Epesasi 4:29 - BAṈARA KO VAIRU AMA LEVELEVEO

²⁹ Ni so keru me besiovou keru ta pui me rukuekou ko maba ko niumaeko ama pesio. Melai me qasekou ko quli ko uri ko imo ama ni ko pizatimo ama edolomu. So inio ko quli meme qaseko ama quli ta ko tauvemou seke didiemelani me.

Epesasi 4:29 교차 참조

Matiu 5:16

Meta soa talolo emo meko kalo kale maba poso kasi tu seta ke kelo meko uri ama iruruputo ni seta ke ilusivou mevo aukale ala Mama,” ma kiolake.

Luke 4:22

Nio sea kiadamu ta keva matu zoleike vo ni aqasiele kekai evake koa matu ileile ama pesio poso vo o rukuekema. Nio seta eri kikelake seko vuzeilo kale, “Koe, nei ta pui vo Josepa vo meqora soikoni!” kikelake.

Jone 1:37

Nio voko omuqa disaipeli kidi ta qo viqake voko so kio, ni nioqata qo zolaike ni qo luluevake vo Jisu.

Romu 14:19

So sole animeta me zuatikou kiada keru ko bule ko erekako quli ni ko omadeu pizatimelo ko elo ama quli animea kiada mela.

Romu 15:2

Melai animeta me zolemo kiadama animeko tamania kale amu tu seta uri ke elo ni ke rapuko oqu kale.

1 Koriniti 14:19

Melai ko lotu padopadoilo kale ta aṉako rukueko sike pado zakaremu ama rukuruku poso, koko tauvemo ama se edolomu, ta kokai qulepa aṉako kai pesio kale vurovuro pui ko paqumuako pesio kale.

Epesasi 4:12

Vota o katimelake komia puaro poso tu o inainaemelo animea kiada mela vo Baṉara ko maba madu mela tu me ereko o ṉaviko lotu ko iruruputo, tu animeta me bizatikinio vo Karisito ko tupu kalea mela.

Epesasi 4:16

Ni komia pado ama tupu ta Karisito ko ikio. Ni kiadama komia tupu ko kata poso ta omadeu tauvekinio ni pizatikinio ko eva vokale. Kiadama koa tupu ko kata poso ta ko ereka ko ṉaviṉavi ko iruruputo poso. So inio komia pado ama tupu ta ko rapuka ni ko pizata roquano kale.

Kolosi 4:6

Meko pesio poso ta bule ama ni korokoroti ama ko elo, ni meta paqumukomo katimo se maba madu meko korotoma opato.

1 Tesalonaika 5:11

So sole meta zuvarikiniomo ni tauvekiniomo, so mebeta kavani komia taku kale.

1 Pita 2:12

Ako se maba poso pui ke tuvevo putani ta iniseana sole meko levoano kale. Ni se inio ke mela kuirikani meta ruqea mela kikelani. So sole meta kai saevomo ko uri ama saevo meko elo kale sekasi, tu seta ke kelou meko uri ama iruruputo. So inio koa ṉaniu vo Karisito o vaitou keru seta kevai ilusikou vo Baṉara koa meko uri ama iruruputo se erisaṉa ruqe ama quli ka kikelako.

1 Pita 3:1

Ni koa omadeuma kalo kale inio me rekoreko poso mela ta me zorimou meko lasive poso. So inio meko lasive poso ta pui kebe tuvevo puekou vo Baṉara ko Bazu melai meko uri ama kalo kale inio meta me lilimou se tu seta ke zorikou vo Baṉara ko Bazu, pulia quli mebe kasekou melai.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.