Epesasi 4:30 - BAṈARA KO VAIRU AMA LEVELEVEO

³⁰ Ni meta pui duki me ivou vo Tabu ala Auvana, ako vo inio vo Baṉara vo mamola me o melai ṉeamukani sole. Ni vo Baṉara ta o katimele me voa Auvana tu kasa o ikou ta vo Baṉara ta o rupasimelou me komi ko kuevako taku kale.

Epesasi 4:30 교차 참조

Maka 3:5

Ni Jisu ta o meake se ni omai korakoraivake, ni mata duki ota evake, ako seta matu meomeo kamu ni keta saruiva sole. Nio Jisu ta eri kiolake voa maba kasi, “Ṉota totozika ṉoko ṉase,” kiolake. Ni vota o totozikake ni kova pizatake koa ṉase.

Luke 21:28

So keru ko quli ko tanitou keru ereilo, meta me lojolou ni me dadatikou meko lezu poso, ako meko pakiezato ko taku ta sipole sole,” kiolake.

Jone 3:33

Melai kala ta o tuvevo puekou voko bazubazu inio vota o patapataevou vo Baṉara ta tuvevo ala inio.

Iruruputo 7:51

Ni Sitiveni ta obeta olake pesio ni eri ma kiolake, “Me matu meomeo kamela! Maba kutumana kamu mebeta eva meko bulo poso kale, ni puliama ka taku kale inio meqai zaria viqo vo Baṉara ko bazubazu! Meta omadeuvo meko taite poso jari meda kava, ako meta se jari kiada keru me bikoirivani mela vo Tabu ala Auvana!

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

Romu 8:23

Pui koa auvana pide ama quli vo Baṉara o erekema ko kiada ikio ko tolaivako, melai anime lula me qoeni mela ko Tabu ama Auvana melai duki meda eva animeko bulo kale, animeko tareko kale vo Baṉara ko meqora poso elo tu rupasio animeko pado ama saevo kale. Ko Tabu ama Auvana ta Baṉara ko kuleto ama puaro anime kasi.

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

1 Koriniti 15:54

Nio so keru komia lekuleku ama tupu poso noqola kama ko elou keru nio tuvevo ko elou ko Tabu ama Riki kikolani, ko eri; “Ko vou ta koqo kota eva ti kota ruvura!”

1 Tesalonaika 5:19

Meta pui tizaeko vo Tabu ala Auvana ko iruruputo,

Hiburu 10:29

Melai matu palopaloasia tapata inio o elo avo voa maba vo o perivani vo Baṉara vo Meqora ni vo zara kerukerueko o evani vo Baṉara vo leveleveo ko dara ko vo bulebule ko ivako voko sarueko kale azo, ni vo o ruqe kasevani voa pakiezato sama roquano sala Tabu ala Auvana. Voa maba ta o tareka vo Baṉara ko koqotato ko vo o kovo ama.

Hiburu 3:10

So sole aṉata amai korakoraivake sea maba poso ni eri kialake, ‘Seta meomeo kamu kiada keru ni seta pui ke zorika aṉako bazu poso.’

Hiburu 3:17

Lave inio ko se vo Baṉara omai korakoraini ariku toni sabere? Se inio sea maba poso seke saruini, ni ke vovini lealea kama zaekale.