Epesasi 4:17 - BAṈARA KO VAIRU AMA LEVELEVEO

¹⁷ Vo Lekasa Jisu ko ṉikale aṉata a melai bazueka komi quli, ni a balauvimela, tu meta pui mata me dova luluekou se pui ke tuvevo putani ko saevo jari ama saevo. Ako seko kerukeru ta utube ama sole,

Epesasi 4:17 교차 참조

Luke 16:28

sai sea sike aṉako kaka ni visi poso ke evakoi. Zarieva tu o zio tu opa balauvimo se, tu puliala kala pado se azo ta o kilou komia tola kama zaekale!’ kiolake.

Iruruputo 14:15

“Noi sole inio meta me ereka eri ama quli? Ako eqeta maba qela inio me jaria qela! Eqeta qe kuevani qela inio koi tu kasekole vo Jisu ko Uri ama Bazu, tu meta me lilizio koa utube ama quli kasi azo vo tuvevo ala ni saevola Baṉara kasi vo o erekeni ko au, miduku, ivere ni kiadama quli sai ko evako quli.

Iruruputo 18:5

Ni so keru Sailasi ni Timoti qo baroake sai Masedonia azo, Paula ta okai iruruputake voko pado ama taku kai bazubazutole ko bazubazu, ni vota oma matu kasevake se Jiu amu vo Jisu vo inio vo Baṉara o soroeveni Pakio kiolake.

Iruruputo 2:40

Ni Pita ta o balauvimake se komi kale ni mata kubo voko piza kama pesio kale, ni eri ma kiolake, “Meta pakiemo koa koqotato kasi azo vo Baṉara o soroeko ama se erisaṉama ruqe ama maba poso kasi se kevai keduini sevo Pakio!” ma kiolake.

Iruruputo 20:21

Aṉata amai matu titiake se Jiu amu ni so jari pui Jiu amu tu ke lilizio seko sarueko kale azo ni ke tuvevo puevo vo Lekasa Jisu.

Romu 1:21

Seta kevai nianiia vo Baṉara, melai seta pui ke rauraeva vo ni ke ilusiva vo voko malezivako raurailo kale, ako ko utube ama kerukeru poso ta niuniala ni kutumana kota ma ika seko bulo poso sole.

1 Koriniti 1:12

Eri nio ko aṉa so ka kialani. Kala ta so kiola “Aṉata a lulueva vo Paula” kiola. Mata kala ta “Aṉata a lulueva vo Apolosi” kiola. Mata kala ta “Aṉata a lulueva vo Pita” ni mata kala ta “Aṉata a lulueva vo Karisito” kiola.

1 Koriniti 15:50

Ko aṉa so ka kialako, a qaka ni visi poso, ta animeko marabau ni dara kale ama tupu ta kota sapeovou ni kota pui kopa roveovou kai zomano vo Baṉara ko lekasa puo kale, ko paito pide ama.

2 Koriniti 9:6

Kerukeruekomo ko eri, voa maba vo o papakani silo pala rui ta o ṉeamukou silo pala epa; melai vo o papakani kubo rui ta matuma ṉeamuzato sala epa kale.

Qelesia 3:17

Ni eri nio aṉa kialani. Vo Baṉara ta o erekake voko leveleveo Ebarahami kasi saita inio koa Bazu Mosese ko ta ko katiziovi 430 sabere ko tova, so sole koa Bazu ta pui kopa besieke koa leveleveo vo Baṉara o erekema Ebarahami kasi ni pui ko rovea utu ama iko ko.

Qelesia 5:3

Ni mata kama taku aṉata eri kiala kiadama lasive poso mela kasi: Meta meqai zariovou moveilo, ta meta me maba luluekou koa kiadama vo Mosese ko Bazu.

Epesasi 1:22

Ni vo Baṉara ta o vaekake kiadama quli vo Karisito ko pizato ko vima, ni kiadama quli ko lezu o ivake voko lotu qoqono kale.

Epesasi 4:22

So inio meta me bazui tu vaekomo meko lulama saevo ni mata pui meqai saevou koa ruqe ama saevo ko me meqai saevema koko paloasema taku kale. Ni koa lulama saevo ta ko matu niumaniumaeka ko maba, ako se maba poso ta sarube ko ima sole koa ruqeruqe ama quli se kekai zariako ereko.

Kolosi 2:18

Meta pui zariemo tu kake maba poso ta kuiripato saṉa ke imelo me seko rauraraurailo sama pesio kale. Seta ke mela zaria me tu meta me lulueko seko kelokelozato, ko kokai bazutako ko mateana poso ko ilusiko. Se inio se zarazarailo ko maba madu, kikelani, melai seta keta aikaiva seko utube ama kerukeru kale.

Kolosi 2:4

Aṉata a melai bazue komi tu meta pui zarievo kala tu vota o saruemelo me voko ubeubezato sama pesio kale.

1 Tesalonaika 4:6

Puliala maba ta otao o ivo vovo lotu kale ala lolo voko reko tava kamako kale. Eṉeta lula ṉe melai bazueka me komi, ni ṉe matu balauvimele me, ako vo Baṉara ta o koqotaemou nio sole seke ereko amu soama quli.

1 Timoti 5:21

Aṉata a bazueṉa ṉo vo Baṉara ni Jisu Karisito ni tabu ama mateana madu ko tanama kale tu ṉota zorika aṉa kialani ni ṉota riqaeva ubutiania voa lotu tanala vo o saruekani ṉovo uri ala lolo obe elou melai.

1 Timoti 6:13

Vo Baṉara ko tanama kale, vo o katikani ko saevo kiadama quli, ni Jisu Karisito ko tanama kale, vo o uria kasa puekeni voko oqu vo Ponitiasi Paelati ko kuleto, aṉata a bazueṉa ṉo

2 Timoti 4:1

Vo Baṉara ni Jisu Karisito tanama kale, vo o titizimo ala se saevomu ni se voumu, vo o vaito ala tu o lekasa puo, aṉata a qatiṉa ṉo komia piza kama bazu

1 Pita 1:18

Ako meta meqai nianiia ta meta kalo pidea saevo me eveni mela meko taite poso ke kaevo jari lulavo. Melai vo Baṉara ta o pakiemele me. Vota o tabarimele me ni o rupasimele me meko taite poso ke erekema jari ama kalo kale azo. Ni ko quli me ko rupasimelema quli ta pui ko quli ko niaqariako quli kale omadeuvo siliva ni qolo.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.