Epesasi 4:18 - BAṈARA KO VAIRU AMA LEVELEVEO

¹⁸ ni seta pui ke paqumuka ni pui ke mamura ako seta pui kekai zaria didiano sole. So inio seta pui kepa kovou koa saevo vo Baṉara okai zariako katimo.

Epesasi 4:18 교차 참조

Matiu 13:15

Ako seko kerukeru ta kutumana ni seko taliṉa ta tibutibuli ni seko vilu ta imaimadi sole. Melai seta pui so ke kava tea seko vilu ta ko keazatou ni seko taliṉa ta ko viqaviqazatou ni seko kerukeru ta ko paqumukou ni ke titiziovou ni ke kilou aṉa kasi tu aṉata a urikimou se,’ ka kiovema.

Maka 3:5

Ni Jisu ta o meake se ni omai korakoraivake, ni mata duki ota evake, ako seta matu meomeo kamu ni keta saruiva sole. Nio Jisu ta eri kiolake voa maba kasi, “Ṉota totozika ṉoko ṉase,” kiolake. Ni vota o totozikake ni kova pizatake koa ṉase.

Jone 12:40

“Baṉara ta ota ma leqa pueke seko vilu poso tu seta pui ke kelokelozatou, ni zokele ota ma ikake seko kerukeru, tu seta pui ke paqumatou, ni seta pui ke liliziovou ni ke kilou aṉa kasi tu aṉata a urikimou se, kiola vo Baṉara,” ka kiovema.

Iruruputo 17:30

Baṉara ta okai azopike voko vilu koa taku so keru se maba poso pui kepa vai nianiiovi keru vo, melai erisaṉa vota o bazuema se kiadama zae poso kale tu seta ke lilizio seko ruqe ama keve kale azo sidopu ama keve tona.

Iruruputo 3:17

“Lolo poso, aṉata aqai nianiia ta me ni meko vilua pikopiko poso me erekema quli vo Jisu kasi ta meko pui paqumuvo vo kale inio.

Romu 1:28

Seta ke vaeva kerukeruevo vo Baṉara, so sole vo Baṉara ta omai luavika koa ruqe ni kaido ama kerukeru tu seta ke ereko ko quli ko se pui koma zariziako tu ke ereko.

Romu 11:25

A visi poso, ikoana kama pado mutamuta kama tuveano ko aṉa a mela zariako me tu kai nianiio, ako me baqumukou ko inio pui meqai abarou meko nianiio. Eri nio koa mutamuta kama tuveano; se Izireli amu ko pikipikinio puto ta pui noqola kama kopa elou, melai kota ko epezou so keru sea poso se pui Jiu amu ke kilo amu vo Baṉara kasi ke okotou keru.

Romu 11:7

Sole komi ta koko paitopaito. Se Izireli amu ke vailikema quli ta pui kepa koe. Melai kama poso madu vo Baṉara o pitoemeni pala inio ke koe ko; ni matu kubo madu ta zokele bulo o imake ni pui kepa viqe vo Baṉara ko nokao.

Romu 2:19

ni meta me odiemani mela se leqa kamu, ni meta se kutumana kamu ko zakaremu jaria mela, kimela,

1 Koriniti 1:21

Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.

1 Koriniti 2:8

Puliala kala pado lekasa komia peuru ma peuru kale ala ta opa vakakuke komia raura kama nianiio ko bazu. Ako seta lula ke paqumuke ko tea, pui nio kepa patoevo animevo ṉaṉaidara kala Lekasa korosi topi.

2 Koriniti 3:14

Melai seko kerukeru ta kota ma tibuliake. Ni kobe kai baroa komia taku kale melai kama quli ta kobe tama tizaeka seko kerukeru kiada keru seke tiromika keru lulama leveleveo ko Buka, omadeuvo koa suma ta ko bouluke vo Mosese ko loilo jari. Seta pui nio ke paqumuka ko vairu ama leveleveo, ako se pui nio omadeu ke vati evani vo Karisito ta pui ke rovea paqumuko ko sole.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

Qelesia 4:8

Ni koko paloasako taku kale meta pui meba vai nianiiovi vo Baṉara ni meta se lipalipa kama baṉara poso ko mabaku mela.

Epesasi 2:1

Ni koko paloasako taku kale meko auvana ta vouma meko boutare ni pui zoripato kale.

Epesasi 2:12

So sole kerukeruekomo, kuleto meta pui vo Karisito satea mela, ni pui Izireli ama qoqono kalea mela. Ni so keru meta puliama kena samela koa leveleveo sama korotato poso vo Baṉara o erekema voko maba madu Izireli qoqono kasi, so inio meta pui meba vai nianiiovini mela vo Baṉara ni puliama kai keru meko pakio samela.

Kolosi 1:21

Lulavo, meta meda pitasiovi Baṉara kasi azo, ni kana me eve, meko ereko kale koa ruqe ko meme qerukeruekema,

1 Tesalonaika 4:5

ni pui pazapazailo ko kerukeru sate, omadeuvo se kutumana kamu jari se pui kevai nianiiani vo Baṉara.

Hiburu 5:2

Vota lekuleku o eva kubo quli kale, so sole vota o rovea tu baisemo se pui kai nianiio kale ke erekani ko sarueko ni seke saruivani maba poso.

Hiburu 9:7

melai vo Ṉisa Siama o kiada inio o amaqea koa tepe pade ko poro kale ama Matu Tabu ama Zaekale omadeu taku omadeu sabere kale. Vota pui o utu amaqea sai, melai vota o borika biaṉa ko meqora ko dara tu vota o kativo vo Baṉara, o ṉaviko sarueko ko siqasiqa kaqe, ni vota o kati ola ko biaṉa ko dara vo Baṉara okai akoekato maba poso ko sarueko, ko se pui kai nianiio kale ke erekema sarueko poso ni pui sarueko pa ka kikevema.

Jemisi 4:4

Meta pui kerula kama maba poso mela! Meta pui me baqumuka ta komia peuru ma peuru ko kalo lulueko ta Baṉara ko kana elo ikio, kio? Ako vo oka zariani peuru ma peuru ko kalo lulueko ta Baṉara vo kana ota eva.

1 Pita 1:14

Ni meta zorivomo vo Baṉara mevo Mama, ni pui mata kai zario ruqe ama quli ko meme erekema ko paloasako taku kale, me puliako vai nianiio vo Baṉara.

1 Jone 2:11

Melai vo ovai kaikuapani vovo lolo ta kutumana kala ni obeta talia kutumana kale, ni pui okai nianiia vo o olakoi, ako ko kutumana ta leqa ko iva vo sole.