole ama reko poso tu ke ereko uri ama kalo koko malezimo ama sea rekoreko se Baṉara ko maba madu. Seta pui kekai pesiovou ko maba ni pui piza kama ju ko mabaku ke elo. Seta kekai nianiiekatou ko uri ama kalo,

Jemisi 1:19

Lolo poso, me a roquemelani mela, meta kerukeruekomo komi quli! Kiada mela meta dikidauputole viqomo, melai pui jijiro pesio elo ni pui kapi avole korakorailo.

Jemisi 3:14

Melai meta me dukiekou bulo kale ko konoilo ni muino, ta meta pui aikailo sidopu kai lipalipaito kale.

Jemisi 4:11

Meta pui kuirikinio me ṉavio kude, me aṉako tamania kalea mela. Ako vo kuiripato saṉa o ivani kala lotu maba ma o titizivani, vota kuiripato saṉa o ika ko Tabu ama Bazu ni vota o titizika. Ni meta me ditizikou ko Tabu ama Bazu, ta me inio ko me pui me zorikani mela ko Bazu, ni me inio me ditizikani mela ko.

1 Pita 2:1

So sole meta vaekomo kiadama meko ruqeruqe ama kalo ni lipalipato. Ni meta pui se kekai lipalipaitani ko sidopu jari kalo. Ni pui me qonoilou ni pui me ruqe kasemou se edolomu. Meta me vaekou koa kiadama quli meko saevo kale azo.

1 Jone 3:12

Melai animeta pui Keini jari me qalou, vota Setani vo meqora ni o vouvaeve vovo visi. O ṉavi Keini ta o erekake ruqe ama kalo, ni vovo visi Ebolo ta o erekake uri ama kalo, ni Sokale avo inio vo Keini ta o vouvaevake vovo visi.

1 Jone 3:15

Ni vo ovai kaikuapo ala vovo lolo ta o vouvatani jari ala inio, ni meta meqai nianiia ta puliala maba vo o vouvatani ta noqola kama saevo sala.

Kelokelozato 12:10

Ni aṉata a viqake kama pado matuma kora mateana ko aukale vasi, eri kikolako, “Erisaṉa vo Baṉara ko pakiezato ta lula kota barola! Erisaṉa vo Baṉara ta lula kasa o ika voko pizato voko lekasa puilo kale! Erisaṉa vo o pitoeveni Pakio ta lula kasa o ika vo Baṉara o kativema pizato! Ako vo o lojeni animevo Baṉara ko kuleto ni kuiripato saṉa o imeni ipu ni ṉaniu animeko lolo poso seke tuvevo putani ta lula o ṉamui aukale azo sole.