Epesasi 4:13 - BAṈARA KO VAIRU AMA LEVELEVEO

¹³ Ni komia iruruputo ta kobeta ziovou ti kobeta barolou so keru animea kiada mela omadeu me elou keru animeko vai oqu kale vo Karisito, ni omadeu vai nianiio me elou keru vo Baṉara vo Meqora. Ni animeta muqaro ama maba mela me elou, ni animeta me rapukou tu Karisito jari me elou ni me ṉeamukou kiadama voko sidopu.

Epesasi 4:13 교차 참조

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Jone 1:16

Voko qulepo ama roquano kale vota mauru mati o imelake animea kiada mela kubo keve kale.

Jone 16:3

Se maba madu ta ke melai erekou ko quli ako seta pui kevai nianiiani aṉavo Mama ni aṉa sole.

Jone 17:21

Mama! Aṉata a vararaita tu seta sea kiadamu ta omadeu ke elo. Aṉata a vararaita tu seta ke elo aniṉo tona, omadeuvo ṉoṉo eva jari aṉa tona, tu se peuru ma peuru kale ama maba poso ta ke kelou ni ke tuvevo puekou ko ṉo inio aṉa ṉo joroeleni ṉa kio.

Jone 17:3

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

Jone 6:69

Eṉeta ṉe duvevo pueṉa ni ṉeṉai nianiia ta ṉo inio vo Tabu ala ṉa ṉo quevini ṉa Baṉara kasi azo,” kiolake.

Iruruputo 4:32

Nio sea kiadamu seke tuvevo puteni ta omadeu vatolo ni kerukeru ke evake seko bulo poso kale. Ni puliala se azo ta oka zariake kai kiadailo voko lomaloma melai seta kekai tauvekiniake kiadama seko quli.

1 Koriniti 1:10

Vo Jisu Karisito animevo Lekasa ko ṉikale, aṉata a mela titia mea kiada mela, a qaka ni visi poso mela, tu vaekomo meko zarazaraekinio ni omadeu pado ikomo meko kerukeru tu meta pui me bitasiovou. Meta uria omadeu emo, omadeu pado kerukeru ni omadeu pado vatolo kale.

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

1 Koriniti 2:6

Melai aṉata a qaseka ko raura kama nianiio ko bazu se piza kama oqu samu kasi, melai kota pui komia peuru ma peuru ni koko lekasa poso ka kikelako nianiio, seke noqola tolailo amu.

2 Koriniti 4:6

Voa Baṉara vo eri kioveni “Zakaremu ta ko talolou kutumana kale!” kioveni, vo inio voa Baṉara vo o taloekikeni voko zakaremu eṉeko kerukeru kale, tu ṉe baqumuko vo Baṉara ko ṉaṉaidara eṉe ṉe qerukerueva keru vo Karisito, omadeuvo se Izireli amu ta ke paqumukake jari koa ṉaṉaidara seke keve keru vo Mosese ko loilo.

Qelesia 4:19

Meta aṉako meqora poso jaria mela. Ako aṉata a melai matu tolaiva me omadeuvo ko niania ta ko tolaiva jari, so keru koko vijara keru. Ni aṉata soa tolailo abeta elou, ti kobeta barolou meko Karisito jari elo.

Epesasi 1:17

Ni kiada keru aṉata a vararaita Baṉara kasi, animevo Lekasa Jisu Karisito vo ṉaṉaidara kala Mama, tu vota o katimelou vo Tabu ala Auvana, vo o nianiiekimelo ala ni kasa o mela ivo ala vo Baṉara tu meta mevai uria nianiiovou vo.

Epesasi 1:23

Ni koa lotu qoqono ta vo Karisito ko tupu, so sole ko lotu qoqono ta ko okotiva vo Karisito, ni vo Karisito inio o okotikani kiadama quli kiadama keve kale.

Epesasi 2:15

Ni se Jiu amu ko Bazu ta matu kubo koko silosilo ama bazu poso ni koko kalo poso. Melai vo Karisito inio o epezike ko, ako voko matuma zario ta okai zariake sole tu komia omuqa qoqono Jiu amu ni pui Jiu amu ta omadeu pado vairu ama qoqono qo elou Karisito kale. Ni komi kale inio vo Karisito ta o erekake ko bule anime Jiu amu ni pui Jiu amu mela ko tiania.

Epesasi 4:12

Vota o katimelake komia puaro poso tu o inainaemelo animea kiada mela vo Baṉara ko maba madu mela tu me ereko o ṉaviko lotu ko iruruputo, tu animeta me bizatikinio vo Karisito ko tupu kalea mela.

Epesasi 4:3

Ni meta omadeu emo vo Tabu ala Auvana ko bule kale, ni meta matu madoekomo ni omadeu beta zio emo voko bule kale. So inio voko bule ta omadeu ko imelou me.

Epesasi 4:5

Ni omadeu pado inio animevo Lekasa, ni animea kiada mela ta mevai oqua vo, ni animea kiada mela ta bapitaiso me eva voko ṉikale.

Pilipai 3:10

Ako aṉako matuma zario ta aṉata avai nianiiovou vo Karisito ni voko mata saevo voukale azo ko puratikako pizato, ni aṉata aqai zomanou voko tolailo, ni aṉata aqa zaria tu talio zoripato ko keve vo jari ti kobe lati baro aṉako vou.

Pilipai 3:8

Ni pui koko kiada, melai aṉata vairutu melai so ka kiala ta koa kiadama quli ti utube ama, ako aṉata a qati podetika sole aṉako vai nianiio vo Jisu Karisito aṉavo Lekasa. Ako vo Karisito kale avo inio aṉata a vaeke sole aṉako lulama saevo ni ko quli ta utube ama ka kiala, tu aṉata a ṉeamuvo vo Karisito

Kolosi 1:28

So sole eqeta qevai bazubazuta vo Karisito kiadama maba madu kasi, ni eqeta qe balauvima kiadama maba madu ruqe ama keve poso kale azo, mai nianiiekiko kale kiadama raura kama nianiio. Eqeta qe ereka ko, ako eqeko zario ta kiadama maba se omadeu ke evani Jisu Karisito sase ta uria muqaro ke elou, so keru eqe kasa qe imou keru se Baṉara ko vilu kasa.

Kolosi 2:2

Sokale avo inio aṉata so a qava tu meko bulo poso ta ko zuvariovou, ni meta omadeu me elou roquano kale, tu meta me uria paqumukou ko meme duvevo puekako quli. So inio meta mevai nianiiovou vo Baṉara ko mutamuta kale ama kerukeru kale o eveni, vo erisaṉa Baṉara kasa o ivani, vo inio vo Jisu Karisito.

Hiburu 5:14

Seke kuani ko zokele ama sailao ta se muqaroma maba madu nianiio kale inio, seke roveani pitasiko ko uri ni ruqe seko iruruputo kale.

2 Pita 1:4

inio vota o katimele voko matuma ni aqasiele ama puaro poso vo leveleveo o mela ikema. Ni koa puaro poso kale inio me roveovou zomano vo Baṉara o kavani jaria kalo. So inio peuru ma peuru kale ama ruqe ama zario poso ta pui ko niumaemelou me.

2 Pita 3:18

Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.