Epesasi 3:9 - BAṈARA KO VAIRU AMA LEVELEVEO

⁹ Ni vo Baṉara inio o katile aṉa komia iruruputo tu aṉata amai bazuekou kiadama maba madu vo Baṉara ko vatolo ko kavani. Koa mutamuta kama vatolo ta o mutake vo Baṉara koko tanitanila keru azo, vo o erekeni au ni miduku.

Epesasi 3:9 교차 참조

Matiu 10:27

Ko quli ko aṉa a melai bazuekako me moiza kalo kale ta me dova kasekou padopadoilo kale. Ni meme viqako quli vazavazao kale ta meqai velavelaovou ubutiania.

Matiu 13:35

Vota o erekake ko quli tu vo poropita kiovevo ta tuvevo ko elou, ko eri kikovema, “Aṉata aqai pesiovou ko podepodeti so keru aṉa a besiovou keru sekasi. Ni aṉata ama kasekou ko quli puliala opa kai nianiima quli komia peuru ma peuru ko tanitanila keru azo,” kikovema.

Matiu 25:34

Ni aṉa voa Lekasa lala ta eri kiavou sea maba poso aṉako palo rana mu kasi, ‘Me inio aṉavo Mama mauru o imeloa mela, sole meta kuemo tu vo Baṉara inio o katimelou voko lekasa puo ko mauruto, ko o mela inainaekema puliako komia peuru ma peuru ereilo.

Matiu 28:19

Tu meta olamo kiadama maba poso kasi kiadama peuru ma peuru kale, tu aṉako disaipeli imomo se, ni bapitaiso imomo se vo Mama, ni vo Meqora, ni vo Tabu ala Auvana ko ṉikale,

Luke 24:47

ni voko ṉikale inio lilizio ni sarueko ko akoezato ko bazu ta ko kaseilou, Jerusalema ko tanitou ti kobeta barou kiadama peuru ma peuru kale ama qoqono poso kasi.

Jone 10:30

Ako vo Mama ni aṉa ta omadeu qela sole,” kiolake.

Jone 5:17

Nio Jisu ta o mati tiorikake se, “Aṉavo Mama ta pui o lalamatani iruruputo, ni aṉa melai soa iruruputo inio a eva,” kiolake.

Jone 5:19

So sole vo Jisu ta o mati tiorikake se, “Tuvevo avole aṉata a bazuemela me, aṉa vo Baṉara vo Meqora lala ta pui a rovea ereko kama quli a qiada kale kude melai aṉata a ereka ko quli aṉa a qeako aṉavo Mama o erekako quli ko kiada. Ako vo Mama o erekako quli jari ama ikio aṉa vovo Meqora lala a ereka sole.

Iruruputo 15:18

So inio kiolake vo Baṉara vo okai bazuteni ko matu lulavo.’ ”

Romu 11:25

A visi poso, ikoana kama pado mutamuta kama tuveano ko aṉa a mela zariako me tu kai nianiio, ako me baqumukou ko inio pui meqai abarou meko nianiio. Eri nio koa mutamuta kama tuveano; se Izireli amu ko pikipikinio puto ta pui noqola kama kopa elou, melai kota ko epezou so keru sea poso se pui Jiu amu ke kilo amu vo Baṉara kasi ke okotou keru.

1 Koriniti 2:7

Koa bazu aṉa a qasekako ta o ṉavi Baṉara kasi azo ama bazu kio. Kota lula mutamuta kama, melai vo Baṉara ta lula o vatoeke korotiko puliako peuru ma peuru ereilo tu o katimelo anime aqasiele ama quli.

Epesasi 1:4

Vo Karisito kale inio vota o pitoemele anime puliako komia peuru ma peuru ereilo. Ni vo Baṉara ta o pitoemele anime tu voko tabu ama maba poso mela me elo ni puliama kuiripato saṉa me elo voko tanama kale.

Epesasi 3:2

Ako meta esa lula me viqe vo Baṉara ko katilo aṉa komia koidi voko pakiezato sama roquano kale tu aṉata a dauvemelo me.

Epesasi 6:19

Ni so jari meta me lati vararaitou aṉa, tu vo Baṉara ta o katilou aṉa ko quli aṉa a qaseko ama quli so keru a besiovou keru, tu aṉata parani putole kasa a ikou koa Uri ama Bazu ko tuveano kuleto mutamutale ko evema.

Kolosi 1:23

So sole meta vinavina tuvevo puekomo ko Uri ama Bazu tu pizaka lojomo ni pui epeilo kerukerueko koa uri ama quli meme qovo ama ko lula meme viqema Uri ama Bazu kale, koa Uri ama Bazu aṉa Paula lala aqai iruruputako tu aqai bazuto kiadama maba kasi.

Kolosi 1:26

Koa bazu ta mutamuta kama ko eve; Baṉara ta ota ma mutake sea kiadamu lulavo ke eveni kasi, melai erisaṉa vota uria kasa o ika voko maba madu kasi.

Kolosi 3:3

Ako meta lula meda vovini jaria mela inio, melai meko auvana poso ta ko saeva Karisito sase vo Baṉara o mela tukiekako saevo kale.

Kolosi 4:3

Ni vararaitomo tu vo Baṉara ta o tauveqelo eqe, tu vota o katiqelo eqe uri ama bazubazuto ko taku tu eqeta qekai bazubazuto vo Karisito lulavo mutamuta kale ko evema. Koa bazu kai bazubazuto kale inio aṉata abeta eva erisaṉa pirito pade kale.

2 Tesalonaika 2:13

A visi ni kaka poso, animevo Lekasa o roquemelani mela, eṉeta ṉe ilusiva vo Baṉara kiada keru mekale avo, ako so inio koko male sole. Ako vo Baṉara ta lula o pitoemele me peuru ma peuru ko tanitanila keru azo tu meta me bakio Tabu ala Auvana ko pizato kale, tu kota voko tabu ama maba poso ko imelo meko kai oqu kale voko tuveano.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

2 Timoti 1:9

Vota o pakiemele ni o nokaemele anime tu voko maba poso me elou, pui animeko iruruputo kale, melai o ṉaviko vatolo kale ni o roquano kale inio. Puliako peuru ma peuru ereilo vota lula o vatoeke tu o katimelo komia pakiezato sama roquano vo Karisito o puratikako,

2 Timoti 4:17

Melai vo Lekasa Jisu ta o evake aṉa sate ni vota o pizatilake aṉa, so inio aṉata a roveake kai bazuto pado ama Uri ama Bazu sea kiadamu se pui Jiu ama tanatanamu kasi tu seta ke viqo, ni aṉata a bakiake vou ko taka topi azo.

Taitasi 1:2

Ako koa seko uri ama lotu saevo ko raki ta seta ke tuvevo pueka ko seta ke kovou ko noqola kama saevo sole. Vo tuvetuve ala Baṉara ta o mela inainaeke anime komia noqola kama saevo puliako peuru ma peuru ereilo,

1 Pita 1:20

Ako vo Karisito inio o pitoini sole puliako komia peuru ma peuru ereilo, melai vota kasa o eva komia tovatovama taku kale mekale avo.

Kelokelozato 13:8

Kiadama maba poso peuru ma peuru kale amu ta ke ilusivou vo, sea kiadamu se pui kopa tama rikiziovini seko ṉi puliako peuru ma peuru ereilo, voa Sipi Meqora vo lula o vouvaini kasi azo ko kuevako noqola kama saevo samu ko ṉi ko buka topi.

Kelokelozato 14:6

Ni aṉata mata a veake kala pado mateana vo o akazani okate vasi okale, noqola kama ni uri ama bazu sala tu o kaseko se miduku kale ke evani maba poso kasi, kiadama toutou poso kasi, se aza pesiomu, kiadama qoqono kale amu ni se azaaza tupu amu kasi.

Kelokelozato 17:8

Voa biaṉa vo ṉo lula ṉo veani ta o saeve lulavo, melai vota pui o saevani vairutu. Vota o saqorou matu saqoroma soqili kale azo sai ziolo poso ko piriziakoi kazo ni vota o ziovou noqola tolailo kale. Se miduku kale ke evani maba poso se pui kopa tama rikiziovini seko ṉi poso noqola kama saevo samu ko ṉi ko buka topi puliako peuru ma peuru ereilo, ta keta vuzeilou muli ke velou keru voa biaṉa, vo o eveni lulavo, erisaṉa ta puliala, melai vota mata tova purato o elou.

Kelokelozato 4:11

“Eṉevo Lekasa ni ṉe Baṉara ṉa! Ko male tu eṉeta ṉe ṉaṉaidara pueṉou, ni ṉe rauraeṉou, ni ṉeṉai ilusikou ṉoko pizato, ako ṉo inio ṉo erekeni ṉa kiadama quli sole, ni ṉoko vatolo kale inio kota ko tanite ni saeve,” kikela.