Epesasi 4:16 - BAṈARA KO VAIRU AMA LEVELEVEO

¹⁶ Ni komia pado ama tupu ta Karisito ko ikio. Ni kiadama komia tupu ko kata poso ta omadeu tauvekinio ni pizatikinio ko eva vokale. Kiadama koa tupu ko kata poso ta ko ereka ko ṉaviṉavi ko iruruputo poso. So inio komia pado ama tupu ta ko rapuka ni ko pizata roquano kale.

Epesasi 4:16 교차 참조

Jone 15:5

“Aṉata koa vaini siakona jaria lala ni meta koko kata poso jaria mela. Vo me azo o nasoilo ala aṉa tona, aṉata a elou vo tona, ni vota koa kata matu epamatoma jari o elou, ako meta pui me rovea ereko kama quli aṉa pide sole.

Romu 12:4

Animeta kubo kata samela omadeu tupu kale, ni koa kata poso ta azaazama koko sake sama.

1 Koriniti 10:17

Ako koa bereti ta omadeu pado lezu ama, so jari nio animeta kubo mela melai animeta omadeu qoqono mela, ako animeta mevai palaita voa omadeu lezu bereti sole.

1 Koriniti 13:13

So sole erisaṉa ta kobeta eva oqu, ni keru, ni roquano, melai roquano ta kobe qulepa koa zouke azo.

1 Koriniti 8:1

Erisaṉa, ko me meqa kuimanaovako meko riki kale koa sailao poso koko katiziako beku poso kasi ko kalo. Ta tuvevo ko animea kiada mela lotu maba mela ta nianiio samela. Melai animeko nianiio ikio ko puratikako ko aikailo, melai roquano ikio ko tauvemelako anime.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Epesasi 1:4

Vo Karisito kale inio vota o pitoemele anime puliako komia peuru ma peuru ereilo. Ni vo Baṉara ta o pitoemele anime tu voko tabu ama maba poso mela me elo ni puliama kuiripato saṉa me elo voko tanama kale.

Epesasi 3:17

Ni aṉata a vararaita vo Karisito tu meta mevai oquvou tu vota o elou meko bulo kale, ni aṉata a melati vararaita me tu meko saevo ta ko pizatou roquano kale ni me rapukou roquano kale.

Epesasi 3:7

Ni vo Baṉara ko roquano sama puaro kale inio vota o puarike komia koidi aṉa kasi, inio aṉata nabulu a eve tu aqai bazutou ko Uri ama Bazu. Ni vo Baṉara inio o katile koa roquano sama puaro o ṉaviko pizato kale.

Epesasi 4:12

Vota o katimelake komia puaro poso tu o inainaemelo animea kiada mela vo Baṉara ko maba madu mela tu me ereko o ṉaviko lotu ko iruruputo, tu animeta me bizatikinio vo Karisito ko tupu kalea mela.

Epesasi 4:15

Melai animeta meqai pesiovou ko tuveano roquano kale ni animeta me rapukou kiadama keve kale tu Karisito jari me elo, ako animeta omadeuvo voko tupu jaria mela ni vo inio animeko lezu sole.

Pilipai 1:9

Ni aṉata a melati vararaita me tu meko roquano ta ko rapukou matuvole, tu meta me qovou ko tuvevo ama nianiio meko roquano kale.

Kolosi 2:19

Melai seta keta pitasia Karisito kasi azo, vo o mati vailani se voko lotu qoqono kale amu, omadeuvo ko lezu ko kati vaila jari ko tupu. Karisito ta o kati vaila voko lotu qoqono ni o pizatika ko tu kota ko pizato omadeuvo ko tupu ta sailao kale ko uria pizata ni ko rapuka jari. So inio vo Baṉara ko zario.

Kolosi 2:2

Sokale avo inio aṉata so a qava tu meko bulo poso ta ko zuvariovou, ni meta omadeu me elou roquano kale, tu meta me uria paqumukou ko meme duvevo puekako quli. So inio meta mevai nianiiovou vo Baṉara ko mutamuta kale ama kerukeru kale o eveni, vo erisaṉa Baṉara kasa o ivani, vo inio vo Jisu Karisito.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

1 Tesalonaika 3:12

Animevo Lekasa inio o rapukikou meko roquekinio me ṉavio kude ni meko roquemo kiadama maba poso, tu kota ko kati ijatinia puekiniou eṉe ṉe imelania roquemelo me.

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Jone 4:16

So inio animeta meqai nianiia vo Baṉara ko roquano anime kasi ama, ni animeta meqai keruvou koa roquano. Ako vo Baṉara inio vo roquano sala sole, ni vo o elo ala roquano kale ta o elou Baṉara tona, ni vo Baṉara ta o elou voa maba tona.