Epesasi 4:12 - BAṈARA KO VAIRU AMA LEVELEVEO

¹² Vota o katimelake komia puaro poso tu o inainaemelo animea kiada mela vo Baṉara ko maba madu mela tu me ereko o ṉaviko lotu ko iruruputo, tu animeta me bizatikinio vo Karisito ko tupu kalea mela.

Epesasi 4:12 교차 참조

Luke 22:32

Melai aṉata lula a ṉati vararaitala ṉo, Saimone, tu ṉoko oqu ta pui ko maba epezou. Ni so keru mata ṉo ṉola lilitou keru aṉa, ta ṉota ṉo pizatimou ṉoko visi poso,” kiolake.

Iruruputo 1:17

Jiudasi ta kala pado animeko poqala kale ala o eveni, vota lula o pitoi tu o ereko voko kena animeko iruruputo,” kiolake.

Iruruputo 1:25

tu vota apositolo jaria nabuluputo o elo Jiudasi ko zaekale, ako vo Jiudasi ta o epeini ni o keveni voko male ama zaekale sole,” kikelake.

Iruruputo 11:23

Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.

Iruruputo 20:24

Melai aṉata pui aqai tuqutuqua a ṉaviko saevo tu a ṉamuko. Aṉako zario ta a okotiko aṉako soru ni a baiko koa iruruputo vo Lekasa Jisu o katilema aṉa tu a ereko, tu aqai bazubazuto ko Uri ama Bazu vo Baṉara ko pakiezato sama roquano sama.

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

Iruruputo 9:31

Ni kiadama Jiudia, ni Qalili, ni Sameria peuru poso kale ko evako lotu qoqono ta bule ke evake koa taku keru azo. Vo Tabu ala Auvana ko tauvezato kale seta ke pizatake ni kubo ke evake, ni seta ke evake vo Lekasa tava paṉao kale.

Romu 12:5

So inio animeta kubo maba mela, melai animeta omadeu pado tupua mela vo Karisito kale ni animeta omadeu me eva azaazama kata poso mela omadeu pado tupu kale.

Romu 12:7

ma ṉota nabuluputo ko puaro saṉa ṉo elou ta ṉota ṉo nabuluputou; ma ṉota kama nianiiekato ko puaro saṉa ṉo elou ta ṉota ṉo nianiiekatou;

Romu 14:19

So sole animeta me zuatikou kiada keru ko bule ko erekako quli ni ko omadeu pizatimelo ko elo ama quli animea kiada mela.

Romu 15:14

A visi poso mela: aṉata a uria paqumuka ta meta sidopua mela ni vo Baṉara ko nianiiekato me baqumukani mela, ni meta me roveani mela tu nianiiekikinio me ṉavio kude.

Romu 15:2

Melai animeta me zolemo kiadama animeko tamania kale amu tu seta uri ke elo ni ke rapuko oqu kale.

Romu 15:29

Aṉata aqai nianiia, ta so keru aṉa a qilou keru mekasi, aṉata a qati kilou vo Karisito ko matuma mauruto.

1 Koriniti 12:27

Ni mea kiada mela ta vo Karisito ko tupu mela muli, ni meta voko tupu ko kata poso mela.

1 Koriniti 12:7

Vo Tabu ala Auvana ko pizato ta ko purata azaazama keve kale omaomadeu kale kude tu vota o tauvemelo kiadama lotu qoqono mela.

1 Koriniti 14:12

Meta meqai zariani mela kovo Tabu ala Auvana ko pizato, sole meta madoekomo tu kai iruruputomo koa pizato koa keve poso kale koko tauveko ama ko lotu qoqono.

1 Koriniti 14:14

So keru aṉa a vararaita keru koa edoloma pesio kale nio aṉata a vararaita Tabu ala Auvana ko pizato kale, melai ko quli aṉa aqa vararaitako quli kio pui aba kai nianiiovou ko kikolani.

1 Koriniti 14:26

So sole eri nio, a qaka ni visi poso mela. So keru meme doraekinia keru ilusato keru kala pado maba ta okai keraova ilusato ko kera, kala ta o nianiiekata, kala ta okai bazuta ko quli vo Baṉara kasa ova ikako, kala ta okai bazuta ko pui ko paqumuako pesio kale ama bazu, kala ta o pepelika koa bazu kikolani. Meta erekomo kiadama komi quli lotu qoqono ko tauvemo ama keve kale.

2 Koriniti 12:19

Esa meko kerukeru kale ta aṉata a ṉavi ada kerukeruiva komia pesipesi kale esa kimela. Pui! Aṉata a besia uri ama vatolo kale o ṉavi Baṉara ko tanama kale, aṉako va nabuluputo kale vo Karisito, ni kiadama quli aṉa abe kasekako quli, ta meko tauvemelo kaqe, a lolo poso mela.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

2 Koriniti 13:9

Aṉata ada zoleilou tu zara elo, meta me bizatou meko oqu kale ta. Nio aṉako vararaito ta meta maba bea maba sidopu me elou.

2 Koriniti 3:8

melai kobe qulepako ṉaṉaidara ta Baṉara ko Auvana ko leveleveo kale ama!

2 Koriniti 4:1

Eṉeta pui lekuleku ṉe eva, ako eṉeta ṉeqai nianiia ta o ṉaviko pakiezato sama roquano kale inio vo Baṉara ta o katiṉela eṉe komia eṉeko iruruputo sole.

2 Koriniti 5:18

Koa kiadama ta vo Baṉara ko iruruputo, vo o ṉelati odouveni eṉe voko kana madu ṉela ni voko baerebaere poso o iṉeleni eṉe, ni o katiṉeleni ko koidi tu mata kake ta voko baerebaere poso ṉe imo.

2 Koriniti 6:3

Eṉeta pui ṉeqa zaria tu kala ta ota ṉela kelo kama saruilo eṉeko iruruputo kale, sokale avo inio eṉeta ṉe madoeka tu sidopua saevo ṉe elo kiadamu ko vilu kasa.

2 Koriniti 7:1

A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.

Epesasi 1:23

Ni koa lotu qoqono ta vo Karisito ko tupu, so sole ko lotu qoqono ta ko okotiva vo Karisito, ni vo Karisito inio o okotikani kiadama quli kiadama keve kale.

Epesasi 4:16

Ni komia pado ama tupu ta Karisito ko ikio. Ni kiadama komia tupu ko kata poso ta omadeu tauvekinio ni pizatikinio ko eva vokale. Kiadama koa tupu ko kata poso ta ko ereka ko ṉaviṉavi ko iruruputo poso. So inio komia pado ama tupu ta ko rapuka ni ko pizata roquano kale.

Epesasi 4:29

Ni so keru me besiovou keru ta pui me rukuekou ko maba ko niumaeko ama pesio. Melai me qasekou ko quli ko uri ko imo ama ni ko pizatimo ama edolomu. So inio ko quli meme qaseko ama quli ta ko tauvemou seke didiemelani me.

Epesasi 4:4

Ako animeta omadeu tupu mela ni omadeu pado Auvana inio o eva anime tona sole. Ni vo Baṉara ta o nokaemela anime tu animeta me qovou omadeu pado reketekete animeko tuvevo puto sama kerukeru kale.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

Kolosi 1:28

So sole eqeta qevai bazubazuta vo Karisito kiadama maba madu kasi, ni eqeta qe balauvima kiadama maba madu ruqe ama keve poso kale azo, mai nianiiekiko kale kiadama raura kama nianiio. Eqeta qe ereka ko, ako eqeko zario ta kiadama maba se omadeu ke evani Jisu Karisito sase ta uria muqaro ke elou, so keru eqe kasa qe imou keru se Baṉara ko vilu kasa.

Kolosi 4:17

Ni bazuevomo vo Akipasi, tu vota o tovoziko ereko koa iruruputo Jisu lula ova pitoekema vo tu vota o ereko.

1 Timoti 1:12

Aṉata a ilusiva vo Jisu Karisito animevo Lekasa vo o pizatilani aṉa aṉako iruruputo kale. Aṉata a ilusiva vo, ako vota o malezilake ni o pitoelake sole tu ava nabuluputo vo,

2 Timoti 4:11

Luke o kiada inio inovoana obeta eva aṉa sase. Pa voa vo Maka ni ṉo vati kilou, ako vota o roveovou tauvelo aṉa iruruputo kale sole.

2 Timoti 4:5

Melai ṉota vinai ṉo ṉavi ṉoko uri ama kerukeru kale kiada keru, pataite tapata kale, ereka ko iruruputo vo Uri ama Bazu okai bazutani ko, ni puratika ṉoko pado ama va nabuluputo vo Baṉara.

Hiburu 13:17

Meta zorimomo meko lotu lekasa poso, ni erekomo ko quli seke melati soruekako me, ako se inio ke melati vailani me meko auvana ko saevo sole, ni se inio ko kilo ama ṉaniu kale ke lojo amu Baṉara ko tanama kale, tu ke kaseko seko iruruputo vokasi. Seta kevai bazuekou vo se lula ke erekako ni nonia ereko inio lula ke evani ko. So sole meta zorimomo se, tu seta ke zoleilou seko iruruputo kale, nio pui duki ke elou seko koidi kale, ako meko duki imo se ta pui kopa tauvemelou me sole.

Hiburu 6:1

So sole animeta me zuato koa nianiiekato, ko muqaro ko imelo ama anime auvana kale, tu pui me noqoeko pala ko kuleto ama quli lotu ko. Koa kuleto ama quli lotu ko ta pui me dova tanieko zakaremu pueko, ko eri ama: ko lilizio utu ama iruruputo ko ereko kale azo, koko melati ziovo ama auvana kale ama voukale; vo Baṉara vai oqu,